علي سلمان آل مجرّي
14-07-2010, 11:15 PM
ترى النوايا أسرار والقلب دارها = والنفس نيّتها تحدد مسارها
مختلفةٍ في شكلها في عزومها = مثل الليالي السود ولاّ نهارها
لكن في بعض المواقيف تنكشف = لا دارت الكلمه تبيّن مدارها
من نيّته سوداء فهي تتضح لكم =إمن الحسد عينه تقادح شرارها
ما ودّه إن صيتك على الطيب يرتقي = ومن القهر يمناه تفرك يسارها
هذاك كبّه لا تهمّك فعايله = لو كان يبني ما انهدم من عمارها
ومن نيّته بيضاء عزومه تشجّعك = ألين تصغر في عيونك اكبارها
إتشوف في وجهه من إفعولك الرضى = والكلمه الزينه يصدّر قرارها
هذاك عزك فالمواقيف واللقا = لا صوّبت دنياك طلقة عيارها
واقوال وافعال الرجْل حسب نيّته = وله سمعةٍ ينزل ويرفع اشعارها
أميّز الوافين وأميّز الردي = وأميّز طيور السهل من حرارها
ولشجار نعرفها من الشكل والطعم = وحلو الثمر ماهو يشابه مرارها
مختلفةٍ في شكلها في عزومها = مثل الليالي السود ولاّ نهارها
لكن في بعض المواقيف تنكشف = لا دارت الكلمه تبيّن مدارها
من نيّته سوداء فهي تتضح لكم =إمن الحسد عينه تقادح شرارها
ما ودّه إن صيتك على الطيب يرتقي = ومن القهر يمناه تفرك يسارها
هذاك كبّه لا تهمّك فعايله = لو كان يبني ما انهدم من عمارها
ومن نيّته بيضاء عزومه تشجّعك = ألين تصغر في عيونك اكبارها
إتشوف في وجهه من إفعولك الرضى = والكلمه الزينه يصدّر قرارها
هذاك عزك فالمواقيف واللقا = لا صوّبت دنياك طلقة عيارها
واقوال وافعال الرجْل حسب نيّته = وله سمعةٍ ينزل ويرفع اشعارها
أميّز الوافين وأميّز الردي = وأميّز طيور السهل من حرارها
ولشجار نعرفها من الشكل والطعم = وحلو الثمر ماهو يشابه مرارها