قصيدة الشاعر عايد الطشل البقمي في حفل آل مفرح الجرابيع

[حمد الظلافيع]

يا الله تجمل من يريد الجميله=في ماقفن قدم الرجال المشاكيل
الوقت قرب والسمافة طويله=باقي نهار وساعتين من الليل
طريب ممسا الشعر بعد مقيله=واديه لسمان المعاني مداهيل
يا هاجسي ماعاد فيها وسيله=صب المثايل مثل صب الفناجيل
في محفلن واصل نهاره بليله=ما هوب فيد قليلين المحاصيل
ملفاي عند أهل السلوم الجليله=هل مرحبا ومتعبين المعاميل
مرويت حدب السيوف الصقيله=ومجودين اللي عليها الدرابيل
قوم الظلافيع العزاة المهيله=جمع الجرابيع الدهات الحلاحيل
اشيوخ مقطع حق وهل الأصيله=ابيوت الكرم وفي أطنابها مربط الخيل
عبيده العريضة المستطيله=قحطان ساس العز جيلين بعد جيل
حضرت وحضوري يمثل قبيله=جمال لكني ما أخاوي الجماميل
كلن على ماقيل قلبه دليله=وانا ما اطالع غير في الجدي واسهيل
يا سعيد بن مفلح تراها قليله=تقصر عن فعولك جزال التماثيل
يا راعي الجيرة مزبن دخيله= وضيوف ديوانه مقافي مقابيل
قالو عليك العافيه مستحيله=والله اليا جاب الفرج عدل الميل
في مافقن ما فيه بصرن وحيله=لكن ابوملوح شيخ الرياجيل
الأخو لا من راح محدن بدليه=مد السخى تقصرعنه مدت ابخيل
كفل علاج أخوه والله كفيله=وأنا أدري أنه ما يبي القال والقيل
يا راكب اللكزز جديد موديله=يمشي من تربه عسى عطوفها السيل
دار البقوم أهل الفعول الجزيله=ربعي حمى وادن غروسه مظلاليل
تنص الامارات البلاد الجميله=والعين لامن جيتها صفر الميل
ملفاك جابر الوفاء ينتميله=تلفى الشحم والعود والبن الهيل
يستاهل الأمداح راعي الفضيله=لعل تفداه الأيدين المغلاليل

[حمد بن مسفرالحبابي]

قـوم الظلافيـع العـزاة المهيـلـه=جمع الجرابيـع الدهـات الحلاحيـل
اشيوخ مقطع حـق وهـل الأصيلـه=ابيوت الكرم وفي أطنابها مربط الخيل
عبيـده العريـضـة المستطيـلـه=قحطان ساس العز جيلين بعد جيـل
يا سعيد بـن مفلـح تراهـا قليلـه=تقصر عن فعولـك جـزال التماثيـل
يا راعـي الجيـرة مزبـن دخيلـه=وضيـوف ديوانـه مقافـي مقابيـل


تستاهلون المدح يأهل المدح

[جناب الهضب]

صح لسان الشاعر عايد الطشل البقمي

[حمد الظلافيع]

مشكورين ونتمنا لكم التوفيق

[المناضل السليماني]

صح لسان الشاعر والناقل

[حمد الظلافيع]

صح لسان الشاعر والناقل
لاهنت

[عز الخيل]

والله مالك عــــــــــــــــــــــــــــايب وصح لسانك

ولا ظلمت نفســــــــــك

ويســــــــــتاهلون المدح والله لايهينك...