المساعد الشخصي الرقمي

مشاهدة النسخة كاملة : قصيده في اصغر شهيد


ابن حاليه
02-07-2010, 06:49 AM
هذه القصيده في اصغر شهيد ضحى بحياته دون وطنه وهو الشهيد /محمد ابن سعيد الفحوس الحبابي القحطاني واللذي استشهد في احداث المباركيه بمدينة الدمام عندما وقف وقفة شرف وتضحيه في وجه الطغمه الفاسده من الفئة الضاله وقد اطلق عليه لقب اصغر شهيد رحمه الله لأن عمره حينما استشهد في ساحة الشرف لا يتجاوز عشرون عاما رحم الله شهداء الواجب وحفظ الله بلادنا وقادتنا من كل سوء0


الله واكبر ومرحي يا الجزيره =في ظل حكام طوال شبورها

نامي بمان الله وعينك قريره = دونك حرار عاليات وكورها

دونك هل العوجا سيوف شطيره =حكامنادرع الجزيره وسورها

والشعب وافي والقياده بصيره =شجرة وفا والوديسقي جذورها

اليا التفتنا للوجيه الشريره =ناطا علابيها ونهدم قصورها

واهل الفتن واهل النوايا الحقيره = من وقعنا ماعادتجبر كسورها

اليا كسرنا العظم ماله جبيره =جبيرة العدوان منا قبورها

دون الوطن ناطا الدروب الخطيره =وعين المعادي ساحقين ذرورها

وقول بدون افعال عيب ومعيره =وافعالنا تشهد عليها حضورها

ويسجل التاريخ سيره وسيره = للي تلقي في النوايب نحورها

لبطالنا اللي ينطحون المغيره =والليلة الظلما تبين بدورها

اصغرشهيد من عيال العشيره = نذربنفسه يوم حامت طيورها

حرك على جيبه وعجل مسيره =سكر على الطغمه وعرقل عبورها

ما صابته رهبه وخوف وحيره =يوم القنابل والمدافع ودورها

يوم وليله ما تتقى بغيره =نمر جسورطامع في عسورها

قال النصرولا الشهاده وخيره = وحصل على الثنتين جاته بشورها

فمرحوم ياستر البني والقصيره =عساك في الجنه صحيب لحورها

يبن الفحوس اللي نهار الكسيره =تشبع ظواريها وتشبع نسورها

مادوروا من الحف هدنه وجيره =في حاضر الدنيا وماضي عصورها

تاريخهم معروف في كل ديره = والليلة الظلما تبين بدورها

الشاعر/علي ابن ناصرابن معيض ابن حاليه ال سعد

علي سلمان ال مجرّي
02-07-2010, 07:18 AM
صح لسان الشاعر

ورحم الله شهيد الواجب

جناب الهضب
02-07-2010, 09:51 AM
صح الله لسان الشاعر/علي ابن ناصرابن معيض ابن حاليه ال سعد وأعتلا شانة

ولاهنت يا تركي بن هادي ورحم الله الشهيد محمد ابن سعيد الفحوس الحبابي القحطاني

سفر بن مبارك
02-07-2010, 09:59 AM
صح الله لسانك والله يرحمه شكرا لك.........

ابن حاليه
14-07-2010, 01:23 PM
صح لسان الشاعر

ورحم الله شهيد الواجب
ارحب ارحب الله يحييك يا ابو سليمان صح بدنك والله يسمع دعاك ولاهنت على المرور طال عمرك

محمد بن مسفر بن جليد
14-07-2010, 10:19 PM
صح لسان الشاعر

ورحم الله شهيد الواجب

مسعود فهد المسردي
16-07-2010, 05:04 PM
صح لسانك والله يرحم الشهيد ولك مني جزيل الشكر

ابن حاليه
21-07-2010, 11:59 PM
صح الله لسان الشاعر/علي ابن ناصرابن معيض ابن حاليه ال سعد وأعتلا شانة

ولاهنت يا تركي بن هادي ورحم الله الشهيد محمد ابن سعيد الفحوس الحبابي القحطاني
ارحب ارحب
صح بدنك ولاهنت على المرور العطر والله يسمع دعاك
تقبل شكري وتقديري