المساعد الشخصي الرقمي

مشاهدة النسخة كاملة : قصيده للشاعر ( محمد بن ناصر بن كدم )


الظور
26-06-2010, 10:25 PM
بسم الله الرحمن الرحيم

هذه قصيده

للشاعر

محمد بن ناصر بن كدم ال قريش

بعد فتح جيزان وحصار الحديده وانكفاء معارك التوحيد وعندما عاد الى ربعه واهله بعد غياب 9 سنوات قال هذه القصيده

يقول


الله من قلبً كثيرً طواريه=كثرت هواجيسه ولاشً براها

وله صاحبن فوت زيانً تحاليه=وله حاجةً عنده وهو ماقضاها

اصبر لنا ياصافي الون عامين=ارب نفسي عوَدت من عناها

قلبي لكم يسقى كما غرس عمال=يسقى على عداً طويل رشاها

من عقب ذا ياراكباً بنت مقران=باتت تهوز شدادها في قراها

لما اصبحت لاكنها الريم لاجال=لاشافت القناص يركض وراها

تسرح براعيها معى كل مهياع=وفاتت تهامه وانزحت عن قراها

اسند معى بيشً طوال محانيه=بطحاه جل والخسع في حفاها

ان جاك واديً قبلي واسمه اركان=من بين جريَنً بعيد شفاها

فسند معه لعله الصيف لانهال=عسى الجراد الحرش يمسي وطاها

لما اوطت بك في القعر فعقل السير=ودلتينً تفتسر من عناها

ثم شدها في العصر مالقيها بين=وقطع بلاد الحاف مكثر حفاها

خلها تدرهم قبل درفة اليل=ولاقربت لزمه فقرب عصاها

لما ابره لها الدرب ثم ابره اليل=فمس الشداد وغش نفسك دفاها

خلها تسري ولاتجهل اليل=تصبح معى ربعاً تريح عناها

تلقا نواعيرٍ بعوج الدواوير=حريبها مايقدر الا شباها

ربعي هل الطالات كسابة النيب=تر كل عينً لغفوها دواها

قلبي عليهم ينتقه مخلب الذيب=ولازريب العلب عكفاً شغاها

الله يسامحهم على الخبث والطيب=ونفساً شنتهم كثر الله بلاها

ياكود من طرد الغرض والمواجيب=والمرجله ياخوك نتبع سناها

المرجله عذرا بكحل المهاديب=عقب صبيً ماعطاها هواها

كشر معى امه هرمةً من عشاء الذيب=يفرح لما انه سمع قرعة رحاها

ون جيت ليهو جالساً بين ثنتين=ويلاعب المجمول كنه عصاها

قل يامال كب الفوز جعله قضا دين=وفي حفرةً تلطا قطيبً صلاها

الاش لاينفع ولايعجب العين=عرابةً طالت خبيثً جناها

ولا انتزح ثم عدل الحذف لدنين=ويضيم علمه ديرةً لانصاها

ودمتم بخير

أبو راكان الحرقي
27-06-2010, 12:04 AM
الاش لاينفـع ولايعجـب العـيـن 0000 عرابـةً طالـت خبـيـثً جنـاهـا




بيض الله وجهك وال كدم معروفين ولن انوفيهم حقهم مهما كتبنا رجال سجل التاريخ اسمائهم بحروف الذهب في الشجاعه والمرجله والعلوم الغانمه رجال وضعوا لقبائل عبيدة علامات يستضأ بها في الطيب واكرام الضيف والعاني

سلطانـ قحطانـ
27-06-2010, 09:45 AM
عشت وبيض الله وجهك




اشهد بالله انها جزله ومن شاعر جزل جعله فالجنه





ولا يستغرب ذلك من اهل الفعول والتواريخ اللتي يطرب ويتنومس بها القاصي والداني




ولاهنت يابومحمد






ولك تحياتي

مشاري بن نملان الحبابي
27-06-2010, 11:09 PM
أرحب يا بو محمد ..

جزل وما تجيب الا الجزل والسمين ..

قصيدة أكثر من رائعة ..

ودائمًا مواضيعك لها رونق خاص وكثيرًا ما استمتع بها ..

لاهنت يا الغالي ..

شامانـ العاطفي
29-06-2010, 10:25 PM
ا
ياكود من طرد الغرض والمواجيـب ...............والمرجلـه ياخـوك نتبـع سناهـا

المرجلـه عـذرا بكحـل المهاديـب ..................عقـب صبـيً ماعطاهـا هـواهـا

رحب يابو محمد

قصة جزلة ورحم الله الشيخ محمد بن كدم رحمه واسعه

أبومسفر القحطاني
30-06-2010, 09:58 AM
لي عودة بإذن الله






وفقكم الله ومن يقرا لما يحب ويرضى









اخوكم :
أبومسفر القحطــــــــــــــــــاني

حمد الظلافيع
01-07-2010, 05:08 PM
بيض اللة وجهك واللة يرحم الشيخ الفارس بن كدم

مقدم الشفقان
04-07-2010, 09:50 AM
قصيدة جزلة ومعبرة عن وقتها وظروفها

صح لسانك ولسان قائلها.

الظور
07-07-2010, 08:59 PM
الاش لاينفـع ولايعجـب العـيـن 0000 عرابـةً طالـت خبـيـثً جنـاهـا




بيض الله وجهك وال كدم معروفين ولن انوفيهم حقهم مهما كتبنا رجال سجل التاريخ اسمائهم بحروف الذهب في الشجاعه والمرجله والعلوم الغانمه رجال وضعوا لقبائل عبيدة علامات يستضأ بها في الطيب واكرام الضيف والعاني


ارحب اخوي الغالي ابو راكان

اشكرك على هذا المرور والتعليق الجزل والله يبيض وجهك ولاعدمتك ياالقرم

تحياتي لك وتقديري