المساعد الشخصي الرقمي

مشاهدة النسخة كاملة : قصيدة المشاركه في شاعر الوطن لـ فلاح ال مخلص اليامي


علي بن مسفرالحبابي
18-06-2010, 09:53 PM
السلام عليكم ورحمة الله وبركاته
اخواني الكرام
هنا القصيده التي شارك بها الشاعر/ فلاح بن سالم آل مخلص اليامي
في مسابقة شاعر الوطن التي انطلقت منافساتها على قناة صدى الفضائيه
وتاهل الشاعر فلاح من اللجنه الي مرحله الــ 24 ونتمني للشاعرنا الرائع التوفيق في هذه المسابقه
واليكم القصيده .........









يا جليل الملك بيرق من نصاك يرزي = يـا ملاذ المستجير اسمك ذاري وعزي
مالي الا ذكـرك وذكـرك سـلاح المومـن=حزت فيهـا النفـوس مـن النفـوس تقـزي
احتمـى الموقـف وجيـت اسابـق الخيالـه=حـدد المضمـار والوجـه العزيـز يعـزي
راكـب صفـرا حوافرهـا تشـق البييـداء=ناصيتهـا تنتخـي بـي والرمـاح تـهـزي
مـن مرابـط عـاديـات نــدر سبقـهـا=كل ما حدت علـى فـض الصفـوف تفـزي
تجبد النخوه وانـا اصـوت لهـا وازهمهـا=واعتـزي واقـول يابنـت الريـاح اعتـزي
فـي نبـا عبـد العزيـز موحـد الجزيـره=ثاقـب النظـره عـدو الغاشـم المبـتـزي
ناحر الجهـل بخناجـر سطوتـه واعزومـه=النجايـب مفحـمـات والخـيـول تـلـزي
نادرحـول علـى نجـد ولـطـم عايلـهـا=وارتفـع صـوت ينـادي للفخـر والعـزي
الحـكـم لله ثــم لعبدالعـزيـز الفيـصـل=كل الاسماء فالجزيره تحـت حكـم معـزي
الشجيـع الاصــوك المتـنـدر المتسـيـد=اعتـزى والـدم فايـر والدقـون تـجـزي
ياهل العوجـاء عزاويكـم تجـري الهايـب=روس قـــــوم رميكم كز وطعنكم دزي
من طمـع فيكـم بحـول الله تجـب حبالـه=يشطب اسمـه والبيـارق فالجبـال تـرزي
الحكـم لخـوان نـوره والــولا واجبـنـا=لـو مزهبـت البنـادق تحتجـي وتـكـزي
ياوطـن يفـداك مـن كفـر خـدم بيـت الله=غـرر بفكـره وعـاش مـشـرد ملـتـزي
شـق صـف المسلمـيـن الاول وهـددهـم=وانتحـر والغـاوي اللـي ورطـه متـوزي
علـمـوه وعلـمـو تباعـتـه واعـوانـه=والله ان تقضـف جنايزهـم بـدون معـزي
ان نصحناهـم وقلنـا السيـف تـو الخايـن=يضحكون اهل الخيانـه ضحكـت المتهـزي
يافتـى الارهــاب ماقـدامـك الا حتـفـك=السيوف الحـدب تصقـل والحبـال تمـزي
ضاعو اعوانك وضعـت الله يسـود وجهـك=قمت في غيـر المفاصـل بالحديـد تحـزي
انتصح والا وطنا منت كفو تطوله= دونه اللي رميهم كز وطعنهم دزي

حكيم الشور
19-06-2010, 05:50 PM
بيض الله وجهك يابومسفر


واليامي عزالله قصيدته كايفه وتستحق التاهل


شاعر جزل من الدرجه الاولي


بالرغم من عدم متابعتي للبرنامج

فلاح آل راكان
21-06-2010, 12:59 AM
الله الله

لاهنت يابو مسفر على النقل الرائع ..

وعز الله انه شاعر ابو سالم وقصيده كاااااااااايفه ..

تقبل مروري نفداك ..

علي بن مسفرالحبابي
21-06-2010, 10:52 AM
بيض الله وجهك يابومسفر


واليامي عزالله قصيدته كايفه وتستحق التاهل


شاعر جزل من الدرجه الاولي


بالرغم من عدم متابعتي للبرنامج
هلا بك ولاهنت ياحكيم الشور

حمد بن مسفرالحبابي
27-06-2010, 10:12 PM
صح الله لسان فلاح ال مخلص

شاعر ويستاهل


ولاهنت يابوفيصل

مقدم الشفقان
29-06-2010, 09:53 AM
صح لسان الشاعر وليس مستغرب منه هذه الأبيات الجزلة وهو من ال مخلص ربع الشاعر القديم (صالح بن سمرة)

تقبل تحياتي ياعلي ولاهنت.

علي بن مسفرالحبابي
16-07-2010, 11:45 PM
الله الله

لاهنت يابو مسفر على النقل الرائع ..

وعز الله انه شاعر ابو سالم وقصيده كاااااااااايفه ..

تقبل مروري نفداك ..
لاهنت يافلاح والله يعطييك العافيه

عبدالله بن حسن
20-08-2010, 02:42 PM
بيض الله وجهك

الظور
28-08-2010, 01:04 AM
ارحب يابو مسفر وبيض الله وجهك على النقل دايم مواضيعك ترقى الى القمه اخوي على عساك تحيا

وابو مطلق شاعر يصخر القصيد على مايفوق خيال المتخيل واتمنى له التوفيق

تحياتي يابو مسفر

ابن سراع القحطاني
28-08-2010, 01:31 AM
صح لسان الشاعر فلاح آل مخلص على الجزله

ولاهنت على النقل يبومسفر



تقديري

ابوحمود البندقآني
30-08-2010, 08:01 PM
صح لسآن شاعرهــآ
وتسلم يمينك علىا هاالنقل

بأنتظار جديدك