المساعد الشخصي الرقمي

مشاهدة النسخة كاملة : اللـــه يخـارج مـــن الفرقـــــى ويستــــر


هادي محسن جليغم
07-06-2010, 11:49 PM
بسم الله الرحمن الرحيم

بعد طول غياب تواصل:


يانسيم الليل قبل الصبح يظهر=ودي أخاويك وأسمعك صوتي
لك خويٍ لاسهرت الليل يسهر=غايب عن حزة الناس الخفوتي
والله إني لابغيت الصبر مااقدر=في ضميري عبرةٍ تظهر سكوتي
قالوا إن باب الفرج للي بيصبر=والصبر من عادة كبار البخوتي
الشهر روَّح معه ثلاثة أشهر=الدقايق والثواني ماتفوتي
مالقى الصابر مراسيلٍ تبشِّر=غير فرقاً جرها عين النحوتي
الله يخارج من الفرقى ويستر=لايجي من سبة الهجران موتي
حشرجت فالصدر والصدر ايتفجّر=بالعبار اللي تغنيهابيوتي
كيف ترضى بالسوايا ماتعذّر=مرةٍ يفرح بها القلب الشموتي
كان في نفسك على مثلي تكبّر=والله إن الكبر في شربي وقوتي
التواضع خصلةٍ ماهي بتذكر=عند ناسٍ في ضغاينها زموتي
خايفٍ جدرٍ بنيناه ايتكسر=كسرة يبحل بها الزند العفوتي
لاتسبب فالقطيعةثم تحسّر=حسرةٍ ماجات زاهين البشوتي
من محاكيك الكلام يجييك سكّر=خالصٍ توه من الغصن محتوتي
واصفك وصفٍ عليه الله وأكبر=ماوصفْه اللي وصف ليلى ونوتي
حب خيرك لابغيت أحب يصغر=حب مغرض فاضيٍ ماله كروتي
وأنت حبك يارزين العقل يكبر=طابعه فالقلب من يمنع ويوتي


هادي بن محسن بن هميجان ال جليغم

سفر بن مبارك
08-06-2010, 12:26 AM
أخوي هادي بن جليغم

من بيت شعر ومكانه في عبيده وفي قحطان صح الله لسانكـ وبيض الله وجهكـ وكمل معروفكـ والصبر جميـل

قصيـده جزلـه تأجج فيهـا الوجدان لفراق المجهـول شـكراً لـكـ ........

هادي محسن جليغم
08-06-2010, 08:54 PM
اخوي سفر بن مبارك ماعليك زود الله يعافيك ويطول عمرك وانت دايم سباق على الطيب والكلام الطيب

عامر الوهابي
09-06-2010, 01:22 AM
أرررررررحب يابن جليغم وصح لسانك يابو محسن

قصيدة وافية من وافي ودايما ماتجيب إلا جزل يابو محسن

تقبل مروري وإعجابي..

محمد بن مسفر بن جليد
09-06-2010, 02:34 AM
أرررررررحب يابن جليغم وصح لسانك يابو محسن

قصيدة وافية من وافي ودايما ماتجيب إلا جزل يابو محسن

تقبل مروري وإعجابي..

هادي محسن جليغم
10-06-2010, 11:13 PM
الله يعافيك يابو مسفر ولايهينك ويطول عمرك انت وعامر الوهابي بني عم واخوان

فهد بن محمد الزهيري
12-06-2010, 09:50 AM
ابو محسن لا عدمتك
صح لسانك وبيض الله وجهك

رائد نملان الحبابي
12-06-2010, 09:52 AM
صح الله الساااانك

عامر الوهابي
12-06-2010, 10:05 PM
............................

هادي محسن جليغم
12-06-2010, 10:08 PM
صح بدنك يابن خيطان ويابن نملان وكلكم ونعم

ذيب آل جليغم
07-11-2010, 12:38 AM
صح لسانكـ يا بو محسن ..

صالح حسن الكيرعاني
10-11-2010, 10:38 AM
صح الله لسانك يابو محسن واعتلى شانك

قصيدة جزله ومليانه ولو شهادتي فيك مجروحه

وكل مابغيت اقتبس بيت لقيت بيتٍ اجزل منه فلله درك

صالح جواح
15-11-2010, 05:43 AM
صح لــــــــــــــسانــــــــــــــــــــــــــــكـ

فهد الهباش
17-11-2010, 07:14 PM
صح لسانك يابن جليغم.....والله لاهينك...تقبل مروري...

حامد القريشي
20-11-2010, 05:34 PM
مبدع يابن جليغم وصح لسانك واعتلى شانك.. اتمنى لك التوفيق والحظ القوي .. تقبل مروري

ابو سلطان العبيدي
20-11-2010, 05:57 PM
أرررررررررررحب

صح الله لسانك

وبيض الله وجهك

تقبل مرور اخوك