صروف الوقت

[حامد القريشي]

السلام عليكم ورحمة الله وبركاته

الله يمسيكم بالخير جميعا وأحب اشاركم بهذه القصيدة المتواضعه ولعلها تحوز على استحسانكم



صروف الوقـت

على المضيـوم هبي ياهبايـب .. مدام الوقت شــح بمـا يليقــــه

يدور الوقت وتشـوف الغرايـــب .. خيـال وعاشها الغافـل حقيقــه

وفيت ولا كسبت الا نشايـــب .. جلب صدقي لصدري كل ضيقـه

نكور الجاحد اقسى من الحرايب .. وعمــاة القلـب مافيها طريقــه

مصيبه كان جات من القرايــب .. يهـون الجرح من باقي الخليقـه

مالـوم العين دام القلـب ذايـب .. عيـون الحـب ماتنقـل حقيقــــه

مشاريه الغـلا افـراد وكتايــب .. حقايقهـــا لها اوجيه(ن) طليقــه

وراء المـقفيـن بركنـا الركايـب .. ومــن يلحـق عسى ربي يعيقـــه

وحب(ن) بالوصل يجلب مصايب .. مالي نفس(ن) على وصله شفيقه

ليا حدك زمانك على الكرايب .. وزبـد موجـه تــزايـــد من صفيقــه

تجيك علوم عنها الفكر غايب .. تعيــد حسابهـا من اول دقيـقــه

وصعيبه ذا الزمن تلقى حبايب .. محاني صـدورها لسرك غليقــه

صروف الوقت روتنـا عجايــب .. وحـدتنـا علـى مــا لا نطيقـــه

ياصبر الجوف من حر اللهايب .. وسحاة العين من دمع(ن) تريقــه

على المضيوم هبي ياهبايب .. وعلى الوالي الفرج من كل ضيقه

وسلامتكم .. أخوكم / حامد بن مزهر

[عبدالله فراج العلياني]

وراء المـقفيـن بركنـا الركايـب .. ومــن يلحـق عسى ربي يعيقـــه

حامد القريشي صح لسانك وكفو ياذيبان 000000000

[صالح حسن الكيرعاني]

ليا حدك زمانك على الكرايب .*. وزبـد موجـه تــزايـــد من صفيقــه

تجيك علوم عنها الفكر غايب .*. تعيــد حسابهـا من اول دقيـقــه

وصعيبه ذا الزمن تلقى حبايب .*. محاني صـدورها لسرك غليقــه

صروف الوقت روتنـا عجايــب .*. وحـدتنـا علـى مــا لا نطيقـــه

ياصبر الجوف من حر اللهايب .*. وسحاة العين من دمع(ن) تريقــه

على المضيوم هبي ياهبايب .*. وعلى الوالي الفرج من كل ضيقه


صح الله لسانك يا حامد واعتلى شانك

قصيدة جزله ومليانه و وافيه وانا انتظر جديد مثايلك

تقبل مروري العطر

[حامد القريشي]

سلمتوا يالربع على المرور العذب وبيض الله وجيهكم

[ذيب العبيدي]

اراء ان الوزن هنا يتحاج

منك لمراجعه


اتمنى لك التوفق


وانا متاكد بان لديك ماهو

افضل

[حامد القريشي]

الله يحييك ياذيب واشكر على مرورك
وإذا طلع فيها مايحتاج على قولك فوضحه في أي بيت واتحدأ واتمنى لو كان كلامك صحيح لاني ناويك بحق ..هع ولكن ثق ثقه تامه أن الشعر أصيل ومن منبعه ...

وأن اشهدن عرفي لبعض المزاييين @ اخير من عرفي لبعض الشنابات

وجه الحسن يطرد هموم الحزينين @ والهم تجلبه الوجيه التعيسات

وعزاك ياللي تقضي الدين بالدين @ ولاسد حاجاتك وجيه الدعايات

وابشرك والله رصيد الميامين @ تزهابه ابنوك الغنا والتجارات

من امس الى بكره وبعده وبعدين @ على النقا تحيا الرجال العريبات

راس الطمع عرف الرجال العزيزين @ وتضخيرت المعنى مابين العبارات

وإن قالها الله شفتها شوفة العين @ منقولة(ن) عبر الفضا والمحطات

يامكبر الزله من رجال غاليين @ومهون خطأ بعض الوجيه البغيضات

سلم على فكرك سلام المودين @ وقله ترا خابر جميع الحركات

يالله بعفوك يامعز الذليلين @ ويامذلل خشوم الكبر والآنافات

[ذيب العبيدي]

على المضيـوم هبي ياهبايـب .. مدام الوقت شــح بمـا يليقــــه

*********



وحب(ن) بالوصل يجلب مصايب .. (( مالي نفس(ن) على وصله شفيقه))

ليا حدك زمانك على الكرايب .. (( وزبـد موجـه تــزايـــد من صفيقــه))


مرحبا اخي حامد

البيوت اللي تحتاج وزن قوستها


وعلى كل حال الامر بسط .


ومن سجل حضوره بقصيده او غيرها


اكيد للجميع فيها راى

والراى مايزعل احد

اتمنى لك التوفيق



العبيدي

[حامد القريشي]

أأأأأأأأأرحب ...
و حياك الله يالذيب و عموما أخي الكريم البيت الاول فقراءت القصيدة غير القاءها بلهجة كاتبها والحقيقة ما أشوف في مبين اقواسك أي شيءولا في غيرها.. وبعدين تعال وبدون زعل انا أشك ان المشكلة عندك في القراءة لأني الاحظ أخطاء إملائيه واضحة.... وعموما إذا لك في الشعريا ذيب فيا ليت منك الرد على الأبيات التالية

ليه الحسد يا أهل القلوب المريضه @ وتو الليالي بينت غيبها تو

وكلامكم ياذيب ماهو فريضه @ وفي ذمتي تاليه مثل اوله بو

مانخسر الصاحب وصعب اتعويضه @ لاصارت العذراء ترا جوها جو

نار السمر ولع تتطاير وشيضه @ وعود التخت غرق(ن) ولا ولع الضو

وفجوج بقعا والله انها عريضه @ ولاهاضني بارق ولا مخايلن نو

مالي ورا الحساد حبة قريضه @ واللي تبي اتسويه ياصاحبي سو

وسلامتك .

[ذيب العبيدي]

مرحبا يا حامد

مافيه مبرر للكلام هذا كله


ومادامك واثق من نصك فكل الاراء

تصب في مصلحة النص

على اي حال مايحتاج الزعل

ياولدي والذرابه زينه


==========

انا اشهد ان الطير غير مقيضه = تكرم ونكرم يابن الاجواد عن بو
**
مابه حسد تلقى معانا نقيضه = الطيب والترحاب لناس لا جو
**
والله خلق بالناس ناسً حضيضه = تنوي على العليا ولك فكرك ونو
**
ماحدً بحث لك سر يوماً تفيضه = جيناك نمشي وانت في جوحكم عدو
**
والطيب الزيزوم ماحن نغيضه = عاداتنا من عادنا في الخلا بدو
**
ومشكور يارعي العلوم الغليضه = سوق الدلال الصفر وابعد عن القدو


ذيب العبيدي

[حامد القريشي]

أأأأأرحب ياذيب تراحيب المطر

مشكور وما قصرت على الرد على الابيات وكنت اتمنى اشوف الأفضل وعدم تكرار بعض قافية العجز

وبالنسبة لقافية العجز في البدع فهي الواو الساكنة المفتوح ماقبلها وليست الواو الساكنة المضموم ماقبلها كم في عدو .. بدو .. قدو .. وهذا مايعتبر منك قصور

وحبيت اقول لك ثلاثة معاني إهدااااء مني لك

والأولة ..

شاعر وترضخ لي صعيبات الأوزان ... ياكيف ماترضخ وأنا من عبيدة

حنا عدود الشعر من ماضي أزمان ... أهل الشعر وأهل الصفات الحميدة

.. ولا على القاريء زود

والثانية ...

طبيت في سلمنا وماجور @ وبشر عسى مابه اخلافي

حزنك بدا يكشف المستور @ وشوفتك ياذيب تنعافي

ترمي كلام (ن) بدون اشعور @ ولا همك اللوم والقافي

وأعرف ترا ذا الزمان ايدور @ وماحلبك مثقل اكتافي

إن جيت أنا الصاحب المخبور @ وإن رحت مابه تحسافي

مبصر ولاني بحقر العور @ وأرقا على كل مشرافي

ويازين ستر الله المستور @ ونعيش في ظله الضافي

اليوم دنيا وبعدها اقبور @ ومن ظلمة القبر ياكافي

والعرض في يومها المنشور @ وسبحان من يظهر الخافي


والثالثة ....


مادمت تقصاني لا والله تسمع .. والخيره فيما اختارها عالم الغيــب

هذا أقتناعي في فؤادي تربـــــع .. ولا لك ورا أفكاره حقوق ومطاليب

إن جاز لك مضمون فكره تنفع .. حصيلته ناتج دروس وتجاريـــب

فكم راس من صكات بقعا تكمع .. وآلمه شيبه تو بدري على الشيب

وكم لآش من بين النعايم تربع .. وكم قرم عاش امع الزرا عيشة الذيب

العايب إن شاف المعيبه تشجع .. والكفو مايقبل على نفسه العيب

وحي الطبيعه لعنبو من تطبع .. إن دام له يومين ثالثهم ايخيــب

وش لي بوجهن كل يوم ايتنوع .. وعن المراجل له كفوفن معاطيب

صدري من معاتب جنابك تشبع .. ايس مدايح كلبوها عذاريــب

ولا صار ماعندك هروجن تشجع .. ترا الصكات ابرك من الهرج ياذيب

عن العتب واللوم حاول ترفع .. وليا بغيت أزهم وتلقاني امجيب

عيني لونها لكل عثره تتبع .. كان أجفلوا بعض العرب والاصاحيب

أأدخل على الله وارتجي وآآتشفع .. عن الشماته يقصر ابعيد وقريب

لا واهني من في جنانه تمتع .. ولا واعذاب اللي شوته اللواهيب



وسلامتك .و.سعدت بمعرفتك ياذيب وأعيد وأكرر ثق ثقه تامة أن الشعر أصيل ومن منبع تخصص اللغة العربية ولو تبيها على الفصحى جيناك بالفصحى .. لاهنت على مرورك العذب وسلمت ولاندمت

[ذيب العبيدي]

:applaudit: :applaudit: :applaudit: :applaudit:


ماشاء الله

[الظور]

اخوي ابن مزهر حامد ارحب بك ياجزل

قصايد في غايه الروعه

وانت شاعر تصخر القاف على ماتريده

والاخوان النقاد اظن انهم قرئوا القصيده على طرق وبحر غير بحرها ولم اجد في القصيده اي كسر او جبر

فالقصايد على عده بحور لابد من قرائتهاعلى بحرها ولابد للشاعر ان يعرف بحور الشعر

اشكرك واشد على يمناك ياالذيب

[حامد القريشي]

اخوي الظور... دام ااالبقا

والإطراء منك شهادة عااااالي مستوااااها وأعتز بها

والعفو لاشكر على واجب

سعدت بمرورك وسلمت ولاهنت

[---- القريشي ----]

انشهد انك شاعررر يا وجه ال قريش وبيض الله وجهك على القصيد الجزل ولايهون اخوي ذيب العبيدي

[عبدالله بن دومان]

صــــح الـسـانك

[غشام ال مهدي]

صح لسانك قصيده وافيه من وافي ولاهنت يالغالى0


***مع تمنياتي لكم بالتوفيق***