سعيد بن فايع
03-10-2005, 10:41 PM
لعل هذة المشاركة تكون الاولى اتمنى ان تحوز على رضاكم واستحسانكم 0 قصيدة جادت به القريحة عندما فارقت احد اخوتي حيث اجبرته ظروف العمل للذهاب الى مدينة طريف0
يابو محمد دلة تعدل الكيف = قم قام حظك وادن صفر الدلالي
يانسل ابوي اللي يسد المواقيف = دامك معي مايكل الهم حالي
خل الشعر مثل المزون المراديف = يمطر ويبرد من على القلب صالي
ياخوي مرتني سوات الصواديف = وانا ثلاث سنين داله وسالي
ماكدر ايامي هموم وتحاسيف = واليوم كن الهم ياقف قبالي
كنه يقول انتوا وجيه المعاريف = هل تذكروني فالليال الخوالي
والهم ياخوي افتراق المواليف = ودعت لي ياخوي بطريف غالي
اتلى العهد ليل في تالي الصيف = ليل تغير عن جميع الليالي
ليل على عيني سوات المهاديف = ذنب وتكفره الدموع الجزالي
يوم اتلفت فالمدينة وفالريف = كن الرياض امسى من الناس خالي
وليت ياعام كثير التصاريف = كدرتني من عقب عام صفالي
مالوم شالح يوم جر السواليف = كنه يغني لي ويقصد بدالي
لو خلقت الدنيا عالى الشف والكيف = كان اختصرنا فالبيوت الطوالي
لابد من رحلة زيارة وتشريف = اما حصل ذا الوقت في وقت تالي
وختم القصيدة بيت من غير تكليف = بيت على شانه حسمت الجدالي
اليوم اهوجس كلما ذكرتى طريف = ومن اول عنها قليل سوالي
يابو محمد دلة تعدل الكيف = قم قام حظك وادن صفر الدلالي
يانسل ابوي اللي يسد المواقيف = دامك معي مايكل الهم حالي
خل الشعر مثل المزون المراديف = يمطر ويبرد من على القلب صالي
ياخوي مرتني سوات الصواديف = وانا ثلاث سنين داله وسالي
ماكدر ايامي هموم وتحاسيف = واليوم كن الهم ياقف قبالي
كنه يقول انتوا وجيه المعاريف = هل تذكروني فالليال الخوالي
والهم ياخوي افتراق المواليف = ودعت لي ياخوي بطريف غالي
اتلى العهد ليل في تالي الصيف = ليل تغير عن جميع الليالي
ليل على عيني سوات المهاديف = ذنب وتكفره الدموع الجزالي
يوم اتلفت فالمدينة وفالريف = كن الرياض امسى من الناس خالي
وليت ياعام كثير التصاريف = كدرتني من عقب عام صفالي
مالوم شالح يوم جر السواليف = كنه يغني لي ويقصد بدالي
لو خلقت الدنيا عالى الشف والكيف = كان اختصرنا فالبيوت الطوالي
لابد من رحلة زيارة وتشريف = اما حصل ذا الوقت في وقت تالي
وختم القصيدة بيت من غير تكليف = بيت على شانه حسمت الجدالي
اليوم اهوجس كلما ذكرتى طريف = ومن اول عنها قليل سوالي