المساعد الشخصي الرقمي

مشاهدة النسخة كاملة : مرحبا يابو معتز


سعيد آل فارع
21-05-2010, 12:53 AM
هذه القصيده رد على قصيده الصديق الغالي والشاعر المتألق ابو معتز

ارجو ان تنال اعجابكم




يامرحبا بعداد ورد النواوير = لاعلها الوسمي مع كل غيمه

ارحب يابو معتز حشمه وتقدير = لك قيمتن غطت على كل قيمه

وكل إلهك واعلم انها مقادير = كلن تلقَى طعنتن في صميمه

الظلم والبهتان مامنه تاثير = على النفوس الواعيه والحكيمه

طويق يبقى طويق ماجاه تغيير = لو ان وجه الوقت مافيه شيمه

والصبر مفتاح الفرج واخره خير = يرقى به الرجال لشداد ريمه

بعض العرب مامنّه الا مخاسير = الطبع ثابت والعلاقه حميمه

خله يولي وانت قد جاك تقرير = حرر له من فنون صمتك قسيمه

ارسم على وجه الانافه تعابير = تثبت بها ان الصمت ماهو هزيمه

يجيه من غيرك مكيده وتدبير = لاهو غريمن لك ولاانت بغريمه

من له على درب الكرامه مشاوير= مايستفيد الا شموخ وعزيمه

ماطاح من حاز النوايا المغاتير = ماطاح غير اهل النوايا العتيمه

واعيدها واقول ترها مقادير = كلن تلقّى طعنتن في صميمه

جناب الهضب
21-05-2010, 01:50 AM
سعيد آل فارع

صح الله لسانك واعتلا شانك

صالح حسن الكيرعاني
21-05-2010, 02:23 AM
صح الله لسانك يا سعيد آل فارع واعتلى شانك

قصيدة جزله ومليانه و الشاعر ابو معتز معروف وقصائده مميزه

وتقبل مروري العطر

أبو معتز
21-05-2010, 04:52 AM
هذه الابيات موجهه ومهداه لشاعرنا الخلوق سعيد ال فارع المعمري عضو هذا المنتدى ويشرفني الترحيب به ويشرفني ذلك
ورجو تنال رضاكم


(سلام يا ابو ميس)



اعداد ما غرد على الغصن من طير = واعداد ما هب الشمـال ونسيمـه
سلام يا ابوميـس والسالفـه غيـر = كثرو هل الغلطات واهـل النميمـه
وانا تراني ذا السنه مانـي بخيـر = من بعد قرب اللي فراقـه غنيمـه
همً يقلطني على الضيقـه عصيـر = ويأسً يحطمنـي وغـش وظليمـه
وشيً يصير وشيً ما عمره يصير = زمع السوالف والقلـوب السقيمـه
اشـؤم عنهـا وابتعـد والتباشيـر = في وجه زيزوم الامـور العظيمـه
وانا صبرت سنين والسر في بيـر = والقلب صـادق والنوايـا سليمـه
والغلطه اللي جات من غير تبريـر = مشيتها لـو كـان ماهـي يتيمـه
ماهوب ودي بس لجـل المناعيـر = اللي لهـم عنـدي حقـوق قديمـه
واللي يبي له حاجه ويدهن السيـر = يضيع قـدره والغـلا والحشيمـه
وانا لي الله والحمـل شالـه بعيـر = وظليمـه الاجـواد اكبـر ظليمـه
لكن سلامي عد ما غـرد الطيـر = واعداد ماهـب الشمـال ونسيمـه
عليك يا بو ميس والسالفـه غيـر = حلفت ما يفـرح صبـي النميمـه


رد الشاعر سعيد ال فارع

مرحبا يابو معتز

يامرحبا بعـداد ورد النواويـر =لاعلها الوسمي مع كـل غيمـه



ارحب يابو معتز حشمه وتقدير=لك قيمتن غطت على كل قيمه


وكل إلهك واعلم انهـا مقاديـر=كلن تلقَى طعنتن فـي صميمـه


الظلم والبهتـان مامنـه تاثيـر=على النفوس الواعيه والحكيمـه


طويق يبقى طويق ماجاه تغييـر=لو ان وجه الوقت مافيه شيمـه


والصبر مفتاح الفرج واخره خير=يرقى به الرجال لشـداد ريمـه


بعض العرب مامنّه الا مخاسيـر=الطبع ثابت والعلاقـه حميمـه


خله يولي وانت قد جاك تقريـر=حرر له من فنون صمتك قسيمه


ارسم على وجه الانافـه تعابيـر =تثبت بها ان الصمت ماهو هزيمه


يجيه من غيرك مكيـده وتدبيـر=لاهو غريمن لك ولاانت بغريمـه


من له على درب الكرامه مشاوير=مايستفيد الا شمـوخ وعزيمـه


ماطاح من حاز النوايا المغاتيـر=ماطاح غير اهل النوايا العتيمـه


واعيدها واقول ترهـا مقاديـر=كلن تلقّى طعنتن فـي صميمـه

عبدالله فراج العلياني
22-05-2010, 02:36 AM
بعض العرب مامنّه الا مخاسيـر
الطبع ثابت والعلاقـه حميمـه

خله يولي وانت قد جاك تقريـر
حرر له من فنون صمتك قسيمه

صح الله لسانك صح الله لسانك يا سعيد آل فارع واعتلى شانك

قصيدة جزله ومليانه و الشاعر ابو معتز معروف وقصائده مميزه

وتقبل مروري العطر

سعد الشواطي
22-05-2010, 08:29 AM
مرحبا ترليون يا شاعرنا الرائع ..

صح لسانك جعل من جابك في الجنه ..

ويستاهل أبو معتز هذا المدح

عبداالله بن ملحه
07-03-2011, 12:47 AM
صح لسانك ويستاهل ابو معتز كل الخير

منصور بن حيان القحطاني
10-03-2011, 01:21 PM
صح الله السانك ياسعيد

والسان ابو معتز

منصور بن حيان القحطاني
10-03-2011, 08:58 PM
صح الله السانك ياسعيد

والسان ابو معتز