المساعد الشخصي الرقمي

مشاهدة النسخة كاملة : يا كثر الاصحاب يوم اللعب والدشرة


محمد الراشد
16-05-2010, 09:41 AM
يا كثر الاصحاب يوم اللعب والدشره
يوم الملاهي تدوّر من يلهيها


من اول شقتي بالناس محتشره
يوم العزوبية الي كنت مغليها

واليوم لا عاد لا خوه ولا عشره
الله ولا رفقة هذي تواليها

ناس مع المصلحه عشره على عشره
وان حدك الوقت حدة لك جنابيها

اللي حياته مع البيلوت والنشره
واللي يحب الدشوش ولاهيٍ فيها

واللي على الخط دايم فاغر الكشره
سمّاعته طول ليله ما يوطّيها

واللي مزاجه مع القصات والبشره
ماله هدف والنصايح ما يدانيها

واللي مع الناس لا يفقه ولا يشره
شقراً مع الخيل لا هجّت تباريها

ذي عيّنه في شباب اليوم منتشره
عسى الذي جابها من الارض يمحيها

اهل المصالح معرّفتهم كماالقشره
لا نظّف الراس بالصابون ينهيها

هذا كلامٍ علينا واجبٍ نشره
وما تحرق الجمره الا رجل واطيها
________________
الشاعر : سعد بن جدلان الاكلبي

صالح حسن الكيرعاني
16-05-2010, 04:00 PM
صح الله لسانك يا محمد الراشد ولسان ابن جدلان

قصيدة واقعيه وبإسلوب سهل وجزل

اشكرك على طرحك المميز

نايف راكان
16-05-2010, 06:18 PM
صح لسان ابن جدلان وصح لسان ولاهنت يالذيب



مشكور

محمد الراشد
17-05-2010, 12:58 PM
ارحبوااااااااا


لا شكر على واجب

اشكر لكم مروركم الذي عطر صفحات المنتدى

جناب الهضب
17-05-2010, 04:49 PM
صح الله لسان الشاعر : سعد بن جدلان الاكلبي

ولاهنت على النقل

محمد الراشد
25-05-2010, 08:03 AM
صح الله لسان الشاعر : سعد بن جدلان الاكلبي

ولاهنت على النقل



أرحبببببببب

واشكرك على المرور الذي عطر صفحاتي

ابراهيم آل بي حبيب الرفيدي
25-05-2010, 10:16 AM
صح الله لسان الشاعر : سعد بن جدلان الاكلبي

ولاهنت على النقل

تحيااااااتي

سفر بن مبارك
26-05-2010, 07:25 PM
بيض الله وجهك حكم نحتاج إليها لاهنت..................

محمد الراشد
29-05-2010, 11:31 AM
أخوي ابراهيم
أخوي سفر

ارحبووووووا

مرحباً بكم وبمروركم