المساعد الشخصي الرقمي

مشاهدة النسخة كاملة : عظيـــــــــــــــم الشـــــــوق


الـهـامـور
15-05-2010, 01:45 PM
عظيـــــــــــــم الشـــــــــــــوق




تعطينـي الـود وإلا تأخـذه منـي..... يبلغـك قلبـي المقفـي تحيـاتـه

اليوم يا صاحبي رد الخبـر عنـي ..... ما يرخص الغالي إلا كثر غلطاتـه

جارت علي الليالي وأخلفـت ظنـي ..... والحب ما عوض المجبور ما فاتـه

ادعي شفوفٍ تجيب أرضاك ما جني ..... شاحت عن الغالي اللي شفت زلاتـه

حمامة الحب فـوق النايفـه غنـي ..... في وادي تطرب الأسمـاع جراتـه

قصايدي يومة مات الحـب ينعنـي ..... في مقبل الوقت يالغالـي سلاماتـه

ياللي برمح الغلا تسطي وتطعنـي ..... وأنا معك خافقي محبـوس غاياتـه

تبي الحقيقة عظيم الشوق ما أوهني ..... اليوم ساوت حسان الحـب سياتـه

أببتعد عنك قدر اليوم مـا أمكنـي..... ما هوب عيب يعاف القلب مشهاتـه

بغيت عنك العـزا مـره وردنـي ..... مشاعـر نصرهـا يلفـح براياتـه

العـام وإلا يجـن اليـوم ينهـنـي ..... عن حبك اللي جروحي من نهاياتـه

لك ذكرياتٍ جميلـة يـوم مرنـي ..... ما وسعت خاطر تسعى لمرضاتـه

واليوم لولا الموده ما ضحك سنـي ..... وما شن قلبي على فرقاك غاراتـه

ونوازع الطيف ما جني وزارنـي ..... في وحدتي تهدي الخافـق مسراتـه

هذا وأنا خافقي للحـب مـا حنـي ..... قلبٍ بعد به مكـان يحـب هيهاتـه

شعــــــــــر الأميـــــــر عبد الــــعزيز بن سعــــود بن محمــــــد آل سعـــود

شـاعـر آل سـعـود
الســــامــــــــر

بندر الضيغمي العبيدي
15-05-2010, 02:26 PM
الهامور جمل الله حالك قصيدة ولا كل القصائد يستحق كلمة شاعر غاية الجزاله مشكور

فلاح آل راكان
15-05-2010, 09:08 PM
بيض الله وجهك يا الهامور ..

صح الله السانك والسان الشاعر مدد بلا عدد ..

تقبل مروري نفداك ..

محمد بن مسفر بن جليد
16-05-2010, 02:46 AM
--------------------------------------------------------------------------------
بيض الله وجهك يا الهامور ..

صح الله السانك والسان الشاعر مدد بلا عدد ..

جناب الهضب
16-05-2010, 03:09 AM
صح الله السانك والسان الشاعر مدد بلا عدد ..

غشام ال مهدي
16-05-2010, 08:01 AM
صح لسانك بالغالي ونتظر جديدك0


مع تمنياتي لكم بالتوفيق

نايف راكان
16-05-2010, 06:24 PM
بيض الله وجهك يالهامور ولاهنت



مشكوووووور