المساعد الشخصي الرقمي

مشاهدة النسخة كاملة : مساجله بين الشيخ الفارس مناحي بن جرمان بن سعيدان والشيخ الفارس هذال بن فهيد الشيباني

خالد آل مطرف العاطفي
29-10-2004, 03:19 AM
بسم الله الرحمن الرحيم

هذه مساجله للشيخ الفارس /مناحي بن جرمان بن سعيدان شيخ قبيلة ال عاطف من ال محمد الجحادر .. عندما حال ومعه
جماعته للجنوب بحث ٍ عن العشب والماء .لأن نجد كانت في تلك السنوات قاحله والماء فيها قليل .. ونزلو في تثليث حيث العشب والماء ..فقال الشيخ قصيده لم استطع الحصول الا على بيت ٍ منها وهو يعتذر في هذا البيت لنجد حيث انه جلس ثلاث سنوات عنها ..


يقول الشيخ مناحي :
يانجد سامحني ثلاث سنين=مادام تثليث ٍ .. زها ..مرعاه
وعارضه الشيخ الفارس هذال ابن فهيد شيخ قبيلة الشيابين من عتيبه. بقصيدة لم استطيع الحصول الا على بيتين منها :يقول الشيخ ابن فهيد:

ياراكب ٍ من عندنا .. ثنتين= صوب الجنوب مناحي ..تلقاه
يحرم عليه الحزم والضيرين= ماعاد يشرب ..من مسايل ماه
فرد عليه الشيخ مناحي ابن سعيدان بهذه القصيده التي منها :


ان كان تطري الحزم والضيرين = ارض ٍ .. وبا ..ماهيب لي مشهاه
ترى الوعد.. خشم النفود.. الزين=مابين .. صبحا ...والحصاه
واليا ..لفوك النكيف .. بحين = تبكي على اللي ماتبي فرقاه

طبعآ تواجه الشيخ الفارس مناحي ابن سعيدان والشيخ هذال بن فهيد في عدة معارك وقد استطاع الفارس ابن سعيدان
من اصابة وكسر ابن فهيد مرتين في معركتين منفصلتين ..وهذا لايقلل من شأن ابن فهيد لأنه فارس معروف وله تاريخه
ايضآ ..وسوف اقوم ..بأعداد موضوع كامل عن الشيخ ابن سعيدان وعدد من فرسان ال عاطف ..مثل ملهي ابن سعيدان
وعشق بن الجيطاء وفهيد الفحيثه .. والفارس .. قريويش ..وغيرهم ..

اخواني الأعضاء والمشرفين والمراقب العام ارجو ممن لديه منكم اي اضافه او تعديل ..ان يتفضل .ولكن بشرط ان يكون
واثق من مصدر المعلومه ..
ولكم تحياتي
اخوكم
خالد
سعيد المهداني
29-10-2004, 09:10 AM
الله لا يهينك على الموضوع الرائع


عن الشيخ مناحي ابن جرمان .. ((الله يرحمه))


وعن المساجله الجميله ...


أاخوك
سعيد المهداني
خالد آل مطرف العاطفي
30-10-2004, 04:43 AM
يا مرحبا ياسعيد .. مرورك ..يهمني كثيرآ ..لأنك من اللي يعرفون السوالف واتوقع منك الأضافات ..
ويعطيك العافيه ..على كل حال

اخوك
خالد
الضياغم
30-10-2004, 03:48 PM
الطيب مايجيب الاالعلوم الطيبة
الموضوع ممتاز
وخاصة اذا كان ل شيخ من شيوخ قحطان
فارس قحطان
30-10-2004, 05:58 PM
أرررررررررررررحب
ياخالد

مشكور على هذي المساجله
خالد آل مطرف العاطفي
30-10-2004, 07:54 PM
ارحب ياخطاف ..
الطيب والله مرورك ومرور شرواك ..وماعليك زود ..

مشكور على المجهود اللي يمكن ما يدري عنه بعضنا .. ماينفع الا من ابوه ينفع ..


............................................
فارس قحطان :: سلمه سلمه .. وانت ممن يهمني مروره .. واتوقع منه الأضافه الطيبه

اخوكم
خالد
ابن عاصم
30-10-2004, 09:04 PM
خالد يعطيك العافيه والله يرحم ابن سعيدان وابن فهيد وجميع المسلمين
ولا تبخل علينا من القصص ياسليماني
ساري
31-10-2004, 03:09 AM
لا هنت يا خالد لاهنت
وفي انتضار المزيد من العلوم الطيبه ومشكوووووووور

ســــــــاري
نجم سهيل
31-10-2004, 04:11 PM
لاهنت يا خالد


على الاضافة الرائعة عن الفارس مناحي ابن جرمان ابن سعيدان



............. يذكر ان شيوخ عتيبة مجتمعين مع بعض ويذكرون فيما بينهم




عن أشجع فرسان قحطان النادرين ........... وذكر ابن حميد وقال الشيخ ( .... الفلاني ... )



وقطع كلامة الشيخ الهيضل وقال لا : .........




الشيخ والله ابن جرمان = والكوبة يا أبن (... الفلاني ... )



وبأذن الله في وقت لاحق على ذكر المشرف العام ( خالد ) بفرسان ال عاطف ..... سوف اجيب لكم




قصة حقيب عندما وضع جيرة قحطان سنة وشهرين ........ وقصة ابوقدحتين ............





ولكم خالص تحيااااااااااااات

اخوووووووووووووووووووووووك نجم سهيل
محمد بن شديد
02-11-2004, 02:35 PM
الله لا يهينك ياخالد جزل وكل ما منك جزل وانت راعى العلوم الطيبه كلها والموضع واحد ومن ارد من اخواني ان يضيف شي ما عندنا فيه احاطه على نفس الموضوع فمشكور اما تفريع الموضع وادخال فيه مواضيع لا تبت له بصله فتركها اولى لحين طلبها تقبلو التحيه
خالد آل مطرف العاطفي
07-11-2004, 05:09 AM
اخواني

ابن عاصم
من قال يتعافى .. والله يسلمك على كل حال .. ياوجه ال سليمان ..

.................................................. .................................................. .........
ساري
ياهلا والله بساري ...والطيب والله مرورك .... تراك طولت مانزلت مواضيع لازم نشوف مشاركاتك ..


.................................................. .................................................. ........
نجم سهيل
لاهنت على التعليق ويعطيك العافيه ...
.................................................. .................................................. ...............................

ابوشديد
انا انتظرك وانتظر شرواك من الرجال اللي يعرفون السوالف ..واتوقع منك الأضافه على مثل هذه المواضيع واشكرك على متابعتك
الدقيقه للمواضيع .والتمعن فيما يكتب ..
وتقبلو تحيات
اخوكم
خالد
محمد بن شديد
07-11-2004, 02:05 PM
ابشر يبو مبارك ان شاء الله اني لا اجيب القصيدتين


كامله وغيرها من السوالف الذربه والجزله واللي تنومس
إبن الأروق
17-12-2004, 10:48 PM
لاهنت ياخالد لاهنت

اما عن ابن (......) لما قالوا عنه عتيبه والكوبه ، لانه والله لعب فيهم لعب ، وشيوخ قحطان كلهم مافيهم قصور ، وعلى فكرة اللي قال البيت المذكور امرأة من عتيبه وليس الهيضل حسب علمي


شكرا لكم
خالد آل مطرف العاطفي
17-12-2004, 11:27 PM
لاهنت يابن الأروق
ومشكور على المرور والتعقيب على الموضوع ..وكعادتك ياابومحمد متميز ...

اخوك
خالد
الصقري
05-01-2005, 06:34 PM
أخوي خالد 000 تسلم ثم تسلم والله 000 مشاركة موفقة جداً 000 والموقع بحاجة لمثل هذه المشاركات المميزة 000 وآسف على التأخير 000 والواقع أني مهما قلت لن أوفيك حقك 000 لأنك دائماً أنت السباق وراعي الأوله -كما يقال- في التشجيع لأعضاء المنتدي وتوجيهنا بحكم موقعك وتقديرك للجميع.

فتقبل مني يا ابو وليد خالص أحترامي وتقديري 00 أخوك :
ابن سعيدان
12-02-2005, 10:54 PM
أخي خالد عندي تصحيح لقصيدة الشيخ مناحب بن جرمان بن سعيدان وهي
أن كان تطري الحزم والضيرين////ارضآ وبا ماهيب لي مشهاه
ترى الوعد جر الشعيب الزيـــن/////مابين صبحا والحــصــــــاة
واليا لفوك النكيف بحـــــيــــن///// تبكي على اللي ماتبي فرقاه
ــــــــــــــــــــــــــــــــــ
كذالك يهمني أي قصه عن عشق الجيطاء لأنه من الفرسان الذين لهم قصص كثيره مع الدواسر ومعارك وهومن الفرسان الذين لم ينصفهم التاريخ
ابن سعيدان
12-02-2005, 10:57 PM
خالد تصحيح للقصيده////// ترى الوعد جر الشعيب الزين//////مابين صبحا والحصاة
أبا الذموم
04-12-2006, 04:35 PM
الأخ المراقب خالد أررررررررررررررررررررررحب تراحيب المطر

أمّا طلبك لقصيدة الشيخ الفارس مناحي بن جرمان بن عويضه بن سعيدان آل عاطف وهو من شيوخ آل عاطف في زمنه فابشر بالسعد يقول مناحي بن جرمان :


ياراكب اللي ما دقلها القين = ما ساقها العمال في المنحاه .

تلفي لنا راعي الجواب الزين = أبو جهز رده وأنا ملفاه .

إن كان تطري الحزم و الضيرين = دار وخام ٍ ولانبي مرعاه .

يانجد سامحني ثلاث سنين = مادام تثليث زفا مرعاه .

يصبر علينا دامنا مسنين = لين الحيا ينقاد من منشاه .

لا بدنا من بعدنا دانين = وكم نادر ٍ بنحورنا ناطاه .

وإليا لفوك النكيف بحين = تبكي على اللي ما تبي فرقاه.

خيّالكم عرّض على الكمين = من ولب خيّال ٍ يعرف أعزاه.

ترى الوعد جر الشعيب الزين = ما بين صبحا والحصاه .هذه القصيده وجهها الشيخ الفارس مناحي بن جرمان بن عويضه بن سعيدان آل عاطف للشيخ الفارس هذال بن ضمن بن فهيد الشيباني شيخ قبيلة الشيابين من عتيبه .

وقصيدة الشيخ هذال بن فهيد يقول قيها :

يا راكبٍ من عندنا ثنتين = صوب الجنوب مناحي ٍ تنصاه
إن كان يطري الحزم والضيرين = يحرم على مثله برايد ماه
هذا وتقبل تحياتي الخاصه

أخوكم أبا الذموم .
أبا الذموم
04-12-2006, 04:49 PM
لاهنت يا خالد


على الاضافة الرائعة عن الفارس مناحي ابن جرمان ابن سعيدان



............. يذكر ان شيوخ عتيبة مجتمعين مع بعض ويذكرون فيما بينهم




عن أشجع فرسان قحطان النادرين ........... وذكر ابن حميد وقال الشيخ ( .... الفلاني ... )



وقطع كلامة الشيخ الهيضل وقال لا : .........




الشيخ والله ابن جرمان = والكوبة يا أبن (... الفلاني ... )



وبأذن الله في وقت لاحق على ذكر المشرف العام ( خالد ) بفرسان ال عاطف ..... سوف اجيب لكم




قصة حقيب عندما وضع جيرة قحطان سنة وشهرين ........ وقصة ابوقدحتين ............





ولكم خالص تحيااااااااااااات

اخوووووووووووووووووووووووك نجم سهيل


الأخ نجم سهيل أررررررررحب
بالنسبه للبيتين :

الشيخ والله جرمان = يا ........... يا كوبه
خيل ٍ حداها جبهان = يا ذلها ذي النوبه
هذين البيتين قالتها بنت الدويش شيخ مطير تمدح فيها الشيخ الفارس جرمان بن عويضه بن سعيدان آل عاطف في إحدى المعارك بين الجحادر ومطير والبيت الثاني تمدح فيه الشيخ الفارس جبهان بن جرمان بن عويضه بن سعيدان وهو اخو الشيخ الفارس مناحي بن جرمان بن عويضه بن سعيدان .
وللمعلوميه الشيخ الفارس محمد بن هادي بن قرمله يوم كبر في السن جلس عند الشيخ الفارس جرمان بن عويضه بن سعيدان وهذه المعركة اللي بين الجحادر و مطير على وقت الشيخ الفارس محمد بن هادي بن قرمله .تقبل تحياتي .
مرعي بن دواس الحبابي
04-12-2006, 06:08 PM
الاخ خالد

لاهنت

والاخ ابالذموم

لاهنت

بيض الله وجيهكم


اخوكم
ابن عياف
14-01-2007, 10:06 AM
كفوا والله يالذيب وعلومك
دائماً غانمة وطيبة
وال عاطف لهم سوالف
وعلوم كثيرة
نتمنى لك التوفيق
بما تجمع وتعد لنا
عن الابطال منهم والشعراء
ونعم مليون بأولاد عاطف
أهل الكرم والشجاعة
والعلوم الطيبة مدح يستحقونه
ولاهنت اخوي خالد
ال زامل القحطاني
16-01-2007, 02:39 PM
ونععععععععععععم بشيخ ال عاطف

تسلم على الموضوع

وأرجو التكملة

وشـــــكـــــرآآآآآ
حر الجحادر
22-01-2007, 08:09 AM
مشكووووووووووووووووووووووور
العاطفي نت
11-02-2007, 10:15 PM
خالد ارحب

لاهنت على هالمساجله الي بين شيخين سطر لهم التاريخ بطولات ومعارك


ولاهان ابا الذموم على ايراد القصيده
عاشق السروات
18-02-2007, 10:06 PM
أرحب يابومبارك اعلومك كلها جزله والطيب الي شرواك ميجي منه الا كل علم طيب وبا لمناسبه مبروك علي الرجال الله يجعله صالح ويخليه لك اخوك الوعيلي
محمد بن زيد
24-02-2007, 07:10 PM
لا هنت على هذه السالفة ونحن في الكثير من هذه القصص المفيدة والمذكرة بالتاريخ لفرسان قحطان[url=http://www.qahtaan.com/works/up]http://www.qahtaan.com/works/up/uploads/qahtaan-02-23-1172230573.gif[/url
عشاق
30-03-2007, 06:00 AM
خالد

مشكور على الموضوع

وأبا الذموم مشكور على الاضافات

وتقبلو تحياتي
سفير بن سعيدان
13-04-2007, 05:18 PM
لاهنت