يا هيه التفت لي شيله راائعه

[محمد آل سويدان]

اضغط على الرابط:
V
http://www.4shared.com/audio/CgZ7cxMU/________.html



ياهيه إلتفت لي وإسمع دعاي لك يـا هيـه

ترى عادك بتشبـع مـن البعـد واتواجـه

دعيتك بصوتٍ ياصلـك ليـه مـا توحيـه

وأنا أسمع ضلوعك من صدى الصوت لجاجه

عليـك الفـؤاد إخلاجـه مصمـخ راعيـه

خف الله في راعيـه مـا تسمـع إخلاجـه

ترى العفو قد جـاك أولـه وإغتنـم تاليـه

وترى الحلم بحرٍ غيـر لا تامـن أمواجـه

وترى الـود ليـلٍ مظلـمٍ جيتلـك ساريـه

سراجه وصالـك والجفـا ينفـخ سراجـه

وترى قصرنا اللي كم سنة نجمـع ونبنيـه

هوى العذل طيـح بابـه العـود وسياجـه

لي أيام مـدري ويـن دارك ولا أدري ليـه

وأنا خابـر إنـي بـاب شفـك ومزلاجـه

غيـابٍ بـلا سبـة هجـادٍ بــلا تنبـيـه

وجفا أغلى العرب نارٍ على الكبـد وهاجـة

نضج قلبي من البعـد وش حاجتـك تكويـه

جفاك الجمر والصبر فـي بعـدك الصاجـه

وطبع حبـك بقلبـي والأيـام مـا تمحيـه

هـذا هجـرك يحـاول يموجـه ولا ماجـه

يموت الأمـل لكـن ظنـون الغـلا تحييـه

وعروق الوفـا بالـروح والقلـب وجاجـة

خبرتوا حدٍ يبكـي علـى واحـدٍ يبكيـه؟؟!!

وخبرتوا حدٍ مسجون ما يبغـي إفراجـه؟؟!!

أحبـه ولا أبغضتـه علـى شـيٍ يسويـه

ولا زالـت رقـاب الرجـا فيـه منعـاجـة

عسى منزلٍ ضمه حقـوق الوسـم تسقيـه

وتضحك له الدنيا وهـو يضحـك حجاجـه

فقد خاطـري شـي مـن الضيقـة مسليـه

وغدت روحي من النـاس والليـل هجاجـة

أروح لمكـانٍ خابـره .. خابـره يأتـيـه

أسوق القدم صوبـه وهـي مالهـا حاجـة

مكـانٍ نزيـه وأول مواجهـي لـه فـيـه

وأنـا خابـرٍ مـا رجـل مثلـه بـدواجـة

لعل وعسـى مـا حدنـي للمجـي يدعيـه

وأشوفه وأنـا مـا ودي أسبـب إحراجـه

يحب الجريح آخـر دروب اللقـى ويجيـه

وتحـب القـدم جيـة مكـان أول مواجـه


الشاعر الكبير محمد بن فطيس المري..

اتمنى من اللي يعرف اسم اللي يغني الشيله يكتبه لنا مشالله على صوته..

[ابن عياف]

شيله رائعه

جداً

جداً

وكلمات رائعه من الشاعر الكبير

محمد بن فطيس المري

فبيض الله وجهك

[سعد الشواطي]

ارحب ترليون يا مشرفنا الرائع ..

شكرا لك على هذا النقل الاكثر من رائع ..

صاحب الصوت الجميل على ما أضن انه مري ويكنى العذب ..

[فلاح آل راكان]

ارررررحب يا محمد تراحيب المطر ..

شيله رائعه وشاعر اروع ..

جعل يمنآك ماتعطب يا ذيبان على النقل ..

تقبل مروري نفداك ..

[,,القحطاني,,]

شيلة نادرة من اجمل ما سمعت

صوت ولحن وكلمات في قمة الروووعة

نشكرك على هذة الشيلة

أروح لمكـانٍ خابـره .. خابـره يأتـيـه

أسوق القدم صوبـه وهـي مالهـا حاجـة

مكـانٍ نزيـه وأول مواجهـي لـه فـيـه

وأنـا خابـرٍ مـا رجـل مثلـه بـدواجـة

[مشاري بن نملان الحبابي]

أرحب يا السويداني ..

بيّض الله وجهك على هذه الشيلة الرائعة ..

لقصيدة الشاعر الكبير محمد بن حمد بن فطيس المري ..

والشيلة من أداء العذب .. وهو من الجرابعة آل مرة من أهل الجبيل ..

لاهنت يا الغالي ..

[علي البشري]

الله يبيض وجهك يابن سويدان على هذه الشله الرائعة ..

وابن نملان ماقصر جاب العلم ..

بالنسبة لعذب له شلات كثيره وصراحة صوته ابداع ماشاء الله عليه ..

وله شله دويتو مع المبدع محمد بن زميع انشاءالله اجيبها لكم ..

تقبل مروري .

[نايف راكان]

بيض الله وجهك ولا هنت اخوي محمد


مشكور