ص ب 42

[منصور العبدالله]

هذا طال عمركم واحد غبي اسمه راشد زهق من حياته ومن ركضه كل يوم الى مكتب العمال والديوان يبي له وظيفه وهو ما كمل سادس ابتدائي ... وصل الى رابع وجابوا له مدرس خصوصي في التعبير ولا نجح

المهم فكر وقرر .. وقال مالي الا اروح اهاجر للخارج واذا كونت نفسي رجعت لديرتي (اخس يالذكي)

المهم كلم ابوه وامه واخوانه وقال انا ابهاجر .. قالوا له وين تبي تهاجر الى يثرب ولا الحبشه (قديمين مره) .. قال لا ابروح امريكا وابتعلم وابكون نفسي

باعوا اهله اللي وراهم واللي دونهم علشان يسفرونه ويفتكون من خشته اللي كانها ضب مسوي ريجيم وسافر راشد للخارج

وعقب فتره ارسل لااهله رساله يطمنهم عليه ويقولهم ان المقاضي في امريكا غاليه من ثياب وشمغ وعقل (وش دعوه رايح لاسواق الديره) .. وقال لهم انه يبي مقاضي وكتبها بالرساله .. وقال ارسلوها بسرعه وكتب في نهاية الرساله ص.ب 42

اشتروا اهله كل شئ وعجزوا لايفكون الرمز ص.ب 42

وقعدوا يسالون في ديرتهم عن هالغرض اللي يبيه ولدهم وعجزوا لايعرفونه .. قاموا ونزلوا للرياض ودوره بهاالاسواق الين لقوا لهم رجال كاشخ ومتسكب ومترزز وقفوه وقالوا: انت من وين؟

قال: انا منكم بس الحمد لله متعلم وخذيت الدكتواره

قام الشايب وقال: ما شاء الله تبارك الله والله تطوروا عيالنا

قال: يا ولدي لنا ولد با امريكا ارسل لنا يبي مقاضي وجبناها له الا اخر شئ طلبه عجزنا لانعرفه فقلنا نسالك الله لايهينك تعلمنا عنه لانك فاهم ودكتوراه وترانا لنا اسبوع وحنا متلتهين

قام الدكتور وخذا الرساله وقعد يضحك وقال: الله يهداك يا ابو راشد اسبوع ما عرفتوا وش معناة ص . ب 42

قال ابو راشد لا والله يا وليدي

قال الدكتور: انتم دايم تفشلوننا ولا تتطورون يا أغبياء علشان كذا انا منحاش وساكن بالرياض .. المهم يا ابو راشد ص .ب 42 يعني ولدك يبي ترسل له صندل بني مقاس 42 !!!!!

[آل معمر]

ههههههههههههههههههههههههههههههههه

طيب لو كان ص ب : 15 كيف يفهمونها ؟؟أتوقع يقولون صامولي بـ 15 ريال http://www.aborenaz.net/smilies/smilies2/9'hk_w_frfsh/biggrin23.gif

مشكور ابن شروح ما قصرت

[ابن كشم العبيدي]

ههههههههههههههههههههههههههههههههه

طيب انت وياه لو كانت ص ب 14 بتصير صامولة بيجو مقاس 14 هههههههه

<<<<<<<< يبي يقلد آل معمر ههههههههههههه

لا هنت يابن شروح

[مروان]

السلام عليكم ورحمة الله وبركاته

ابن شروح اقرب جاي أبا أشاورك ولا أحد يسمعنا:

السالفه حلوه وسردك لها أحلى

وبتكون أحلى لو تركت (حوطي) و (صعيدي) لأن هذولا اخواننا المسلمين وقد يكونون عند الله خير مني و منك

المراد خلونا من ذكر أسامي الأسر و القبايل و الدِيَرْ عشان ما نستاثم

وترى يوم خصّيتك يا ابن شروح بالكلام فعشان انه موضوعك و اللا فان الدعوه للجميع بمن فيهم مروان

أخوك مروان

[سحاب قحطان]

اخوي مروان ..



كلامك صحيح 100% وعين العقل ..


وصدقوني يا جماعة لو ان هذا الكلام عنا كان زعلنا ..



اتمنى ان نثري المنتدى بمواضيع مفيده ..


تحياتي للجميع ..

[منصور العبدالله]

ال معمر:
يعطيك العافيه على نشاطك في المنتدى
يهمني مرورك وتشريفنا بردك الرائع
واتمنى الموضوع أعجبك
وقعدت تضحك
لاعدمناك

[منصور العبدالله]

ابن كشم العبيدي:
وستين نعم
حلووووة بيجو
شرفتني بمرورك وتعقيبك
ولاعدمناك يا رائع

[منصور العبدالله]

مروان:
يعطيك العافيه ورسالتك وصلت
وصدقني كلامك جميل وصادق في كلامك
ووالله ووالله فكرت فيها بس الشيطان
الظاهر كان جنبي وأعوذ بالله منه
لكن خفت أغير شيء في الموضوع
فيفقد حلاوتة وعارف السبب مو منطقي
والشيطان شاطر وأستغفر الله
وعلى العموم لا يصير خاطرك الا طيب
وانا اليوم حطيت موضوع في المجلس الإسلامي
بعنوان صورة الجنة وأتمنى يعجبك
لاعدمناك

[منصور العبدالله]

سحاب قحطان:
الله يوفقك لتأييدك للأخ مروان
وانتوا على حق وتأييدك على حق
وممكن هالناس أفضل منا عند الله
ولو إن التعليق والنكت على القحاطين
كان ما زعلت
بس لا ننسى أنها غيبة
كأكل اللحم الميت
والعياذ بالله
مشكور سحاب قحطان
ولا عدمناك

[منصور العبدالله]

يعطيك العافيه ال معمر ومشكور لمجهودك

[آل معمر]

الأخوة مروان وسحاب قحطان

شكرا لكم على النصيحة وتم تعديل الموضوع بعد الاستئذان من ابن شروح

[منصور العبدالله]

مشكور ال معمر على التغيير مع شكري الخالص للأخوة مروان وسحاب قحطان على نصيحتهم الغاليه

[مروان]

السلام عليكم ورحمة الله وبركاته

الأخ سحاب قحطان
أشكر لك تأييدك و هذا من التعاون على البر و التقوى.
أسلم لأخيك

الأخ ابن شروح
رفع الله قدرك فقد شرحت صدري بتقبلك الملحوظه
وزِدتَ ذلك بالإيعاز للأخ المشرف اّل معمر بتغيير ما يلزم
. بل أتبعت هذا بموضوع مفيد في المجلس الإسلامي

الأخ المشرف العزيز ال معمر
أشكر لك تجاوبك وليس هذا بمستغرب من مثلك.
أرجوا أن تراجع الموضوع فما زال (الصعـ...) متّعز و أرجوا أن تلحقه خوه.
شكراً لك من القلب

أخوكم مروان

[آل معمر]

تم التعديل للمرة الثانية أخي الكريم مروان

[مروان]

السلام عليكم ورحمة الله وبركاته

ال معمر

جزيت خيراً

و أطعمت طيراً (صيد)

و زوِّجت بكراً

مروان

[آل معمر]

دعوة طيبة وخصوصا الأخيرة

الله يسمع منك http://www.aborenaz.net/smilies/smilies2/shkhseat/jockey.gif

[ذيب قحطان]

الأخ العزيز ابن شروح ......

بصراحة اسلوبك في سرد القصة كان حلو ....

[منصور العبدالله]

الأخ / مروان
حن اللي نشكرك لتوجيهك الطيب ونشكر سحاب قحطان على تأييدة الحق
بس مقهور منك تدعي ل ال معمر الله يزوجة
وأنا طيب؟؟؟؟؟؟؟؟؟؟؟؟؟
واتمنى الموضوع اللي بالمنتدى الاسلامي أعجبك
رعاك الله يا رائع

[منصور العبدالله]

ال معمر:
جزاك الله خيراً لتعاونك معنا فأنت بالفعل مشرف رائع
الله يزوجك بكر وانا اختها الصغيرة
لاعدمناك

[منصور العبدالله]

ذيب قحطان:
مرحبا وهلا فيك
شرفتني بمرورك الكريم وردك الرائع
واتمنى الموضوع حاز على رضاك يالغالي
رعاك الله وحفظك

[سحاب قحطان]

الاخ الكريم / ابن شروج ..

اشكرك على حسن كلامك وطيب تعاملك وهذا يدل على طيب اصلك يا طيب ..

الاخ الكريم / مروان ..

جزاك الله الف خير ..


الاخ الكريم / ال معمر ..

بارك الله فيك وجزاك الله الف خير على حسن عملك ..

[منصور العبدالله]

سحاب قحطان:
مرحباً بك وبعودتك وانتم لم تقولوا الا الحق
لاعدمناك

[لي الشرف قحطاني]

هههههههههههههههههههههه

بس انا فهمتها ص ب 42 يعني صحن بلاليط فيه 42 بيضة<<< واحد يعلق عالموضوع وهو صائم

ههههههههههههههههه اسمحولي الصيام مؤثر فيني

مشكووووووووووور اخوي وادي الغلا

والله يحفظك

[منصور العبدالله]

لي الشرف قحطاني:
لا عادي علق وخذ راحتك مرة
المهم انك طليت علينا
مشكور لمرورك الطيب
وتقبل الله صومك