الشاعر /مفلح بن دغش المناديه

[ابن دغش...]

دنيا نواكبها بعز وشماته
ونصبر على الاقدار والعبد ملزوم
ومن لا يحسب سيته وحسناته
يعيش في الدنيا مع الناس مضلوم
والمسلم المؤمن غناته صلاته
لا يفكر يسوي كما الفرس والروم
وغزوا الفكر ماجاب كون الشتاته
فرق مابين الاب والام والتوم
حتى صغير السن غير صفاته
وحترت كيف الطفل بيصير مهموم
من طالع الراعي وسبت غناته
قال الوضع عادي ولا هو من اليوم
ومن طالع الساكت وسبت سكاته
يقول عنده علم وعلوم وعلوم
ون قلت كل يقوم يلبس عباته
تخاف ماتنصف من القوم زيزوم
ولو كل خط وشاف ممشى عصاته
ماطاح في لغم من العام ملغوم
وقام البعير شعيل تهدر لهاته
يبى يشيل الحمل والحمل مضيوم
ولو فكر الغافل بقصة حياته
فالبحر لا غايص ولا يقدر يعوم
وليش التخاذل دام هذي سواته
انطق بكلمة حق مايلحقك لوم
ومن يطرد المقفي ترى الركب فاته
ومن واصل الطرقه يبى يطيح ويقوم
ولا تبذر البذره على ارض فلاته
ومن يزرع التفاح مايحصده ثوم


الشاعر /مفلح بن دغش المناديه

[سفر بن مبارك]

بيض الله وجهك على هذه القصيده الجزله ولافظ فوك ياهلا ..

[نايف راكان]

صح لسانك وبيض الله وجهك على هذي الدره


مشكور

[محمد بن مسفر بن جليد]

ر

--------------------------------------------------------------------------------
صح لسانك وبيض الله وجهك على هذي الدره


مشكور

[فلاح آل راكان]

ارررررررررررحب يابن دغش تراحيب المطر ..

قصيده جزله وكااااااااايفه ..

صح الله السانك مدد بلا عدد يا كحيلآن ..

ولا تحرمنا من جديدك يا القرم ..

تقبل مروري نفداك ..:)

[صالح حسن الكيرعاني]

صح الله لسانك يا كحيلان واعتلى شانك

قصيدة جزله ومليانه وابيض وجه

تقبل مروري العطر