المساعد الشخصي الرقمي

مشاهدة النسخة كاملة : الضيقه


ابو سلطان العبيدي
18-04-2010, 08:27 AM
انا البارحة من حر مابي جذبت الصوت = وسريت ليلي بين حلمي وتحقيقه
ولا عاد ذقت الما ولا عاد ذقت القوت = اغني وفرخ الجوف لجّت معاليقه
يجر العوا ذيب الخلا لا حدته وقوت = من الجوع ولاّ لا عوا ناشفٍ ريقه
الاحي عوا سرحان وبني عليه بيوت = وكلٍ على معناه غنا طواريقه
تعنّيت ادور له ورا مقطعه وخبوت = لعله يخفف عني الهم والضيقه
ونور القمر ساعت كشف ليله المكبوت = خذابي معه فالجو كسره وتحليقه
ورحنا على صنعا وجينا على بيروت = ونشت السحاب وقست قوّة صواعيقه
اكذب علومٍ ما عليها سند وثبوت = واصدق خيالٍ ما جبرني بتصديقه
لاضاقت بي الدنيا وقام الزمان يشوت = رجيت الوحيد الي يدبّر مخاليقه
لاونّي مخير بين طلع العنب والتوت = صرفت النظر لو كان تومي غرانيقه
هوى البال دونه موج واقفا عليه الحوت= ولا باقي الا فزعت الله وتوفيقه
وجودي على شوف المداهيل قبل الموت = مع الي على المسرا يخيّب ملاحيقه

الشاعر / عوض ابن مسفر ابن طميران

أبو معتز
18-04-2010, 10:13 AM
ارحب يا ابو سلطان ولاهنت يالنادر وصح لسانك ولسان الشاعر ابن طميران

تحياتي لك يالقرم

عبدالله فراج العلياني
18-04-2010, 03:12 PM
ارحب يا ابو سلطان ولاهنت سلمت ودمت وصح لسانك ولسان الشاعر ابن طميران

تحياتي لك يالمطنوخ

ابراهيم آل بي حبيب الرفيدي
22-04-2010, 12:25 PM
صح لسان القايل والناقل


لاهنت يا ابو سلطان على ايراد هذة القصيدة للشاعر ابن طميران

نايف راكان
23-04-2010, 04:05 PM
ارحب ابو سلطان وبيض الله وجهك وصح لسان الشاعر



مشكور

محمد بن مسفر بن جليد
26-04-2010, 12:55 AM
بيض الله وجهك يا القرم

عوض العبيدي
01-05-2010, 09:58 PM
مرررررحبا الف لاهنت قصيدة جميلة