ماصحت هذة الابيات

[أبوعناد السعيدي]

[size=5]بسم اللة الرحمن الرحيم


لقد وجدت في إحدي المنتديات هذة الابيات ولااعلم مامدي صحتها ولقد ذكر ناقلها انها لشاعر قحطاني من الجحادر وهو محمد بن سالم بن جروان ال عليان / رحمة اللة


يقول فيها :

حنا سلالة هود ثم يعرب *** حنا سلالة خولان مانغواة
حنا العرب منا العرب واحن العرب *** كل الحسب هو والنسب خذناة
حنا بنو قحطان ساس الشيمة *** لما عطينا الوجة مابقناة

[شارب الفناجيل]

الشاعر والشيخ محمد بن جروان ال عليان هو شاعر وعلم من اعلام الشعر في الوطن العربي وفي نظري هو من اقوى ثلاث شعراء على مستوى الشعر الشعبي فرحمه الله هو شاعر المليون بالفعل وهذه الابيات هي له
فهو شاعر المعنى الحقيقي

[شارب الفناجيل]

وقت تغير وأختلـف عـن فنونـه = أخلف وخالف وأختلف كل مجراه
صحيح شفنا كـل مـا يذكرونـه = ضاعت سلوم أهل النواميس والجاه
يا كيف ابن سعدون لي يذكرونـه = عشيري اللي سبعة اعـوام ويـاه
عطا الله اللي بالفخـر يمدحونـه = يا حيف يدري عن خويه ولا جاه
حاولت صبري يطوي الياس دونه = وعجزت لا جيت اتنيسـاه لنسـاه
لا جيت أعذل القلب زادت جنونه = عيا يطيـع اللـي يعذلـه وينهـاه
عيا يبي نـاسٍ وهـم مـا يبونـه = يمشي بضدي ضاربٍ درب عمياه
يا قلب يا مذهوب دونـك ودونـه = ساسٍ تشيهل شامخ الطول مبنـاه
يا زبن مضيومٍ شكى من محونـه = ضاقت به الدنيا ولا لقـى مـاواه
مضيوم حتـى لابتـه يضهدونـه = عز الله انك غاية اقصـاه وادنـاه
وش علمكم سلم الخوي تتركونـه = سلم الخوي عند العرب كيف تنساه
حتى رسالة خـط مـا ترسلونـه = حق على مثلـك لمثلـي مناجـاه
هـذا جوابـي للـذي يفهمـونـه = ومحللة الأقـوال تعطيـك معنـاه



وهذا ايضا من قصيد الشاعر محمد بن سالم بن جروان ال عليان
والقصيده صحيحه للشاعر محمد بن جروان يرحمه الله ولا يحتاج تاكيد ويمكن ترجع لجوجل وتتصفح ويظهر لك جميع قصائده

[الضويري]

لا جيت أعذل القلب زادت جنونه = عيا يطيـع اللـي يعذلـه وينهـاه

احد الشعراء الكبار على الساحة الشعرية استنسخ هذا البيت بالكامل

وله هذا البيت الرائع

يوم المعزب قال وين بن جروان .... ذي حزت الناموس معاد مهناش

رحمه الله

الابيات الي تنشد عنها له وهي صحيحه

والشكر موصول لخوي شارب الفناجيل على الاضافة الرائعة

[مشاري بن نملان الحبابي]

الشاعر الكبير محمد بن جروان العلياني رحمه الله ..

أحد أعلام قحطان والمملكة في الشعر الشعبي ..

ونتمنى في يوم من الأيام أن نرى ديوانًا جامعًا لفرايده ..

[أبوعناد السعيدي]

لاهنتو علي الردود الوافية التي عرفتنا علي أحد هامات شعراء قحطان المعاصرين ولكن من يقصد الشاعر بقولة نسل خولان هل يقصد الجحادر ام غيرهم مع العلم أنة هو من الجحادر