المساعد الشخصي الرقمي

مشاهدة النسخة كاملة : أبيات جيدة يتناقلها الرواة


منيف الحربي
05-04-2010, 07:02 PM
هذه أبيات أشتهرت ويرددها الناس منذ زمن وأشتهرت بين الصغير
والكبير ويعرفها الجميع خاصةً البيت الأول .
وقد نسبت لأكثر من شاعر وسوف أنقلها هنا ولكن بدون ذكر أسم شاعر معين.











شابت لحانـا مـا لحقنـا هوانـا * وعزي لمن شابت لحاهم على ماش



والله يالولا الفقـر يلطـم جوانـا * لزمي كما يزمي على البير غواش



نمشي ونحسب يا ضويحي خطانا * عشرين ليلة بين مسرى ومغبـاش



دجنـا بنجـد لحاجـة مـا لقانـا * ولا تنقضي حاجاتنا إلا من الطاش



ويا ما على قطعان بـدوً سرانـا * في ليلة منها هبـوب ورشـراش



نصبح ونعطي من طلايـق يدانـا * والسب عنان السفينة على الـلاش



كم واحـدً بـات الخـلا ممتنانـا * والله مجملنا ولـو مالنـا ادبـاش

فلاح آل راكان
05-04-2010, 10:39 PM
اررررررررررررررحب يامنيف تراحيب المطر والله يحييك بين اخوانك يا القرم ..

بيض الله وجهك على النقل الطيب ..

وجعل يمنىك ماتعطب يا الذيب ..

والقصيد فعلا حدث عليها خلاف كثير وكل قام يقول انه له ..

وانت احسنت انك ماذكرت قايلها ..

صح الله السان الناقل والقايل ..

تقبل مروري نفداك ..:)

ابراهيم آل بي حبيب الرفيدي
06-04-2010, 12:40 PM
مشاركة طيبه يالحربي

من رجل طيب

وابيات مشهوره عند الجميع


لاهنت

الظور
06-04-2010, 11:40 PM
ارحب ياخوي منيف

القصيده

للشاعر

مناحي بن معدل السهلي

ومن ينسبها لغيره فقد افترى

اشكرك اخوي منيف

نايف راكان
07-04-2010, 09:04 AM
لاهنت اخوي منيف وبيض الله وجهك


مشكور