المساعد الشخصي الرقمي

مشاهدة النسخة كاملة : المال عز للرجال وهيبة

هادي محسن جليغم
30-03-2010, 11:32 PM
يقول الشاعر الأول :

الخيل عزٍ للرجال وهيبة=والعز تشريه الرجال بمالها

وهو صادق وأنا لا أعارض على ماقاله في العصر الماضي فأقول حاليا:

المال عزٍ للرجال وهيبة=ياللي تقول الخيل والخيالة
اللي ماعنده مال وش نبغيبه=وجه الفقر خله يروح لحاله
الفقر في هذا الزمان مصيبة=ياعزتي للي قليلٍ ماله
في وسط بيته ما حدٍ يدري به=ويطول يومه مارفع جواله
صدره يضيق إليا نظر في جيبه=الحال قاضي والبلا فأحواله
لو سنه صغيِّر تشوفه شيبة=وإليا بغاله لازمٍ ماطاله
يتوق للمليون ويغني به=يقبل ويقفي والفقر يبرا له
يبغي ريالٍ دايما يشري به=يصرف على حاله وحال عياله
وألا الغني شيخٍ كفو ياطيبه=يستاهل امية نعم هو وامثاله
مرتاح ماقال الحياة صعيبة=تضحك له الدنيا وهي مختاله
جميع مايطري عليه يجيبه=في مجلسه واللي يخدم رياله
الناس تفخر به وتستر عيبه=وتقول قال الصح لو ماقاله
يستاهل التقدير والترحيبة=والجانب اللي مايلين إلا له
نشفق على لاماه ونهذريبه=حديث مجلسنا وشيخ القالة
يمكن يحصّل في كلامي ريبة=المسلم اللي دايما في حاله
وألا أكثر العالم يوافقني به=أقلام وإعلامٍ يبث إرساله
أشاهد الموجود وأغني به=لعل في بيت القصيد إرساله


[/poem]الشاعر
هادي بن محسن بن جليغم
أبو صقر
30-03-2010, 11:42 PM
صح والله لسانك

وفي ذمتى انك صادق

وهانحن فيها اليوم

لك تحياتي
بحر
30-03-2010, 11:42 PM
صح لسانك ياهادي ويسلم راسك

هكذا الكلام والا فلا للقوم المستشعره

قصيدتك كفو وانت كفو واللي انت منهم كفو

سجل اعجابي وحضوري يالقرم

ومزيد من العطاء والتقدم

وتقبل تحيات بحر
عامر الوهابي
30-03-2010, 11:53 PM
أررررررررحب يابو محسن

ومن طول الغيبات جاب الغنايم

وصح الله لسانك يالقرم شاعر وافي وخويٍ مطلق

وقصيدة فريدة من نوعها وحكمة شاعر له تجارب في هذه الحياة

وأنت جزل وقصيدك جزل وفعلك جزل ولاتحرمنا من جديدك يالذيب

تقبل مروري وإعجابي....
مبارك ين مسفر الفهري
31-03-2010, 09:33 AM
بيض الله وجهك يابن جليغم قصيده جزله من شاعر مبدع
تقبل تحياتي
عبدالاله بن محمد العابسي
31-03-2010, 03:07 PM
صح السانك وافي

جزل مجبت الهزل

تقبل مروري
سلماني
02-04-2010, 01:30 PM
أرحب يا أخ هادي جليغم
وصح لسانك والله إن كل كلمة قلتها إنك صدقت فيها
شاعر جزل وقصيدة جزلة ونتمنى المزيد
نايف راكان
02-04-2010, 03:41 PM
صح لسان ابو محسن واشهد ان المال في وقتنا ىالحالي عز للرجل




مشكور
محمد حمد السنحاني
02-04-2010, 05:14 PM
صح السانك ولاهنت
سعد بن مناحي بن شفلوت
02-04-2010, 06:13 PM
ابدعت ياهادي

صح لساانك ولاهنت

تقبل تحياتي
صالح حسن الكيرعاني
03-04-2010, 02:12 AM
صح الله لسانك يا الذيب

وقصيدة جزله ولقد صورت الواقع في هذه القصيدة
جناب الهضب
03-04-2010, 05:36 AM
صح الله لسانك يا هادي بن محسن بن جليغم
محمد بن مسفر بن جليد
03-04-2010, 01:00 PM
صدقت يا بن جليغم المال زينت الحياه في هذا الوقت بيض الله وجهك تقبل مرور اخوك محمد بن مسفر بن جليد الفهري
عبدالله فراج العلياني
03-04-2010, 02:24 PM
ارحب ياهادي بن جليغم كلامك هو الصح في وقتنا ذا00؟

ارحب ياهادي بن جليغم صح السانك وعلى شانك

قصيده جزله من شاعر جزل ولمال قوًه في وقتنا ذا00؟

يقولون كان فيه رجال في السوق ايحرج علا فرس ويقول00؟

الخيل للرجال عز وهيبه = ولعز تشريه الرجال ابمالها

فسمعه رجل يكرر هاذا البيت فجاءه وقال له 00 ؟

العز بين إحرارها وعرارها = تاتي بلًي يرًث علا كبد العدو أمرارها

يقصد المرأه إذا أنجبت ولد فأ فحمه جوابا سلمت ودمت بود
ابراهيم آل بي حبيب الرفيدي
03-04-2010, 02:36 PM
الله يصح لسانك يالقرم


والله ابداع يابن جليغم
أبو معتز
03-04-2010, 09:13 PM
بيض الله وجهك يابن جليغم قصيده جزله من شاعر مبدع

لك مني كل الود ير
هادي محسن جليغم
03-04-2010, 10:19 PM
اشكر اخواني اصحاب الردود من ابو صقر وبن طفله والوهابي ومبارك بن مسفر والسنحاني ونايف راكان وسلماني وعبد الاله وابن شفلوت واقول ماعليكم زود انتم حزام الامان في الوقت الشديد الله لا يخلي الارض منكم والختام مسك
هادي محسن جليغم
03-04-2010, 10:31 PM
صح الله بدن من قال صح لسانك ويسلم اللي قال ارحب والله يعافي من قال صدقت و بيض الله وجهك
فيصل بن شريم
04-04-2010, 07:10 PM
الله واكبر صح لسانك عدد بلا مدد

تقبل مروري
راشد الجهيمي
05-04-2010, 01:06 AM
صح لسانك ياهادي قصيدة معبرة ,, صحيح ان المال في هذا الوقت

أصبح لغة العالم لكن كم فقير كريم يستر وجهه ويعشي ضيوفه وعلى ماقال المثل

الكريم معان والشجاع منجى ,, يقول الشاعر الكبير السياري


لو أتدين للصحن والدلالي = وأكرم ضيوفي يالرجال المشاكيل

أصون عرضي مانبي راسمالي = نبغا الستيرة من هل القول والقيل

حاتم توفى مابقاله حلالي = ويضرب به الامثال جيل ٍ بعد جيل

وبن مهيد اللي فعوله جزالي = اللي يصوت للعشا تالي الليل

تقبل تحياتي
عامر الوهابي
13-04-2010, 02:45 AM
كلام كبير ياهادي وصح لسانك طال عمرك
مشخص الفهري
13-04-2010, 06:57 AM
الله الله

صح لسانك يابن جليغم

كلام وافي من شاعر وافي

لاهنت
بن غوينم
13-04-2010, 01:13 PM
أشـــاهـــد الــمــوجــود وأغـــنـــي بــــــه
لــعــل فــــي بــيـــت الـقـصـيــد إرســالـــه

صح لسانك ياهادي وبيض الله وجهك على هذة الرائعة
صقر الجذامي
15-04-2010, 02:20 AM
صح لسانك عز الله جزله

من كثر ماله ساروا الناس برضاه
لو كان ناقص قالوا الناس وافي
ومن قل مابيده ترى الناس تشناه
لوكان يسقيهم عسل قند صافي
المال كم ساسن طامن وعلاه
والفقر كم حطم روابع سنافي
ما كتب للمخلــوق لابد يلقاه
من خيــر ولا شــر والرب كافي