المساعد الشخصي الرقمي

مشاهدة النسخة كاملة : الجبل ثابت.....وأنا فاقد جبل..؟؟؟


ناصر.الخبر
26-03-2010, 04:01 AM
صبحكم / مساكم الله بالخير جميعااا


والخبل صاحي في زمانٍ يجعل الصاحي خبل ....!


القصيده :





العلم قال إن الجبل ثابت وأنا فاقد جبل
هذا مكانه كنت أجيه بديرتي وآقابله


واليوم في دوحة قطر ثابت وهذا ما حصل
يعني دراستكم خطا ياأهل الوجيه الذابله


هذا فهد يعني ليا قلنا فهد قلنا دبل
الطيب له..والعز له..والفعل..والأعجاب له


لعجاب له..والطيب له..والعز له..قول وفعل
ماغاب له فعلٍ ليا إشتد الوغى ما غاب له


يا نسل عودٍ لا إعتزوبه وارتكى شال الحمل
يفداك من هو باللقى لا صًوبوا ما صاب له


البارحه يوم الشعر تسرح شياطينه غفل
وسمتها والوسم كايد والكفو من جاب له


وسمٍ على وسمي وانا وسمي وسم جدي قبل
مغزل..ويقصر دونه الطماع والطلاب له


واللي بقى شيطان واحد له مع الشاعر وصل
أنا علي اصفف الابيات والأعراب له


وإن قالوا..المرقاب له يا شيخ لا منه وصل!!!
النجم لامن صار لي...خلوه والمرقاب له


اليوم أبنشد من نشد لا صار فالساحه خلل
القابله مثل أمس !!! ولا اليوم مثل القابله!!!


الاصمعي قد قالها يا ناس في وصف الطبل
طب طب على صوت الطبل يوم الملك ما طاب له


والخبل صاحي في زمانٍ يجعل الصاحي خبل
صاحي ولا أحدٍ قابله والخبل كلٍ قابله


حتى المهاة اللي معربها النسب بنت الفحل
تطمح عن الطيب وتطرب للردي وتقابله


واللي رقى للقمه العليا سوات اللي نزل
صارت على قول الرجال الحابله بالنابله


الذيب ماهو ذيب دام إن الثعل ماهو ثعل
أقولها والطرق هذا للمساري دابله


لابد لامن دارت الايام والجال اشتعل
يبين برقٍ لاح من مزنٍ يحول وابله





للشاعر / ناصر البرغش

أبو معتز
26-03-2010, 09:05 AM
ارحب ملايين يالذوييق وجعل يمينك ما تعطب قصيده خطيره جدا

العلم قال إن الجبل ثابت وأنا فاقد جبل
هذا مكانه كنت أجيه بديرتي وآقابله
,,,,,
اليوم أبنشد من نشد لا صار فالساحه خلل
القابله مثل أمس !!! ولا اليوم مثل القابله!!!

,,,

والخبل صاحي في زمانٍ يجعل الصاحي خبل
صاحي ولا أحدٍ قابله والخبل كلٍ قابله
,,,,,

حتى المهاة اللي معربها النسب بنت الفحل
تطمح عن الطيب وتطرب للردي وتقابله
كل بيت عن قصيده وابداع واستفهامات كثيره وانشهد ان ناصر شاعر ومحترف

ناصر لك مني كل الود يامبدع

ناصر.الخبر
26-03-2010, 10:21 AM
البقى يابو معتز يالله حي ششاعرنا الكبير لاهنت فديت خشمك لاهنت بارك الله فيك وفي حضوورك اللي يسسسعدني دائما

فلاح آل راكان
26-03-2010, 11:03 AM
اررررررررحب يا ناصر تراحيب الحيا ..

وعزالله مانيب مستغرب ذا الابداع منك نفداك ..

صح الله السانك والسان الشاعر مدد بلا عدد ..

دمت بحفظ الله ورعايه ..:)

نايف راكان
26-03-2010, 01:47 PM
لاهنت يا ناصر على القصيده وصح لسان قايلها

جزله وانت ابو الجزلات



مشكور

فيصل بن مسفر القحطاني
26-03-2010, 08:45 PM
thank you

ساير العبيدي
26-03-2010, 09:57 PM
بيض الله وجهك عالقصيدة الرائعة ومشكور الف شكر

تقبل مروري

علي بن شبله
26-03-2010, 10:17 PM
قصيـــــــــــده رائعــــــــة والأروع إنك يا نـــــــــــــاصر اللي منزلهـــــــــــا

ومشكـــــور , وتقبــــــل مــــــــروري فديتــــــــك..................

ناصر.الخبر
29-03-2010, 01:19 AM
فلاح ارحب تبقى يالغالي لاهنت فديتك الابداع مرورك يالغالي

ناصر.الخبر
29-03-2010, 01:22 AM
نايف لاهنت يالغالي بارك الله فيك

ناصر.الخبر
29-03-2010, 01:23 AM
ماشاء الله يابو مسسسفر انقلشششش تانكيو اجل هههههههههههه لاهنت

ناصر.الخبر
29-03-2010, 01:23 AM
ساير ارحب يالله حيه لاهنت فديتك

ناصر.الخبر
29-03-2010, 01:25 AM
اما انت ياعلي عز الله اني احبك في الله ياشششيخ الاروع مرور رجال شرواك فديتك جعل ربي يحفظك يالغالي لاهنت