أما الكرم قد فازبه حاتم الطي

[يحيى أبن عبدالله]

بسم الله الرحمن الرحيم
هذه قصة البخيت من أهل الخرمة وكان رجل كريم وهو ساكن في بحرة على طريق أهل السيارات الكبيرة القادمين من جدة وكان رجل شاعر مستور الحال متزوج وعائلته كبيرة وكل يوم عنده ظيفان وكان يذبح ذي في مرقة ذي فجأه ناس من جماعته وعاتبوه على هذا الأمر
حيث قالوا له أنت منت بشيخ ولا أنت بتاجر وكل يوم عندك ظيفان وهذا ما بيتوفر معك شي وتبقى أحوالك ضعيفة وكان يدق له بهار للقهوة قام من الزعل من كلامهم وحط البهار في براد الشاهي بدل مايحطه في الدله
ثم كتب هذه القصيدة إلي ملئة بالحكم

حبيت إطلاعكم عليها ونشكر الشاعر

سجة مع الهاجوس طبيعة لي

طبيعة باموت ماجزت منها

أشكي على الخلاق وأرفع له إيدي

لكثرة الأفكار يفك منها

أما الكرم قد فازبه حاتم الطي

حتى الفرس من شأن ظيفه طعنها

خلوني أكرم في حياتي ونا حي

ولامت مدري جثتي من دفنها

خلقت في الدنيا ونا مامعي شي

وبروح منها مامعي شي منها

مسكين يالي تحسب الواجد شوي

والعافية لو تنشرا وش ثمنها

ياجاهل الدنيا تراها كما الفي

يامخبل إلي في حياته ومنها


إن ناحرتلك قامت تروح وتجي

مثل الذلول إلي طويل رسنها

ون دبرت خلتك طايح ومرمي

وكم واحد له حاجة ماضمنها

لابد مانرحل عن المزح والغي

ونسكن بيوت قبلنا من سكنها

النفس مثل الغصن عايش على الري

ولولاة كل الناس عافت وطنها

يالله عسى الحسنات تقضي على السي

لاقربوا للنفس ذرعة كفنها

[سفر بن مبارك]

بيض الله وجهك فعلا من اجمل القصائد لاهنت وبارك الله فيك.........

[ناصر.الخبر]

لاهنت بارك الله فيك

[عبدالله فراج العلياني]

يحي بن عبدالله تسلم يمينك ع النقل المميز

بيض الله وجهك فعلا من اجمل القصائد لاهنت وبارك الله فيك.........

[فلاح آل راكان]

لاهنت يا القرم على النقل الطيب ..

والله لا يقطع للجواد طاري ..

صح الله السانك والسانه ..

تقبل مروري ..

[يحيى أبن عبدالله]

شكرا على مروركم وبيض الله وجيهكم