المساعد الشخصي الرقمي

مشاهدة النسخة كاملة : قصيدة علي بن مبارك بن عامر الكدادي في زواج اخوه تركي


ابو سلطان العبيدي
23-03-2010, 01:03 AM
http://www.youtube.com/watch?v=3c3twqwx0zI


بديت باسـم اللـي خلقنـا وعديـت
ابيات في عرس السنافـي جديـدات
يامرحبا واعـداد مـن زاور البيـت
واعداد من صلـى جميـع الصلـوات
يامرحبا ياللي علـى حفلنـا جيـت
ويامرحبا ياللـي قطعـت المسافـات
يامرحـبـا يامرحـبـا لاتخلـيـت
من شوفكم ياهـل الوفـا والمـروات
مبـروك ياتركـي زواجـك وهِنيـت
ويالله عسى بختك وفالـك مسـرات
تركي قبل يوميـن يومـك تحاكيـت
تمزح معي ياخوك مزحـه برزحـات
اتقول لي في عرس غيـري تغنيـت
وانا عضيدك وش لي اليوم بالـذات
هيضتنـي فديـت روحـك وفزيـت
وابشر بهـا ياالقـرم عـدٍ وشـلات
وعقبني الفنجال وان كـان صديـت
عنك وانا راعي البيـوت الجزيـلات
يشهد علي ربي ومـن دون توقيـت
مدري وش اللي صار جتني ارتعاشات
طبعي كذا من صغـر سنـي تربيـت
على الحماسه في جميـع المجـالات
تركـي علشانـك للابيـات ناديـت
ولبّن نداي وجَنّـي اليـوم عجـلات
جَنّي وفـي جـزل المثايـل تنقيـت
ولجلك يابن عامر نجيـب الثمينـات
تـراك تعرفنـي الامــن تراكـيـت
ابدع بيـوتٍ فـي دقايـق ولحظـات
وتـراك تعرفنـي الامـن تحـديـت
راسي صليـبٍ واتحـدى الصعيبـات
وتـراك تعرفنـي الامنـي انـويـت
اشيـل ياتركـي احمـولٍ ثقـيـلات
يشهد علـي رب المـلا ماتساويـت
عندي مع غيـرك وهيهـات هيهـات
انتـا لحالـك ياعضيـدي تعلـيـت
وانتا اقطامي فوق روس الطويـلات
تركي على غيـرك ياتركـي تعديـت
قول وفعل ياالقـرم ماهـي عبـارات
ياوارثٍ للطيب مـن ذايـع الصيـت
ابوي ابن عامـر زبـون المهمـات
يذكر مـع ذكـر الرجـال المناعيـت
قرمٍ تـرك لافعـال يمنـاه بصمـات
النادر اللـي بالمراجـل بنـى بيـت
نسل الرجال اهل الكـرم والعطـاءات
عيـال راضـي عزوتـي لاتعزويـت
اللي لهـم بالطيـب والعـز وقفـات
افخر بهم الحي منهـم مـع الميـت
ويبشر بهم من جاه سـوٍ بفزعـات
من لابةٍ تعـرف ليـا منـي اطريـت
آلاد حامـد كاسبـيـن الجـمـالات
عز وفخر ربعـي ذخـر لاتهقويـت
هم محزمي لاصار في الوقت ميـلات
فيما مضى قـد قلتهـا يـوم غنيـت
في حفلة التكريـم لاهـل الاصيـلات
بيتٍ وشاشوا لـه اربوعـي بتثبيـت
( يشوش راسي لن ربعـي كـدادات)
بيتي ووظفته علـى كيـف ماشيـت
وكم واحـدٍ بالنـت حطـه شعـارات
ربعـي كـداداتٍ ليامـن تسمـيـت
كسابـة الامـداح واهـل البطـولات
قول وفعل ماهـي سوالـف وتنكيـت
تاريخهم محفـوظ وسـط السجـلات
وان كان انا في الحفل ياناس سجيت
امن القبيلـه نـذر ماعـد الابيـات
ماعنهـم فـي اي محفـل تناسيـت
مدحي لهم نوماس في كـل الاوقـات
حنا الهواجـر والزحـول العناتيـت
اللي لنا وقفـه وصولـه وجـولات
لادندنـت للحـرب دنـدان تصويـت
علـى المعـارك مانهـاب المنيـات
على الرمك حنـا الرجـال الزناتيـت
وعدواننا في الحرب راحوا جنـازات
خزنـة ظفـر اسـمٍ لنـا ماتماديـت
امن الملك والقول هـذا لـه اثبـات
واهل الكرم ونقول للضيـف حييـت
على الشحم وسط الصحون الوسيعات
طبع الكرم فينـا وفيـرٍ كمـا هيـت
نبعه غزيـرٍ مـن سنيـنٍ قديمـات
عدٍ نبع فـي نجـد منـه استدليـت
مضرب مثل لهل الكـرم والعطيـات
وياسامعي وان كـان منـا تقصيـت
حنـا الضياغـم عالييـن المقامـات
نعم النسل نعم الاصل كان ماوحيـت
حنـا عبيـده كاسبيـن الزعـامـات
وحنـا قحاطيـنٍ ليامـن تمـاريـت
فخرٍ لنا ولّنـا الشـرف والممـارات
قحطـان سـاسٍ للعـرب لاتحريـت
راس الهرم حنا الاصـول العريبـات
قحطـان ياقحطـان لامـن تنخويـت
طاشوا كما موج البحر في المحيطات
وقت الملاقـى يردعـون الطواغيـت
بالرمـح ولا بالسيـوف الرهيفـات
غاراتهـم تجعـل للاعـداء تشتيـت
ويشهد على قولـي حـروبٍ قويـات
المجد لهل المجـد وبدلـوي ادليـت
وسجلتها في صفحـة العـز رايـات
تم الجواب اللـي بـالاوراق خطيـت
خمسين بيتٍ مـع جزيـل التحيـات
وعلى النبي سيد المخاليـق صليـت
اعـداد مالاحـت بـروق المخيـلات

فلاح آل راكان
23-03-2010, 05:21 PM
اررررررررررررحبووووووووووو ..

اررررررررررحب يابو سلطان تراحيب الحيا ..

حيه وحي ماجاب جزل ولا جبت الا جزل ..

رئعه من روائع ابن عامر فبيض الله وجهه ووجهك وصح الله السانه والسانك ..

جعل يمنآك ماتعطب على المجهود والنقل الطيب ..

تقبل مروري يا ذيبآن ..

اخوووووووووووووك ..:)

عاشق الطيب
23-03-2010, 09:03 PM
لاهنت وبيض الله وجهك يا القرم







وصح لسان شاعرها







رائعه بكل ما تعنيه الكلمه





مشكور ويعطيك العافيه ,,,

ابو سلطان العبيدي
28-03-2010, 07:46 PM
ارحبــــــــ يارجـــال ـــــــــــــــووو


تراحيب المطـــر ,,,


ولا هنتـــووو علــى كرمـ الزيارهـ ,,,