راشد الجهيمي
22-03-2010, 09:00 AM
لسلام عليكم
الشيخ عمير أل روق كان في ضيافة الشيخ حمود الجهيمي وتكريمه بمناسبة فوزه في مزاين ام رقيبة 1431هـ وتشريف
قحطان لذا كانت هذه القصيدة لي ويستاهل أبوفهد
من هاجس ٍ يبدع القيفان بألحاني = بنات فكري وشعري ما تسلفها
جواهرٍ صغتها من غال الأثماني = أغلى من الدرة اللي في متحافها
المدح لأهل الوفا والطيب عنواني = مهما مضى الوقت تبقى في صحايفها
سلام ياعالي الهمات والشاني = يحوز المراجل ولاهمه كلايفها
أعداد ما هل من همال الامزاني = وما لاحت بروق فالعارض تكاشفها
يالنادر الصيرمي ياطير حوراني = حرٍ تعلى الطويل وفوق نايفها
عمير ياعمير ريف الضيف والعاني = والطرقي اللي شكا بقعا وصوادفها
جزل العطايا كريم وراع الاحساني = يفداه من هو يجمّع في مصارفها
غالي الجوايز عليها دوم شفقاني = يروم المعالي ولا يمكن يطوفها
جوايز ملوكنا ذربين الايماني = هم سورنا اللي أنتذرا في مشارفها
ذاعت بها التلفزة في كل الاوطاني = جات النتيجة وجمهوره تلقفها
عمير الاول ولا يمكن يجي الثاني = هي والفت حضرته وعمير والفها
وضح ٍ كفاها الولي من كل شيطاني = نوادر النخبة ومحلا وصايفها
جرد الرقاب الطويلة والشحم باني = وساع النحور وتوامى به سفايفها
الفوز باسم القبيلة بأسم قحطاني = من نجد لا جده ولا أبها وطوارفها
يستاهل المركز الاول بليهاني = أبوفهد دايم وربعه يشرفها
آلد روق السطر فالروس ملياني = قبيلةٍ فالوغى تعرف مواقفها
يومٍ على الأنجل ويغشاه دخاني = الروح ترخص ولا تلحق حسايفها
ساقوا على المعتدي بسنان وعناني = و روّح يجر الفشل والحرب عايفها
ماعود مناحي الأ فيه الأكواني = الخيل شلفا محمد في ردايفها
وبرغش وبولهاب والطاحون فرساني = هل ردةٍ ماحدٍ يجهل سوالفها
واليوم من فضل ربي عز وأماني = في ظل حكامنا اللي ما نخالفها
قلته وأنا ربعي بروغات الاذهاني = احماله أهل السطا والكل يعرفها
وسلامتكم راشد الجهيمي (((أصل العرب))
الشيخ عمير أل روق كان في ضيافة الشيخ حمود الجهيمي وتكريمه بمناسبة فوزه في مزاين ام رقيبة 1431هـ وتشريف
قحطان لذا كانت هذه القصيدة لي ويستاهل أبوفهد
من هاجس ٍ يبدع القيفان بألحاني = بنات فكري وشعري ما تسلفها
جواهرٍ صغتها من غال الأثماني = أغلى من الدرة اللي في متحافها
المدح لأهل الوفا والطيب عنواني = مهما مضى الوقت تبقى في صحايفها
سلام ياعالي الهمات والشاني = يحوز المراجل ولاهمه كلايفها
أعداد ما هل من همال الامزاني = وما لاحت بروق فالعارض تكاشفها
يالنادر الصيرمي ياطير حوراني = حرٍ تعلى الطويل وفوق نايفها
عمير ياعمير ريف الضيف والعاني = والطرقي اللي شكا بقعا وصوادفها
جزل العطايا كريم وراع الاحساني = يفداه من هو يجمّع في مصارفها
غالي الجوايز عليها دوم شفقاني = يروم المعالي ولا يمكن يطوفها
جوايز ملوكنا ذربين الايماني = هم سورنا اللي أنتذرا في مشارفها
ذاعت بها التلفزة في كل الاوطاني = جات النتيجة وجمهوره تلقفها
عمير الاول ولا يمكن يجي الثاني = هي والفت حضرته وعمير والفها
وضح ٍ كفاها الولي من كل شيطاني = نوادر النخبة ومحلا وصايفها
جرد الرقاب الطويلة والشحم باني = وساع النحور وتوامى به سفايفها
الفوز باسم القبيلة بأسم قحطاني = من نجد لا جده ولا أبها وطوارفها
يستاهل المركز الاول بليهاني = أبوفهد دايم وربعه يشرفها
آلد روق السطر فالروس ملياني = قبيلةٍ فالوغى تعرف مواقفها
يومٍ على الأنجل ويغشاه دخاني = الروح ترخص ولا تلحق حسايفها
ساقوا على المعتدي بسنان وعناني = و روّح يجر الفشل والحرب عايفها
ماعود مناحي الأ فيه الأكواني = الخيل شلفا محمد في ردايفها
وبرغش وبولهاب والطاحون فرساني = هل ردةٍ ماحدٍ يجهل سوالفها
واليوم من فضل ربي عز وأماني = في ظل حكامنا اللي ما نخالفها
قلته وأنا ربعي بروغات الاذهاني = احماله أهل السطا والكل يعرفها
وسلامتكم راشد الجهيمي (((أصل العرب))