المساعد الشخصي الرقمي

مشاهدة النسخة كاملة : حب الخشوم ..(ابن جدلان) ..


فواز أبوخالد
19-03-2010, 07:37 PM
رااااائعة لمتنبي العصر الشاعر / سعد بن جدلان :


حب الخشوم


الا يـا الله يـاللي تحـت هيبة سـلطنتك اسـلمت
...................لك المسلم يسبح لك بحمـدك وإلك الاسـلامي



احمدك واشكـرك واثني عليك بمـا علي انعمت
.....................وزودني وفاء قدر العشير وصـل الارحامي



ولجـك الفجر ياليل الذهول اللي علي اظلمت
.....................يعرضـك واقع الماضي عليه عـرض الافلامي



ولهتك يالنديم اللي على صافي وفـاك اضرمت
....................بصفحة ذكريات العام واللي من ورىالعامي



بعد تقـرير مشـوار الـتجارب نجحـك واجزمت
....................بأن السيف سيفي والعصا والمحزم احزامي



ضمنتـك راس مـالـي مكسبي في كل ماسـاهـمت
.....................قفـلت ابواب حيطان الحسايف والتندامي



عـطتني عـزلـة اخلاصي معك نسيان من نـادمت
.....................كتبتك وانطوت صـحفي عليك ورفعت اقلامي



ابــاهـي لاابـالـي واتبيسـط كـل مـاقـدمت
.....................واشـب النار قدام العرب واشيد اخيامي



نهـــاري حر شمـسه يستحي منها لسان الشمت
.....................ولـيلي ترجـم انـجومه ملامة كل من لامي



علـى ضـوء الكلام اللي كشف عنا ستار الصمت
.....................عرفت اني تحت برق الامل في روض الاحلامي



احـسب إنك تـيمم بـاتجـاهـي ويـن مـايـممت
.....................اثر مانته ورايه بالطريق ولانـت قدامي



مصـيبه لاتـردت قيـمتك فـي عين مـن قيــمت
...................يشوفك فالسهل وانته تشوفه فالسما السامي



كثر ماحـن قلبي للونيـس وكـثر مــادرهـمت
...................فجر صدري حنيني واتعب الاقدام درهـــامي



عيون الصد وعيون التجافي "حول"مهما اكرمت
...................تشــوف المجتهد كسـلان والبناي هـــدامي



مادام ان جانبي شام لجنابك وانت عني شمـت
...................كثر خيرك وانـا لاني بلا جايع ولا ظـــامي



اشوف انه علي واجــب ليـا مـريتكـم سـلمت
...................مرور اكرام تربطها الكرامه عند الاكرامي



على شـان الخفوق اللي على عرشه قعدت وقمت
...................وحجب عنك الدجا لين اشرقت لك بيض الايامي



ختـام السـالفه يـاطيب العشـره كرمت ودمت
...................هذا حقك علي وحـق هقواتي على اوهـــامي



مصير الوقت يشرح لك دروسه وان غفلت ونـمت
...................يصحيك الزمان اللي يصحي كـل مـن نــامي



تذكرني لامنها خــابت اوهـامــك بمـن وهمت
...................وعرفت الفرق في حب الخشوم وحـب الاقدامي



.......... وسلامتكم .



.........

فلاح آل راكان
19-03-2010, 11:13 PM
لاهنت يابو خالد ..

وصح الله السان ابو محمد مدد بلا عدد ..

تقبل المرور يا الذيب ..

سفر بن مبارك
20-03-2010, 12:18 AM
أخوي ابو خالد أختيار موفق بيض الله وجهك ,,,,,,,,

صالح حسن الكيرعاني
21-03-2010, 01:53 AM
الله لايهينك على النقل الرائع وصح لسان ابن جدلان

ناصر.الخبر
21-03-2010, 11:25 PM
ياولد تعال قرب ابي احب خششششمك عز الله قصيده لللشاعر الكبير المخضرررم ابن جدلاااان اششششهد انه مصيبه شششعر وداهيه لاهنت يابو خالد فواز هذا الششششعر ولا بلاششش ادق لك تحيه واحترااام واجلال لسسموك.



وفيه بيت صراحه مو اعجبني بس ابي احطه توقيع وهو




مصير الوقت يشرح لك دروسه وان غفلت ونـمت
...................يصحيك الزمان اللي يصحي كـل مـن نــامي


انشششهد ابن جدلان يا الله وش اقول بسس والله الششعر والله المصيبه اششهد انه داهيه الدواهي بالششعر