وداعية للشاعر صالح الزرقان

[ابن لزرق]

السلام عليكم ورحمة الله وبركاته
هذة قصيدة للشاعر صالح بن علي الزرقان القحطاني، كتبها عندما عاد من مسقط رأسه بلاد شريف .
وتذكر حينها الشيخ/ مسفر بن علي الزرقان-رحمة الله عليه- الذي لم يكن أحد من أخوانه وأصحابه و أقربائه
الا و عاملهم مثل معاملة الاخ لأخيه

فكتب الشاعر هذة القصيدة بعد ما اظلمت الدنيا في وجهه، واكتشف معادن الناس الذين كانوا يعايشون
الشيخ .
هذا الذي تحصلت عليه من الشاعر الذي رفض وبشدة ان يعطيني القصيدة كاملة لاسباب لا يريد الافصاح
بها ، والمعذرة على التقصير الحاصل ولكن اعدكم بأن ارسل القصيدة كاملة في وقت لاحق



ودعتك الله ياداراً جفيتيني =داراً سموم العقارب في هبايبها
يادار وين الذرا بك مايسليني= حتى الشجر مايظلل من لهايبها
عز الله اني كرهتك لو تحبيني = والحر مايخدعه زينة حواجبها
000000000000000000000 = 000000000000000000000
ويادار مجفاك لو أنك جفيتيني =غصب علي حب ربعي في نوايبها

[فارس قحطان]

شكرا لك يأبن لزرق على هذي القصيده

وكان ودنا لو انها كامله :)
بس ماقصرت وبيض الله وجهك

وتراني عدلت على موضوعك ونسقت القصيده :)


اخوك
فارس قحطان

[خالد آل مطرف العاطفي]

حياك الله يا ابن لزرق
الله يعطيك العافيه على اثراء الموقع بمثل هذه القصائد الجزله .والروائع التي
يجب ان لا تحجب ..الله لا يهينك مشاركة جدآ تستحق الاعجاب ..
وارجو ان تستمر وتواصلنا ..باالمزيد ..ولاهنت ..على كل حال

اخوك
اللي يرحب بك ملايين
خــالــد

[الشريفي]

الاخ ابن لزرق...

رحم اللة الشاعر مسفر ابن علي...

تمنيت انك جبت القصيدة كاملة..

اتمنى تزويد المنتدى بقصائد شعراء قبيلة شريف ان امكن..

تحياتي

[سالم بن سعيد]

اخي ابن لزرق اتمنى منك ان ترسل رقمك في رساله خاصه

[وليد سعد]

القصيده كاملــــــــــــــــــــه

ودعتك الله يادار جفيتيني

دار سموم العقارب في هبايبها


يادار وين الذرى بك مايدفيني

حتى الشجر مايظلل من لهايبها


عز الله أني كرهتك لو تحبيني

والحر ما يخدعه زينة حواجبها


أعز نفسي عن اللي مايدانيني

وارفع مقامي عن الهفوات واشذبها



على دروب الهدى ياالله تهديني

وأهل الشيم ياالله انك ماتخيبها



ياهاجسي الكايدة ماهي تعنيني

نفسي تبي العز والعليا مطالبها



مرة تصيب الهدف وأمرار تخطيني

مايعلم الغيب كون اللي يراقبها



منك العوض ياآلهي وانت محييني

لاخاب ظن الفتى باقرب قرايبها



ترى الجمايل لها ناس محبيني

وماكل رجل تعلى في مراقبها



والله ماأداني الردى والفسل والشيني

والنفس ماتقبل اللي مايليق بها



دار بها الحقد والله ماتسليني

ولاني بندمان لافارقت صاحبها



اندم على فقد غالي كان يشفيني

اللي يشيل الحمول ولا يذيع بها



دنيا ردية تقلب بالموازيني

ولابد ماتكشف الدنيا غرايبها



امشي مع اللي على العليا يقديني

وقدر الرجاجيل عند اللي مجربها



ويادار ودعتك الله لو هجرتيني

يامسقط الرأس ياأغلى حبايبها



ويادار ما جفاك لو أنك جفيتيني

غصب عليّ حب ربعي في نوايبها

[محمد بن مسفر بن جليد]

وليد بيض الله وجهك وافي وصح لسانك والف شكر على نقل القصيده كامله

[انسجام]

روووووووعة