أفتونا في هذه الشّخبطة يا شعّار

[العبدي]

السّلام عليكم


شخبطة كيبورديّة ونبيكم تنقدونها من و إلى من حيث الوزن والفكرة والتسلسل






واصدري اللي بـ الهواجيس مكبوت ** أسرج خيولك علّها تفرج الضّيق

صبرك ع العضرس كما لذّة التوت ** ما بُرت بي جعلك ع الهيّن تويق

يا خالد المرّي عسى الحاسد يموت ** خوّتك خوّة عز شروى المطاليق

تصبر وأنا أصبر صبر راعي الحوت ** عل الصّبر دون التندّام بـ يعيق

وإن كان حبل الود ذا الوقت مفلوت ** هدّه وحد الدمع من عينك (ا) يريق

لـجل الكرامة جيت يا عين جالوت ** بشتٍ ع أصحاب الشّرف دايم (ا) يليق

(ا) بندمح الزلّة لجل عين بتفوت ** حق الخوي لو تتّسع بي أو تضيق

وإن كان طال الوقت(ا)فجرّوا الصّوت ** يمكن خويي من تحلامه (ا) يفيق



وسلامتكم جميع

[علي بن شبله]

يا مرحبا يالعبدي

صح لسانك أما بالنسبه للتقييم فمن حيث الفكره والتسلسل فرائعه جدا أما بالنسبه للوزن فعندي ملاحظه بسيطه

على البيت اللي يقول:

تصبر وأنا أصبر صبر راعي الحوت

أعتقد أنه فيه كسر بسيط

والقصيده على العموم وافيه وأنت وافي وأرجوا أن تتقبل نقدي بسعة صدر

وتقبل مروري يالغااااااااااااالي......

[جناب الهضب]

صح لسانك

[فيصل بن مسفر القحطاني]

صح لسانك والله يوفقك ياشاعرنا الجديد

ووفى وكفى شاعرنا ابن شبله

تقبل مروري.

[العبدي]

يا مرحبا يالعبدي

صح لسانك أما بالنسبه للتقييم فمن حيث الفكره والتسلسل فرائعه جدا أما بالنسبه للوزن فعندي ملاحظه بسيطه

على البيت اللي يقول:

تصبر وأنا أصبر صبر راعي الحوت

أعتقد أنه فيه كسر بسيط

والقصيده على العموم وافيه وأنت وافي وأرجوا أن تتقبل نقدي بسعة صدر

وتقبل مروري يالغااااااااااااالي......


أرحب يا ابن شبله , وصح بدنك والله لا يهينك ع التقييم

وساورتني شكوك حول هذا الشّطر من قبل , وبغيت أقطع الشك باليقين واطرحها

لاهنت ع المرور والنقد , وبيض الله وجهك

[العبدي]

صح لسانك

صح بدنك

[العبدي]

صح لسانك والله يوفقك ياشاعرنا الجديد

ووفى وكفى شاعرنا ابن شبله

تقبل مروري.


أرحب يا ابن مسفر , وصح بدنك

والله لا يهينكم جميع

[فيصل عبدالله فراج لعلياني]

اخوي صاحب الكلمات المتسلسله ولتعبير تصخير شاعر موهوب

الوزن اختر لحن طاروق يعجبك قبل ماتفكر في الشعر طاروق

شيلات لحون فن تنسجم معها صح ثم اسكب الأبيات بسلاسة


اللحن دون تكلف فمن اجاد الأساس لايصعب عليه البناء

وتقبل المعلومه من ابوي عاصي الشعراء اوجزها لك ولسلام

[صالح السنحاني]

حسب رأيي الشخصي

وااااااااااااافيه وافيه ولو اني ما فهمت بعض معانيها ومفرداتها الي صعبت علي

تصبر وأنا أصبر صبر راعي الحوت ** عل الصّبر دون التندّام بـ يعيق

احس بتكون احسن لو حيتها:

تصبر وأنا باصبر صبر راعي الحوت ** عل الصّبر دون التندّام بـ يعيق

وعندي شك من هالبيت:

وإن كان طال الوقت(ا)فجرّوا الصّوت

وفي الختام هذا رأي شخصي لا اقطع به ولا الزمك به

تقبل شكري وتحيااااتي

:.: