المساعد الشخصي الرقمي

مشاهدة النسخة كاملة : نخبه ابيات من قصايد شعرا مجالس قحطان


ذيب العبيدي
24-09-2005, 11:48 PM
رواد وأعضاء ومشرفي ومتابعي
هـذا الـصــرح الادبــي الـشــامـخ

اصافحكم بابيات مختاره من قصايد شعراء المنتدى

اتمنى انها تحوز على رضاكم

ولكم الشعر والشعور



http://www.castleberryarts.com/c/c2/c2bar.gif



بنيت لي في كل ديره فله=وانحر حداها لاحداني حادي
الحظ قايم والدروب مدله=وروابعي هي السبب ببعادي

عوض ين شفلوت المناديه

http://www.castleberryarts.com/c/c2/c2bar.gif


لو الحل فى الرشاش والقاذف (ألاربي ) = فرضنا عليك الحل والموت في حينه

ولاخان العروبه خاين الزاد والشربي= فلاهي غريبه منه وحده وثنتينه
على بن حمري
http://www.castleberryarts.com/c/c2/c2bar.gif


الله أكـــــبر كل ماأخترت في الدنيا صديق=مالقيت الى صديق يدور منفعه
أن نصيته حزت الضيق زاد الضيق ضيق=وأن نصاني سقت دمي على شان أنفعه
على البورعي

http://www.castleberryarts.com/c/c2/c2bar.gif


انا العارف الفاهم وانا الجاهل المحتاس= فهمت المقافي والبلا بالمقابيلي
صحيح التجارب للفتى بالعمر مقياس = وترا كل وقت له تجارب وله جيلي
خليل بان هدلان


http://www.castleberryarts.com/c/c2/c2bar.gif


ياقصيدي دلهم الليل والهقوه بعيد=واجتمع شمل الهواجيس في ليل عتيم
الحزن والهم والليل زاد الكيد كيد=واشعلت في خاطري نار في قش هشيم

سعيد او ديه


http://www.castleberryarts.com/c/c2/c2bar.gif


ولّ).. ياشـارون ماجـاك مـن يلـعـن ثــواك=ِنِبـت لـك فـي تالـي الوقـت ياملعـون ريـش
قمـت تعبـث فـي فلسطيـن وتسيّـر إخـطـاك=كـن مافـي الارض غيـرك يهيـج ويستطـيـش
خولان ابن عامر
http://www.castleberryarts.com/c/c2/c2bar.gif


يا هل (( الشـّعر )) لا بد نرفى خماله =ونـــمـيّــزه يـــا أهـــل القلوب اللبيبات
((ومـن لا يـميــّز صافـيـه من حـثـاله)) = ((بيـنه وبين الشـّعـر درب ومـســافات))
((ومن كان شعره يا عرب دوب حاله))=((مـــا يــنــفعه لــو كبّروه المجلات))
حسن الهاجري


http://www.castleberryarts.com/c/c2/c2bar.gif


ياهـاجـس الشعر عطني طيبك اشـمه = ودي بـعــطـرك وابــي ريـحه وابي فـاله

يا هاجسي صـاحبـك غـرقان في همـه = اسـمع عـلـومه وصــب الـضـحـك بـدلاله


جابر الحبابي


http://www.castleberryarts.com/c/c2/c2bar.gif

مـا كـل مـن يـغـزي يجـيـب الـكســـــــايــب=ولا كـــل رجــــلٍ فـي الــنـــوايــــب تـنـبـه
كـم واحـد شـــب وغــدا الـيــوم شــــــايــب=وهــــو ربــيـــب مـــا تـــعـــــدى مــــربـه

عبدالله المشعلي



http://www.castleberryarts.com/c/c2/c2bar.gif

هقوة لي لاهقا يربح ويظفرمن هقابه= وعزوة لى لانوى المسرى وخلق الله هجيعه

لينهض مثل اشقرن حومه على راس الشعابه= نهضته تجلى الهموم وفزة الحر الشنيعه
مضواح بن جابر



http://www.castleberryarts.com/c/c2/c2bar.gif

خذ كلمة اللـي لا تحاكـا مـا يبـي لـه ترجمـان=وأترك عجاج الخيل لا يلحقـك فـي العجـة ربـو
وإعرض عن كبار الجموع اللي لهم فى الشان شان=وانا ما عرّف إسمك00 ولا رسمك00 ولا حتى يابو
علي ابن حمري



http://www.castleberryarts.com/c/c2/c2bar.gif


عشت وعرفت بهالزمن عد ت أجناس=ولقيت به حراًوحصلت خفاش
مستشعرين ويرتجورحمة الناس=يعدوا لهم شعراً ويرضون بقشاش
خلف المهيلان


http://www.castleberryarts.com/c/c2/c2bar.gif


يقولون العرب كل العصور لها دول وإرجال=وذا عصره قدر يبني خلاله ذِكر يزهـى بـه

ترى ماكل من يبغى الطويله تسعفـه الآمـال=دروب المرجله عسره قليل العرف تهوي بـه

الصالاني




http://www.castleberryarts.com/c/c2/c2bar.gif


ولولا الهدد وش يفرق الطير والطير= الريش واحد والهدد فرقهنه
والحر يسكن فوق روس الشناتير= والبوم في جذع الشجر جر ونه
خليل بن هدلان



http://www.castleberryarts.com/c/c2/c2bar.gif


انا صبرت وصبري اللى صار من صبر الجمـــــال = يصبر بعير القوم في حر وضما مـــــامــــــلهــــــا
وش حيلة المحتار بين الحر وحدود الظــــــــــلال = ولاعــــاد ندري بالحقيقـــة حرها من ظلهـــــــــــا

عبدالله المهداني

http://www.castleberryarts.com/c/c2/c2bar.gif


سودلليالي طوعت كل حلحيل= غبر السنين الممحله تخلف السير
من لاكسب كلمة كفو يارجاجيل= وشله يعيش وكيف بيعيش ويصير
مضواح بن جابر

http://www.castleberryarts.com/c/c2/c2bar.gif


هيه ياللي دايم تّجيب الخبر وتردّه = والله اني فالمواطي ما بنيت شراعي

الليالي علّمتني علمها من مدّه = قالت الدنيا تجارب والرجال انواعي
فهد المكودر



http://www.castleberryarts.com/c/c2/c2bar.gif

اتمنى انها فعلا حازت رضاكم

لكم مني اجمل تحيه وتقدير

ذيب العبيدي

http://www.castleberryarts.com/c/c2/c2bar.gif

فارس قحطان
24-09-2005, 11:55 PM
السلام عليكم ورحمة الله وبركاته

بيض الله وجهك ياذيب
على هذا الأختيار الرائع
ولكن لماذا لم نرى احد روائعك من ضمنها
فأنت شاعر مبدع ياذيب فلا يجب ان يأخذك تواضعك
ويمنعك من وضع روائعك لنتذوقها

لك مني اطيب التحايا





.

ذيب العبيدي
25-09-2005, 12:01 AM
مراقبنا الرائع

وفارسنا الاصيل


تشرفت بان تكون اول من يلامس تعقيبه الرائع

على اختياري المتواضع

عسانا ماننحرم منك يابعدي


اما بالنسبه لي انا فلموجود بالتوقيع يكفي يابعد راسي

تحياتي لك


العبيدي

محمد القويفل
25-09-2005, 12:02 AM
ابيات رائعة منتقاه بعنايه من صاحب ذوق رفيع

سجل اعجابي في موضوعك

ابن كشم العبيدي
25-09-2005, 12:21 AM
ذيب العبيدي
عندما تحضر.. تحضر العذوبة لنشرب زلال ابداعاتك..
وعندما تغيب.. نضل عطشي وظمأى لك..
ايها العذب..
لا تحرمنا من صافي نبعك..
كن معنا ونكون لك من الشاكرين..

اخوك/ ابن كشم العبيدي

حسن علي الهاجري
27-09-2005, 03:15 PM
ذيب العبيدي

هلا وغلا

اشكرك على الفكره الجميله

والتواضع الذي عرفته منك منذ ان عرفتك

واشكرك على تشريف اسمي المتواضع بين المبدعين الكبار

والله لا حرمني من كرمك وطيبة قلبك واخلاقك العاليه

خليل بن هدلان
01-10-2005, 05:26 AM
الشاعر القدير : ذيب العبيدي

اشكرك على حسن الاختيار

الى الامام ... وأسال الله لك التوفيق

تقبل تحيات اخـوك...

سعد بن شفلوت
02-10-2005, 01:15 AM
نسيت نفسك ياذيب نسيك الموت


سعد بن شفلوت

تركي الفهري
05-10-2005, 01:25 AM
الله الله ياذيب العبيدي
ابيات عذبه لنخبه من الشعراء
لاعدمناك يالغالي

الكايف
07-10-2005, 11:18 PM
السلام عليكم ورحمة الله وبركاته

شكراً لك اخي الكريم على هذا المشاركة


الله اكبر كل ماأخترت في الدنيا صديق
مالقيت الا صديق يدور منفعه


هذه للشاعر :
حمد بن هادي المسردي رحمه الله.

قحطان
18-10-2005, 02:29 AM
لاهنت ياذيب

بالفعل اختيارات موفقه

وسابقه راائعه منك

مهدي بن مسفر الحبابي
31-10-2005, 07:45 PM
تسلم على أختيارك

بيض الله وجهـك على مجهودك الرايع والمميز

ابيات رايعه وجـزله


لك فائق احترامي وتقديري

ذيب العبيدي
02-11-2005, 10:14 AM
اخواني الكرام كل من مر من هناء

شكرا لكم مروركم



وكل عام وانتم بخير



العبيدي