المساعد الشخصي الرقمي

مشاهدة النسخة كاملة : مرثيّه في الشيخ / نآصر بن حمود آل شآفي


ناصر بن محمد
07-03-2010, 04:57 AM
السلآم عليكم ورحمة الله وبركآته


صبحكم\مسآكم .. الله بالخير جميع


يوم الخميس في الليل جآني اتصآل من اخوي محمد بن سعود آل شآفي وعطآني العلم وانآ في الاردن وربعي اللي معي في البيت من آل شآفي ويوم جآ صبح الجمعه كتبت ذآ القصيده ويعلم الله ان مآردني عن جيّة العزآ الآ دخلتي في مجلسه وانآ اعزيهم في وفآته

لكن عسى الله يرحمه ويغفر له ويسكنه الجنه






الاحزآن لآحت في عيوني بروقهآ=والنفس عيّـآ الوقت الاقشر يروقهآ
والكبد كنْهآ بالميآسم موسّمه=وبآنت على وجهي موآري حروقهآ
مآ عآد لي خآطر على الضحك والسهر=والعين جرّح صآفي الدمع موقهآ
القلب دقآته بلحظه تسآرعت=وضلوع صدري قآم حزني يطوقهآ
دنيآ عسى الله يكفي النآس شرّهآ=تعطي صبوح..وليل تنثر غبوقهآ
ذكرت يوم ان النعيمي يقولهآ=(غدّآرةٍ مآ تآمن النآس بوقهآ)
نآسٍ عن الافرآح سآقت بشيرهآ=ونآسٍ عْلوم الحزن يمّي تسوقهآ
قآلوا امير الشمل قد ضمّه اللحد=وصكّت بي الدنيآ وضآقت طروقهآ
يآعنْك مآ كلٍ ليآ مآت نفقده=وغيومنآ مآ هي تنثّر حقوقهآ
الآ على شروآه لي حل وآجبه=فعله وضح كالشمس بأول شروقهآ
جوف الهوآجر قد ضوآحيه مظلمه=والنآس عبرتهآ تسكّر حلوقهآ
بيتٍ فقد عآموده اللي يجمّله=وارضٍ بكت رجلٍ مسيره يشوقهآ
والرآجحه من عقب الانوآر ظلّمت=وازهآرهآ مآ عآد يطرب نشوقهآ
عليّ رفقة كل طيّب معرّب=اللي عْلوم اهل المرآجل يفوقهآ
مـ..نْسآه لو ينسى المصلّي فرآيضه=ولو تنقلب اسفل الارآضي لفوقهآ
ومـ..نْسآه مآ دآم السرآه بمحلّهآ=ولو تآب عن سرْق الخزآين سروقهآ
فْيالله تغفر له وتقبل شهآدته=رحمتْك مآ شيْ عن عبآدك يعوقهآ
بْك الرجآ والملتجى يآ إلهنآ=عندك حسآب اهل العقوق بعقوقهآ
وعندك حسآب الخير بالخير والثنآ=وانهآر مآ يعطش ابد من يذوقهآ
ترزق ابومبآرك جْنآنك ورحمتك=ومزنه على قبره تنثّر حقوقهآ


سلآمتكم


نآصر بن محمد بن هجآر القحطآني

الظور
07-03-2010, 11:21 AM
يامال المهلا يابن هجار على السبق والقصيده الجزله وهي اول مرثيه في فقيدنا جميع

الشيخ

ناصر بن حمود بن شافي

اسئل الله جل في علاه

ان

يرضي ذلك الوجه الرضي

وجه

ناصر بن حمود

بمنزله في الجنه وان يجعل قبره روضه من رياض الجنه

والله موتته ادمت قلبي وادمعت عيني وانا لم ارى الا صورته بذلك الوجه الوقور

اشكرك يابو محمد

أبوسحمي
07-03-2010, 11:22 AM
صح لسانك يا أخي ناصر بن محمد على هذه القصيدة التي لم تعبر عن شعورك لوحدك، بل عن شعورنا جميعا في هذا الفقيد (رحمه الله)، ولكن نقول أصبر واحتسب أجر الصبر، وأكثر من قول ان لله وان أليه راجعون ولا حول ولاقوة الا بالله.

وجزاك الله خيرا،،،

أخوكم/ أبو سحمي

ابن عياف
07-03-2010, 11:32 AM
ارحب تراحيب الحيا

يابومحمد

الله يحييك

وقصيدك الطيب

متمثل في هذه القصيدة والمرثية في الشيخ / ناصر بن حمود ال شافي الهاجري

الله يرحمه ويسكنه الجنة

انا اعرفه معرفه شخصية وتعاملة معه وقابلته كثيراً في رئاسة الحرس الوطني

فعلاً كان نعم المعرفة والشيخة والمكانه

جعله في جنات النعيم

وبيض الله وجهك في هذه الرائعه من روائعك يابومحمد

عامر الوهابي
07-03-2010, 01:43 PM
لا إلا إلا الله

صح الله لسانك يأخ ناصر ورحم الله الميت رحمة الأبرار

والفقد واحد علينا وعليكم

تقبل مروري

سعد الشواطي
07-03-2010, 02:03 PM
يا مرحبا ترليون يابو محمد ..

صح لسانك جعل من جابك في الجنه ..

والله يرحم الشيخ / ناصر ال شافي ..

والله انه مفقد على قحطان ..

ناصر بن محمد
07-03-2010, 02:09 PM
البقآ بكم جميع

صح الله بدنكم


والرجآل اللي مثله فقيده على كل طيب ومدح ورثآه وآجب

وانآ والله مآاعده الآ ابوي وعيآله حسبة اخوآني

نايف بن جليد
07-03-2010, 02:27 PM
صحت يمينك يا ناصر

وأسأل الله أن يغفر للشيخ وأن يجعله من سكنى الفردوس


الفقد واحد .. والمصاب واحد .. والعزاء واحد

ولا نقول الا ما يرضي ربنا
إنا لله ولإنا إليه راجعون

ناصر بن محمد
11-03-2010, 01:28 PM
اللهم آمين وصح الله بدنك يآ نآيف

ناصر بن محمد
25-03-2010, 03:22 PM
ابو سحمي جعلك تسلم على المرور الطيب

مشاري بن نملان الحبابي
25-03-2010, 05:00 PM
أرحب يا ناصر ..

صح الله لسانك واعتلى شانك ..

ورحم الله الشيخ ناصر بن حمود آل شافي رحمه الله ..

أبو معتز
25-03-2010, 10:02 PM
صح لسانك يا ناصر

وأسأل الله أن يغفر للشيخ وأن يجعله من سكنى الفردوس


ولا نقول الا ما يرضي ربنا
إنا لله ولإنا إليه راجعون