المساعد الشخصي الرقمي

مشاهدة النسخة كاملة : شرب المصايب مثل شرب الفناجيل


أبو معتز
04-03-2010, 11:59 PM
بسم الله الرحمن الرحيم

كان رحيل خادم الحرمين الشريفين الملك فهد بن عبدالعزيز (يرحمه الله) علامة فارقة في مسيرة وتاريخ المملكة,فقد كتب الفقيد الغالي في ذاكرة كل سعودي وعربي ومسلم وفي جبين التاريخ اسمه الوضاء بأحرف من نور يسطع مع كل إنجاز أنجزة لشعبة وامته, وكان انتقاله الى الرفيق الاعلى بتاريخ 26 من جماد الاخره 1426هـ من اكثر الايام حزنا لما حمله ذلك اليوم من المصاب الجلل والوعد المتكوب قضاء وقدرا.
وكان الملك الراحل قد ولد عام 1340هـ في الرياض في قصر الديره الذي انشأه الملك عبدالعزيز عام 1328هـ وكان لذلك المولود الميمون موعداً مع العظمه , وكانت ولادته بشارة خير وطالع سعد في دنيا الملك عبدالعزيز فقد كانت فترة مولده هي الحين الذي عقد فيه السلام , وتعززت فيه أحلام الوحده الشامله وتوالت الانتصارات في معارك التوحيد الحاسمه .
ولد الملك الراحل من ام سليلة امجاد هي الاميرة المرحومه حصه بنت احمد بن محمد ابن احمد السديري ,وكانت امرأه بالغة الحنان والحب فقد وهبة نفسها بإخلاص لتنشئة هذا الابن الاول منها للملك عبدالعزيز .رحم الله الملك رحمة واسعه واسكنه فسيح جناته .

وإليكم هذه القصيده التي قالها يرحمه الله حينما كان مريضاً في لندن في شهر شوال من عام 1385هـ والتي بعثها الى المرحوم الامير فهد ابن سعد يشكو فيها قساوة المرض .

( سو المرض )



يابو سعد صارت على اخوك غارات = شهرين اقاسي من شديد الغرابيل
سو المرض يحمل على اخوك حملات = مافي يدي حيله ولا في ايدي حيل
والله فزع من فوق سبع السموات = وانا احمد الله يوم صارت تساهيل
ما ينفع الخايف والايام عجلات = الخوف ما ينفع ولا القول والقيل
حنا هل العوجا ولابه مروات = شرب المصايب مثل شرب الفناجيل
لاشك انا مشغول في كل الاوقات = على الذي حنا بظله رجاجيل
ماني على نفسي كثير الحسافات = لاسلم راسه روسنا رفاع بالحيل
حامي حمانا بالليالي المخيفات= لو صار بالعالم كثير الزلايل
فخر العروبه بالعدل والمساواه = هذاك هو فيصل ولا فيه تشكيل
يشهد له اللي شاهدوا منه ليات = ويشهد له التاريخ جيل بعد جيل


فأجابه الامير فهد ابن سعد (رحمة الله عليه) بهذه القصيدة :



يا مرحبا بكتاب زين المخلات = اهل هلابه عد وبل الهماليل
حمدت من زال الكدر بالمسرات= فكاك من صكت عليه المحابيل
فزع لك اللي عالم بالخفيات = مبري جروح ايوب غيث المراميل
لعل ما يزعج على فقدك أصوات = ولعلها لك يا ابو فيصل تماهيل
الله يجيرك من صواديف الافات = عساك تسلم يا عشير المشاكيل
ما انت برخيص يا ربيع القرابات = لو هي بالايدي كان دونك حلاحيل
ترى لنا بك يا فتى الجود هقوات = في وقتنا الحاضر وباللي مقابيل
يفداك ربع قصروا بالمهمات = اللي على القالات ما تنطح الشيل
بعض العرب حي ومن عرض الاموات = ما يرتجي نفعه بحل المشاكيل
وفيصل ذرانا بالسنين المخيفات = هو درعنا الضافي إلى ضدنا الميل
اللي نقل عنا حمول ثقيلات = راس الحصيل ان كملنا المحاصيل

رحم الله الملك فهد والملك فيصل والامير فهد وجميع اموات المسلمين

جناب الهضب
05-03-2010, 12:15 AM
لاهنت على هذا الابداع

أبو معتز
05-03-2010, 12:25 AM
لاهنت على هذا الابداع



ولانت يالطيب شرفني مرورك

عبدالله فراج العلياني
05-03-2010, 05:31 PM
اررررررررحب يابو معتز مقبول وقابلك ربي عند احبابك وأقرابك وعندنا خاصه لك مكانه

يالغالي جزل ولا تجيب إللا جزل سلمت ودمت ولك خالص تحياتي

فلاح آل راكان
05-03-2010, 07:37 PM
ارررررررررررحب يابو معتز تراحيب الحيا والله اني صادق ..

والله انك وافي ومجملك ربي في كل حآل ومن حيث ماكنت ..

اختيار موفق يا القرم ..

وجزل ولا جبت الاجزل ..

والله يرحمنا ويرحمهم جميع ..

تقبل مروري نفداك ..

أبو معتز
06-03-2010, 05:58 AM
اررررررررحب يابو معتز مقبول وقابلك ربي عند احبابك وأقرابك وعندنا خاصه لك مكانه

يالغالي جزل ولا تجيب إللا جزل سلمت ودمت ولك خالص تحياتي


مرحب يبقا ويدوم يا شاعرنا عبدالله وتسلم على المرور المشرف لاعدمتك

ناصر.الخبر
06-03-2010, 07:08 AM
ماني على نفسي كثيـر الحسافـات
لاسلم راسه روسنا رفـاع بالحيـل
حامي حمانـا بالليالـي المخيفـات
لو صـار بالعالـم كثيـر الزلايـل
فخر العروبـه بالعـدل والمسـاواه
هذاك هو فيصـل ولا فيـه تشكيـل
يشهد له اللي شاهدوا منـه ليـات
ويشهد له التاريخ جيل بعـد جيـل




ابو معتز ارحب يالله حيه وحي هالابدااع يابو ابو الابداع لاهنت يالغالي

سفر بن مبارك
06-03-2010, 01:31 PM
اخوي ابو معتز جزل ولاتجيب إلا الجزاله الله يرحمه رحمة واسعه...........

سعد الشواطي
06-03-2010, 02:30 PM
ارحب يانور الشبكه ..

بيض الله وجهك على هذا النقل الاكثر من رائع ..

ورحم الله الملك فهد ..

دمت في رعايه الله ..

أبو معتز
08-03-2010, 12:10 AM
ارررررررررررحب يابو معتز تراحيب الحيا والله اني صادق ..

والله انك وافي ومجملك ربي في كل حآل ومن حيث ماكنت ..

اختيار موفق يا القرم ..

وجزل ولا جبت الاجزل ..

والله يرحمنا ويرحمهم جميع ..

تقبل مروري نفداك ..

مرحب يبقا ويدوم يافلاح ولا فيك شك لاعدمتك الله يجملنا ويجملك ويطول عمرك يا النادر

لك مني كل الود والتقدير

عبدالله بن غفره
08-03-2010, 01:07 AM
موضوع جميل جداً وقصائد في غاية الإبداع


والله يرحمهم جميعاً


تحياتي

ابن عياف
08-03-2010, 09:07 AM
الله يرحمه واموات المسلمين

ويسكنه فسيح جناته

=====

نقل موفق واختيار رائع ولكن قصيده ابن سعد غير موجوده

تقبل تحياتي يابومعتز

عايـض العاطفي
11-03-2010, 05:53 AM
مشكور ولاهنت على الطرح الموفق

أبو معتز
12-03-2010, 01:03 PM
ماني على نفسي كثيـر الحسافـات
لاسلم راسه روسنا رفـاع بالحيـل
حامي حمانـا بالليالـي المخيفـات
لو صـار بالعالـم كثيـر الزلايـل
فخر العروبـه بالعـدل والمسـاواه
هذاك هو فيصـل ولا فيـه تشكيـل
يشهد له اللي شاهدوا منـه ليـات
ويشهد له التاريخ جيل بعـد جيـل




ابو معتز ارحب يالله حيه وحي هالابدااع يابو ابو الابداع لاهنت يالغالي

يا مرحبا يا ناصر ياصاحب الذوق الراقي شرفني مرورك لاعدمتك

أبو معتز
14-04-2010, 10:22 AM
اخوي ابو معتز جزل ولاتجيب إلا الجزاله الله يرحمه رحمة واسعه...........

اخوي الغالي ابو فيصل معليك زود يا استاذنا وقدوتنا . تحياتي