سلام

[الساري]

سلام الله سلام والحقيقه بينه ياناس= ولو دار الفلك ماحدن يغطيها بغرباله
تساوت واستوت روس العرب في وضعنا الحساس= وكلن قال انا شيخ البلد لا كبرت القاله

[ابو ضيدان]

عليكم السلام



الا يامرحبا ترحيبة مثل الذهب والماس=على وضح النقا من قدم الخطوة سعينا لة
ترى روس العرب معروفتن مهما حصل في الناس=و ترى خير البشر من يتقي المعبود باعمالة

[عاشق الوطن]

الساري
ابو ضيدان
ترى روس العرب معروفتن مهما حصل في الناس=وترى خير البشر من يتقي المعبود باعماله
واصلووووو

[الساري]

ترى روس العرب من قادوا اهل الدرع واهل الطاس=هل سيوفٍ حداد وفي ظهور الخيل خياله
ماهيب اوراق يا ضيدان من عباس بن فرناس= يجمّعها ويطبعها على باله على باله

[ابو ضيدان]

عاشق الوطن

شكرا للحضور البهي

[ابو ضيدان]

نصيحة ياوسيع المعرفة هون ولا تحتاس= تريح من هموم الروس كلن داري بحالة
تفضل واترك الفايت وعان البن فالمحماس=ترى للبن شرابة ترى للخيل خيالة

[الساري]

قبل يومين قمت تشيل عباس على دباس=تبي توهم غشيم ياخذ علومك على فاله
ترى التاريخ ضدك ياولد لو كان ما بك باس=لكن ارتاح في الفيه واخذ فنجال وبياله

[ابو ضيدان]

الاخ الساري

تشرفت بمقابلتك

كلامك زين وواضح

والى اللقاء

[فـارس]

صحت السنتكم يا شعار
الساري وابو ضيدان
مبدعين

[محمد الحياني]

صحت السنتكم


جميع



بدع جميل ورد جميل


وفقكم الله

[الساري]

محمد الحياني
شكرا على مرورك
داااااااااام تألقك

[ظافر القحطاني]

لاهنتو بيض الله وجيهكم