عبدالرحمن العقيلي
02-03-2010, 06:05 PM
بسم الله الرحمن الرحيم
يابرقي
يابـرق يلـي بالسـمـا بـارقـك لاح=واسهرتنـي بابـرق ليـن الصبـاحـي
انـا دخيلـك يـوم ريـح الحيـا فـاح=قلي وش اخبـار الحيـا يـوم طاحـي
وان كان لك بكرة مع الصبـح مسـراح=خذني معـك دام السفـر لـك مباحـي
كان السياحـه فالسمـا وانـت سـواح=انـا بعـد فـاول حيـاتـي سيـاحـي
خذني على يمينـك مـع الجـو مـلاح=تـراي فاهـم فـي جميـع النـواحـي
ماعـاد باقـي فالعمـر كثـر مــاراح=حتـى نذيـر الشيـب فالوجـه لاحـي
لاجيت اغمـض تالـي الليـل وارتـاح=غمضت جفنـي والجسـم مااستراحـي
يزورنـي طيـر(ن) يغـرد بـلا جنـاح=سريـع بالجيـه وعـجـل الـرواحـي
واطرب لصوت صغيـر السـن لاصـاح=واعتب على فيصـل لكثـر الصياحـي
صوته جذبني واحسـب الـورع مـزاح=وقـول لـه ماهـوب وقـت المزاحـي
وافـز مـن نومـي ولاقيـه كــد راح=ياحيرتـي يابـرق وشـلـون راحــي
قفـا ودمعـه فـوق الاوجـان سفـاح=وش حيلتـه غيـر البكـا والنيـاحـي
مايقطـع امـواج البحـر غيـر سبـاح=والطيـر مايشـهـر بلـيـا جنـاحـي
سهرت مـن اجلـه ولاذقـت الامـراح=تقول فـي صـدري سهـوم الرماحـي
يابـرق كـان لخوتـي منـت مرتـاح=انـا بعـد مالـي ومــال المـراحـي
وان كان نورك فالسماء صـار وضـاح=يابـرق مالـك بالطويـلـه صـلاحـي
ماشفت لك ضوء تقل ضـوء مصبـاح=من غير ضاحك صـار للنـار ضاحـي
نـارا سناهـا صاحبـه هيـل فـيـاح=يجذبـك لاهبـت هـبـوب الريـاحـي
شبـة رجـال ٍماتحـسـب لـلاربـاح=دار السعـد وجـه السعـد والفـلاحـي
اليـا لفيتـه لاطيـب الحيـل ذبــاح=يـوم الـردي غيـره يدينـه شحاحـي
من غير ابو صالح من النـاس سمـاح=وحنـا نريـد المـعـذره والسمـاحـي
اخاف تنـزل عبرتـي وسـط الافـراح=واخـاف قـدم النـاس سـدي يباحـي
انـا مـن او ل ياسعـد كنـت جـراح=واليـوم ادوور مـن يعالـج جـراحـي
كني كسيـر(ن) بـاول القـوم لاطـاح=من طيحتـه طـاح العلـم والوشاحـي
شربت كاس المـر فـي كـاس تفـاح=والـمـر لـلـي مايعـرفـه قـراحـي
والطـب مايبـري لـك السـد لابــاح=اللـي يداويـنـي ظـبـي البـراحـي
اللي لمحته ياسعـد مـن وراء سنـاح=وجـدي علـى شوفـه بليـا سناحـي
ابـو جديـل(ن) فـوق الامتـان لفـاح=بشوفتـه يـاخـوك هـمـي يـزاحـي
احـد(ن) يزيـح الهـم ويـداو الارواح=واحد(ن) يجيب الك المرض وانت صاحي
بقلم الشاعر/عبدالرحمن العقيلي
يابرقي
يابـرق يلـي بالسـمـا بـارقـك لاح=واسهرتنـي بابـرق ليـن الصبـاحـي
انـا دخيلـك يـوم ريـح الحيـا فـاح=قلي وش اخبـار الحيـا يـوم طاحـي
وان كان لك بكرة مع الصبـح مسـراح=خذني معـك دام السفـر لـك مباحـي
كان السياحـه فالسمـا وانـت سـواح=انـا بعـد فـاول حيـاتـي سيـاحـي
خذني على يمينـك مـع الجـو مـلاح=تـراي فاهـم فـي جميـع النـواحـي
ماعـاد باقـي فالعمـر كثـر مــاراح=حتـى نذيـر الشيـب فالوجـه لاحـي
لاجيت اغمـض تالـي الليـل وارتـاح=غمضت جفنـي والجسـم مااستراحـي
يزورنـي طيـر(ن) يغـرد بـلا جنـاح=سريـع بالجيـه وعـجـل الـرواحـي
واطرب لصوت صغيـر السـن لاصـاح=واعتب على فيصـل لكثـر الصياحـي
صوته جذبني واحسـب الـورع مـزاح=وقـول لـه ماهـوب وقـت المزاحـي
وافـز مـن نومـي ولاقيـه كــد راح=ياحيرتـي يابـرق وشـلـون راحــي
قفـا ودمعـه فـوق الاوجـان سفـاح=وش حيلتـه غيـر البكـا والنيـاحـي
مايقطـع امـواج البحـر غيـر سبـاح=والطيـر مايشـهـر بلـيـا جنـاحـي
سهرت مـن اجلـه ولاذقـت الامـراح=تقول فـي صـدري سهـوم الرماحـي
يابـرق كـان لخوتـي منـت مرتـاح=انـا بعـد مالـي ومــال المـراحـي
وان كان نورك فالسماء صـار وضـاح=يابـرق مالـك بالطويـلـه صـلاحـي
ماشفت لك ضوء تقل ضـوء مصبـاح=من غير ضاحك صـار للنـار ضاحـي
نـارا سناهـا صاحبـه هيـل فـيـاح=يجذبـك لاهبـت هـبـوب الريـاحـي
شبـة رجـال ٍماتحـسـب لـلاربـاح=دار السعـد وجـه السعـد والفـلاحـي
اليـا لفيتـه لاطيـب الحيـل ذبــاح=يـوم الـردي غيـره يدينـه شحاحـي
من غير ابو صالح من النـاس سمـاح=وحنـا نريـد المـعـذره والسمـاحـي
اخاف تنـزل عبرتـي وسـط الافـراح=واخـاف قـدم النـاس سـدي يباحـي
انـا مـن او ل ياسعـد كنـت جـراح=واليـوم ادوور مـن يعالـج جـراحـي
كني كسيـر(ن) بـاول القـوم لاطـاح=من طيحتـه طـاح العلـم والوشاحـي
شربت كاس المـر فـي كـاس تفـاح=والـمـر لـلـي مايعـرفـه قـراحـي
والطـب مايبـري لـك السـد لابــاح=اللـي يداويـنـي ظـبـي البـراحـي
اللي لمحته ياسعـد مـن وراء سنـاح=وجـدي علـى شوفـه بليـا سناحـي
ابـو جديـل(ن) فـوق الامتـان لفـاح=بشوفتـه يـاخـوك هـمـي يـزاحـي
احـد(ن) يزيـح الهـم ويـداو الارواح=واحد(ن) يجيب الك المرض وانت صاحي
بقلم الشاعر/عبدالرحمن العقيلي