المساعد الشخصي الرقمي

مشاهدة النسخة كاملة : المجد آلتليـد


محمد بن عجيبه
15-02-2010, 02:53 PM
بسم الله الرحمن الرحيم




قصيدة مهداة إلى الشـيخ/


محمـد بن ظافر بن عايض بن حصيــن آل حلفه آل سعد






****************


بسم رب العرش ذو الفضل المجيد *** جل ذكره ، عز شانه في علاه

واحد فرد صمد محيي معيـــــــــــد *** خالق الأكوان لآرب ســــواه

بعد ذا سر يا قلم فيما نريـــــــــــد *** وأستعن بالله وحــدد الاتجـــاه

يا بنات الفكر يا جزل القصيــــــــد *** ياهجوسي وألزمي مني وصاه

لا توانى في فريـدك للفريــــــــــد *** لأجل بن ظافر زبون اللي نخاه

ألوفا طبعــه وله رآي سديـــــــــد *** جزل وألجـزلات ما تبغا ســـواه

مكرم الضيفان بالوقت الزهيــــــد *** يوم راع البيت ما يلقى عشــاه

لو يبيد الطيب عنده ما يبيـــــــــد *** ولو تبيد البيد ما يلحق مــــداه

ألوفا والفخر والمجد التليـــــــــد *** كاسبه وينومس اللي في حراه

ألوفا ما هو غريب ولاجديــــــــد *** كابر(ن)عن كابر(ن)طيبه خــذاه

عند أبو شافي عسى عمره مديد *** تتعب الأوصاف بعقول الــــرواه

ذا عضيد اللي يدور له عضيــــد *** واسم ابن ظافر يكفي عن نبـــاه

من بني عمي هل البأس الشديد *** مروية حدب السيوف من ألعداه


أضعف الأوصاف لو نبغي نشيــد *** من صناديــد المطنـخ *والدهـاه

*لوزعي زيزوم بالهمة بعيــــــد *** * أريحي ، للضيف يسعد في لقاه

*ألمعي (ن) صايب الرآي وسديـد *** *عبقري،*وهمام واثق من خطاه

شوفته وسط المجالس يوم عيـد *** ضلع راسي يآمن به اللي نصاه

العقيد ابن العقيد ابن العقيـــــــد *** غيث من ينصاه عــزٍ لأقربـــاه

رفقة (محمد) وشرواه الرصيـد *** ذي غناة اللي يـــدور للغنــــــاه

المواقف عند أبو شافي تزيــــد *** وكل يـــوٍمٍِ عندنــــا يكبــر غــلاه

والأكيد أن كان تبغون الأكيـــــد *** يا عسى الرديان لمحمد فــــــداه

والسموحه يوم جاتك بالبريـــد *** كان ودي فالصحف كل قـــــــراه

لكن رسالة محبٍ بــه يريـــــــد *** بوح مكنون المشاعر مبتغــــــاه

باختصار وجاك علمي والمفيـد *** يا زبون الطيب في كل اتجـــــــاه

وخير ما نختم به القول ونعيــد *** ذكر من ربي على الخلق اصطفاه[/poem]
[/poem] [/poem]


كلمات/ الشآعر

عبدالله بن ناصر بن عبدالله بن سعمان آل حلفه آل سعد




*اللوزعي: صادق الظن ، جيد الحدس.
*الأريَحي : الذي يرتاح للكرم.
*الألمعي : الذكي متوقد الذهن ، صائب الرأي.

نايف بن جليد
15-02-2010, 03:03 PM
صح الله لسانك يالذيب ولسان الشاعر القدير

صحت يمينك ع القصيدة الجزله

تقبل مروري يالمبدع

محمد بن عجيبه
15-02-2010, 06:37 PM
صح بدنك يابعد رآسي


ومرورك يزيدني شرف

سفر بن مبارك
15-02-2010, 09:45 PM
صح لسانك ولسان الشاعر ويستاهل الممدوح بيض الله وجهك......

محمد بن عجيبه
16-02-2010, 04:47 PM
وجهك أبيض آبو مبآرك



وماعليك زود نفدآك وجهك