ابن شديد ال مخثله
11-02-2010, 06:45 PM
هذه قصيدة للشيخ والفارس المشهور/ قاسي بن عضيب العاصمي القحطاني
حصلت عليها من احدى المخطوطات القديمة ، وبالبحث للتأكد من هل سبق نشرها ام لا وجدت انه نشر بعض من ابياتها في احدى الصحف المحلية وليست كاملة.
وإليكم القصيدة كاملة.
يا سابقي رضعتك الفلو عشرين = لين انشخلتي مثل ظبي المسايل
وشاروا عليّ نعليك قلنا معيين = وعقب اللقاح العام نبغيك حايل
والى نعشت الراس بالحبل تعطين = راسك ولا نعتاض فيك البدايل
ابي ليا ما ارخيت انا الحبل تهوين = اهواي شيهان ربيب الخمايل
الله يجيرك من عيون الشياطين = وارجي من المولى عليك المهايل
على الحذايا والمسامير تاطين = واللاش ما هو عن جواده بسايل
اعطيك من البر النقي ما تشهين = والماء عليك ارهيه ويا العدايل
ويحلب لك اللي درها فيه تشفين = عثوا السنام اللي به الني طايل
من رعيها للقفر بين الحفيفين = بربعي مروية الغلب في الدبايل
"عواصم" بالهوش ماهم بعمسين = ضارين في هداتهم بالفصايل
الى اعتلينا شقص الآذان عجلين = بمصقلات تودع الراس مايل
الخيل نجعلها سواة الحراذين = بدهم العروق اللي تشق الوشايل
لا صاح صياح وحنا مغرين = والكون صوب اللي من البوش ذايل
والى لحقناهم بالاشناق مرخين = لازم يعود دقها والجلايل
يا سابقي مامثلك انتي تريحين = لاعدت بين "مطير" و"الاد وايل"
كم مرة عنا يشدون عجلين = "علوى" مسقين الحريب الغلايل
كاشوا خوالي و"الدواسر" مشكين = وراحت عليكم ياخجيما سحايل
قلته وانا من روس قوم سلاطين = قبيلتي قحطان خير القبايل
ــــــــــــــــــــــــــــــــــــــــــ
ولكم خالص نحياتي
اخوكم/ ابن شديد ال مخثله
حصلت عليها من احدى المخطوطات القديمة ، وبالبحث للتأكد من هل سبق نشرها ام لا وجدت انه نشر بعض من ابياتها في احدى الصحف المحلية وليست كاملة.
وإليكم القصيدة كاملة.
يا سابقي رضعتك الفلو عشرين = لين انشخلتي مثل ظبي المسايل
وشاروا عليّ نعليك قلنا معيين = وعقب اللقاح العام نبغيك حايل
والى نعشت الراس بالحبل تعطين = راسك ولا نعتاض فيك البدايل
ابي ليا ما ارخيت انا الحبل تهوين = اهواي شيهان ربيب الخمايل
الله يجيرك من عيون الشياطين = وارجي من المولى عليك المهايل
على الحذايا والمسامير تاطين = واللاش ما هو عن جواده بسايل
اعطيك من البر النقي ما تشهين = والماء عليك ارهيه ويا العدايل
ويحلب لك اللي درها فيه تشفين = عثوا السنام اللي به الني طايل
من رعيها للقفر بين الحفيفين = بربعي مروية الغلب في الدبايل
"عواصم" بالهوش ماهم بعمسين = ضارين في هداتهم بالفصايل
الى اعتلينا شقص الآذان عجلين = بمصقلات تودع الراس مايل
الخيل نجعلها سواة الحراذين = بدهم العروق اللي تشق الوشايل
لا صاح صياح وحنا مغرين = والكون صوب اللي من البوش ذايل
والى لحقناهم بالاشناق مرخين = لازم يعود دقها والجلايل
يا سابقي مامثلك انتي تريحين = لاعدت بين "مطير" و"الاد وايل"
كم مرة عنا يشدون عجلين = "علوى" مسقين الحريب الغلايل
كاشوا خوالي و"الدواسر" مشكين = وراحت عليكم ياخجيما سحايل
قلته وانا من روس قوم سلاطين = قبيلتي قحطان خير القبايل
ــــــــــــــــــــــــــــــــــــــــــ
ولكم خالص نحياتي
اخوكم/ ابن شديد ال مخثله