المساعد الشخصي الرقمي

مشاهدة النسخة كاملة : كل بحر شارب منه قرطوح


عبدالله المشعلي
06-02-2010, 03:44 PM
ما بقى لي بالعمر كثر ما راح=والعمر يمضي مع الوقت ويروح
لا قضى شغلي ولانيب مرتاح=متعب نفسي على غير مصلوح
لكن الدنيا تبي صبر وكفاح=والبشر كل بدنياه مشفوح
والقدر يومي بي اوماي ملواح=والخطر في درب الآمال مطروح
بين الافراح السعيده والأتراح=كل بحر شارب منه قرطوح
أمسي ونومي كوابيس وأشباح=وأصبح وعندي تفاكير وطموح
وأن خذت بي بعض الأفكار مشواح=ودي أزرع لرض وابني بها صروح
وأعبر الغبه على ذات الألواح=لين ترسي بي على جال مسفوح
في رجا اللي بأمره الهم ينزاح=اللي أنجا موسى ويونس ونوح
بيده الأرزاق وآجال الأرواح= فالقاً حب النوى خالق الروح
ما معي لأبواب الأرزاق مفتاح=عند ربي باب الأرزاق مفتوح
والقناعه راس مالي والأرباح=راضي باللي كتب لي على اللوح
لو هوى نفسي مساري ومسراح=سجة فيها شفا كل مجروح
لا جذبني رايح بارقه لاح=قام يلفح بي من الشوق لافوح
وأتبع وسوم الحياء وين ما طاح=وأتغزل في هوى كل مملوح
طير ياللي فوق الأغصان نواح=أطرب وغرّد على سدرة الدوح
يا هنيك يوم لك ريش وجناح=والا أنا لا ضقت مدري وين اروح
عبدالله المشعلي

فلاح آل راكان
08-02-2010, 02:11 AM
طير ياللي فوق الأغصـان نـواح = أطرب وغرّد على سـدرة الـدوح

يا هنيك يوم لـك ريـش وجنـاح = والا أنا لا ضقت مدري وين اروح


الله الله ..

صح الله السانك يا عبد الله مدد بلا عدد ..

جزل يا القرم ..

وسجججل متااااااااااااااااااااااابع ..

غشام ال مهدي
08-02-2010, 11:42 AM
صح لسانك وافى من رجال وفين0


مع تمنياتي لكم بالتوفيق

مشاري بن نملان الحبابي
12-02-2010, 12:35 AM
أرحب يا المشعلي ..

صح الله لسانك يا ذيبان ..

لاهنت على هذه الجزالة ..

محمد بن مسفر بن جليد
04-03-2010, 04:46 AM
بيض الله يا عبدا لله والله ليحر منا من جديداك

مبارك ين مسفر الفهري
04-03-2010, 03:36 PM
الاخ عبدالله دائما مبدع