فلاح آل راكان
03-02-2010, 09:38 PM
بسم الله الرحمن الرحيم ..
السلام عليكم ورحمة الله وبركاته..
أقدم لكم قصيدة الشاعر : مبارك بن عيينان..
( خزنة الظفر )
يالله ياضامـن حقـوق المخاليـق =ياربنا اللي قدم وجهـك سجدنـا
اليا ذكرنا اسمك على نزعة الضيـق = نؤمن بأنّـا لـك عبيـد وعبدنـا
وانت اللذي في غرّة العبد وتويـق = وعن مانهتنا طاعتك عنـه حدنـا
واليا فتحت قفول هجس(ن) مغاليق = ابك ابتدينا في الشعـر واجتهدنـا
في الجو تحليقه وفي القـاع تنسيـق = وعليك ياصـم البيـوت انجردنـا
واللي تغيب شوي وشوي وتفيـق = أفكار ولأفكـار عـادت وعدنـا
والمدح تزهابـه وجيـه المطاليـق -= هواجر(ن) بالمـدح والعـز جدنـا
نسل قحطان المجد ماهيـب تلفيـق = بالدم واعلـوم الرجـال اتّحدنـا
متعّبين أهـل الطلـب والملاحيـق = ومبشّرين أهل السعد فـي سعدنـا
واليا ركبنا فوق صفر(ن) لواحيـق = مانعفّت أرقاب الصفـر لاوردنـا
مفرّقّين جمـوع الأضـداد تفريـق = والموت ماانقص بالمراجـل عددنـا
ويامن بنا اللي لايبس عنده الريـق -= عنّه وعن حرش العراقيـب ذدنـا
نرقا ونرقابـه بـروس الشواهيـق = بأوّل جهدنا ليـن آخـر جهدنـا
خزنة ظفر فينا الكرم كنّـه طويـق = ومعنّزين(ن) فـي القبايـل ولدنـا
يفرق عن أخوانه من أبـوه ويليـق = وتشوفنا في أطبوع طيبـه وجدنـا
وموثّقين القـول بالفعـل توثيـق -= واليـا وعدنـا مانغيّـر وعـدنـا
ولانبـدّل فـي عهـود المواثيـق = ألاّ ان حنّا من علـى الارض بدنـا
وحنّا لنجمك يالمراجل عشاشيـق = وأن زاد راعي الطيب فالطيب زدنا
واليا طرق باب المعونـه طواريـق = أنمد من ينصـا ويطلـب مددنـا
وانجود بالماجود ونشيـل ونطيـق = ولاننثنـي عـن راينـا لاعقدنـا
ولا ندقّـق فـي كـلام المطافيـق = ولانخيّـب هقـوة اللـي قصدنـا
ولانـدّرق ولانحـب الـدراريـق = ومن المواقف في الزمـان استفدنـا
ولانشلّق عرض الأجـواد تشليـق = وعن الهروج الموجعـات ابتعدنـا
واليا لعبت بنت الفكر في المعاليـق = المستمع ينصت ليـا مـن قصدنـا
فالموهبه في الشعر ماهـي لصاميـق = بيت القصيـده ترتفع بـه عمدنـا
وان أوسقوه من السوارق سواريق = عليه بصمتنا من أقصـا ليـا أدنـا
في الشعر مانكتب بيوت التلافيـق = يثبّـت بيوتـه وحرفـه وتـدنـا
واليا كسا روض القصيد الزماليـق = نقطف زماليقه ولا احد(ن) نقدنـا
من الثقه نرقـا علـوّ الشواهيـق = والفضل للي قدم وجهـه سجدنـا
..تحيــــــــــــاتــــــــــي ..
السلام عليكم ورحمة الله وبركاته..
أقدم لكم قصيدة الشاعر : مبارك بن عيينان..
( خزنة الظفر )
يالله ياضامـن حقـوق المخاليـق =ياربنا اللي قدم وجهـك سجدنـا
اليا ذكرنا اسمك على نزعة الضيـق = نؤمن بأنّـا لـك عبيـد وعبدنـا
وانت اللذي في غرّة العبد وتويـق = وعن مانهتنا طاعتك عنـه حدنـا
واليا فتحت قفول هجس(ن) مغاليق = ابك ابتدينا في الشعـر واجتهدنـا
في الجو تحليقه وفي القـاع تنسيـق = وعليك ياصـم البيـوت انجردنـا
واللي تغيب شوي وشوي وتفيـق = أفكار ولأفكـار عـادت وعدنـا
والمدح تزهابـه وجيـه المطاليـق -= هواجر(ن) بالمـدح والعـز جدنـا
نسل قحطان المجد ماهيـب تلفيـق = بالدم واعلـوم الرجـال اتّحدنـا
متعّبين أهـل الطلـب والملاحيـق = ومبشّرين أهل السعد فـي سعدنـا
واليا ركبنا فوق صفر(ن) لواحيـق = مانعفّت أرقاب الصفـر لاوردنـا
مفرّقّين جمـوع الأضـداد تفريـق = والموت ماانقص بالمراجـل عددنـا
ويامن بنا اللي لايبس عنده الريـق -= عنّه وعن حرش العراقيـب ذدنـا
نرقا ونرقابـه بـروس الشواهيـق = بأوّل جهدنا ليـن آخـر جهدنـا
خزنة ظفر فينا الكرم كنّـه طويـق = ومعنّزين(ن) فـي القبايـل ولدنـا
يفرق عن أخوانه من أبـوه ويليـق = وتشوفنا في أطبوع طيبـه وجدنـا
وموثّقين القـول بالفعـل توثيـق -= واليـا وعدنـا مانغيّـر وعـدنـا
ولانبـدّل فـي عهـود المواثيـق = ألاّ ان حنّا من علـى الارض بدنـا
وحنّا لنجمك يالمراجل عشاشيـق = وأن زاد راعي الطيب فالطيب زدنا
واليا طرق باب المعونـه طواريـق = أنمد من ينصـا ويطلـب مددنـا
وانجود بالماجود ونشيـل ونطيـق = ولاننثنـي عـن راينـا لاعقدنـا
ولا ندقّـق فـي كـلام المطافيـق = ولانخيّـب هقـوة اللـي قصدنـا
ولانـدّرق ولانحـب الـدراريـق = ومن المواقف في الزمـان استفدنـا
ولانشلّق عرض الأجـواد تشليـق = وعن الهروج الموجعـات ابتعدنـا
واليا لعبت بنت الفكر في المعاليـق = المستمع ينصت ليـا مـن قصدنـا
فالموهبه في الشعر ماهـي لصاميـق = بيت القصيـده ترتفع بـه عمدنـا
وان أوسقوه من السوارق سواريق = عليه بصمتنا من أقصـا ليـا أدنـا
في الشعر مانكتب بيوت التلافيـق = يثبّـت بيوتـه وحرفـه وتـدنـا
واليا كسا روض القصيد الزماليـق = نقطف زماليقه ولا احد(ن) نقدنـا
من الثقه نرقـا علـوّ الشواهيـق = والفضل للي قدم وجهـه سجدنـا
..تحيــــــــــــاتــــــــــي ..