ازين ماقيل بالطير

[عبد العزيز الجهني]

الشاعر بدر الحويفي شاعر من الشعراء الكبار اللذين يحسب لهم حساب وله قصائد كثيرة

وهذه القصائد الطريفه مع طيره:ـ




ياطير يوم اشريك مـن حـر مالـي
أبا الشبب منك بطـوارف غنيجـان
جرمك كبير وجوهر القلـب خالـي
جرمك كبير وغشني بـك عجيـان
فرد الطير علية
يا بدر لا جـاء بالمجالـس مجالـي
استر علـى الله يجازيـك بإحسـان
واوصلنى الشعبان واطلـق مجالـي
بأرض بها حروة جـراذي وفيـران
مالـي بشـوف أم الآذان الطوالـي
اللى صغار عيونهـا تقـل حـوذان
وألا الحبـارى مآبهـن لـى مدالـى
يطير قلبـى مـن عيـون الكـروان
مير اترك الموضوع واستر خمالـى
الله يخلـى لـك محمـد وسلـمـان
فرد الحويفـى
اصبر علـى ليمـا تهـب الشمالـي
تقلعك عنـى يـم صنعـا ونجـران
ماللـردى عنـدى مقـام وجلالـى
خسران من يرجى العشاء منه خسران
فيما مضى عنـدي عزيـز وغالـى
واليوم قدرك عندنـا مثـل حجـلان
وفيما مضى وأنته مشـارك عيالـي
اقطع لك الهبرة وهم بـس عظمـان

[بونهار العاصمي]

عزيزي الجهني
السلام عليكم ورحمة الله وبركاته
وفقت الاختيار وصح الله لسان الحويفي
في انتظار مشاركات منك يالغالي .
تحياتي
العاصمي

[هنا قحطان]

الاخ عبد العزيز الجهني المحترم
الشاعر بدر الحويفي الحربي من الشعراء الذين اجادوا في مدح الطير وله قصيده في الطير مستذكرا وقت المقانيص سابقا وقلة تفريع الطير من ندرة الصيد حاليا ويسندها للشاعر سمير بن صليهم الهرشاني والشاعر عايش الجويسري يقول منها الابيات التاليه
لا والله الا راح وقت الصقاره === والبر ما يعجبك لا رحت دوار
البر عج ٍ مدلهمن غباره === والشكوى لله ميته كل الاشجار
ثم يذكر الطير بقوله
من قل تفريعه تصيبه حراره === نقنص ونرجع ما تمغط ولا طار
حبه بقلبي بانى ٍ له عماره === على حجر وفروعها عشرة ادوار
شعبيته عندي تمثل سفاره === لو كان دور الطير مقفي ومنهار
الا اخر القصيده
ورد الشاعر سمير عليه بابيا ت ترحيب ثم اردف الابيات التاليه
من شاعر ٍ قلبه يزيد انحشاره === تواردنه جملة اذكار وافكار
ما عندي الا دلتي والزقاره === وابيات شعر ٍ من عزيزات الاشعار
اهيم في حاره وقلبي بحاره === واردع هواجيسي ولا ابيح الاسرار
قلبي مصد وجاه شي ٍ وداره === وذكرني الماضي وانا غافل ٍ بار
ثم تطرق للطير
ومعنا اشقر ٍ جثل ٍ خفيف ٍ طياره === جثل المناكب لابرق الريش عثار
كأن بعيونه سواة الشراره === مثل الشجاع اللي بضحى الكون مغوار
ثم بدا الشاعر سمير بنصح الحويفي باطلاق سبق الطير حيث ان الوقت قد تغير
اطلق سبوقه ولا تجود اوساره === خله يروح يبدل الدار بديار
فقده ولا شوفه ربيط ٍ احساره === مشيع ٍ له فوق وكر ٍ ومسمار

ودمتم

[عبد العزيز الجهني]

هنا قحطان


طيبه مشاركاتك وهذا من عوايدك يامال الطيب

ومشاركتك للامانه ازين من طرحي اللي ادليتبه

تحياتي لك ولجهدك المبذول ويانا بالمنتدى .



اما (( بو نهار العاصمي )) فلكل رجل من اسمه نصيب فماذا انا قائل

عن العاصمي فيكفيه اسمه.


تسلموووون جميعاًً ولا يسلم ردي العزايم.