المساعد الشخصي الرقمي

مشاهدة النسخة كاملة : دنيا دنيه


محمد مفاح بن حربوش
24-01-2010, 08:43 PM
اهدي لكم هذه القصيده على ارجو ان تحوز على رضاكم

دنيا دنيه نفس كلن بغاها::: تلحق ورا منهو برجله وطاها

اليا ظحكت لي اتتقى بربي::: من خوف لانفسي يجيها نباها

واليا عطتني ماومنت العطيه:::كم ليلتن تعطي وتاخذ عطاها

كم بيت عامر هدمته الليالي:::ما ينعرف وش طيبها من رداها

وكم طيحت شغموم من فوق لا تحت:::وكم رفعت خايب لعالي سماها

وكم افقرت رجلن غنين وتاجر:::وكم اغنت اللي مفلسن من غناها

وكم طيحت رجلن عزومه قويه:::مايخطي الرميه ليا من رماها

وكم فرقت اقوام من بعد جمعه:::كنهم كما ثلومن صعيبن دواها

وكم ديرتن من اول الوقت حيه:::واليوم جدرانن قليلن ذراها

قلته وانا قد ذقت مرن وحنظل:::ولا بيومن ذوقتني حلاها

صغير سن وقدا غزا راسي الشيب:::من الفقر والدين نفسي تحداها

شكواي لله هو عليمن بحالي:::هو عالمن بالنفس واعظم خطاها

وهو رازق العبد الفقير الضعيف::: ولا خلق نفسن بيوم ونساها

رزقي على اللي نفسي بوسط يده:::غير الدعا والنفس ياوش جداها

المال كم يرفع نفوسن ذليله::: والفقر كم نزل نفوس بخناها

فقير لكن عزت النفس فيني:::وكرامتي مرفوعتن من وطاها

اموت مامديت يدي لواحد :::الا لرب الكون اكثر دعاها

اعز نفسي عن تمنن رياجيل:::راحو الا اشتدت وجو برخاها

الايام تشخل كل ربعن تخاوو:::والمرجله تصعب على من مشاها

يبين الطيب بوقت الشدايد:::ولا الردي ينحاش لاجا وزاها

والحمد لله لي رفاقه صناديد:::رجال لا وقفت يبين وفاها

واحدهم ليا احتجت وقف بجنبي::: يوم الربع تنسى علوم اصدقاها
سلامتكم

نايف بن جليد
24-01-2010, 08:48 PM
فقير لكن عزت النفس فيني:::وكرامتي مرفوعتن من وطاها

----------------------

راااائعه جدآ

صح الله لسانك يالغالي

نص مليء بالجماااال والشاعريه

دمت نصآ جليآ

فلاح آل راكان
30-01-2010, 01:23 AM
صح الله السانك يا القرم مدد بلا عدد ..

ملاحظه نفداك ..

اذا بغيت تنسق القصيده وتكون ارتب من كذا ادخل على المحرر الكامل

وحط بين كل شطر علامة ( = ) وبعدين ضلل النص ورح لتنسيق القصيده تحصله في المحرر فوق واتبع التعليمات..

تقبل مروري نفداك وتعليقي بصدر رحب ..

دمت لمحبك يا القرم ..:)

عمر محمد
31-01-2010, 08:47 AM
صح لسانك واعتلا شانك

لاهنت

ابن عياف
31-01-2010, 09:13 AM
كم بيت عامر هدمته الليالي:::ما ينعرف وش طيبها من رداها

قمة في الروعه

وكثير من الحكم الواقعه والملموسه

وفقك الله

ايه المبدع