ابن مسرع
17-09-2005, 07:27 PM
امس الضحى عديت راس الطويله=واونست في كبدي سموم الحيايا
من واهجا في الصدر مثل المليله=صالي صلى عوج الضلوع الحنايا
ازريت اطيق الصبر ويش الوسيله=والقلب كن يصلاه حامي الصلايا
من وقتنا اللي ماعرفنا سبيله= والله درى وش مقبلات الخفايا
عز الله اني شفت عدله وميله=عدله على ناساً وميله نحايا
خلا ردي الساس يسوى قبيله=والطيبين جنود وسط السرايا
تلقاه في النوبه صباح ومقيله=ويديرهم (ــــ؟؟؟؟ــــــ)خبيث السجايا
عزالله ان ذا الوقت طوع لصيله =وخلا الحصيني مثل ذيب القرايا
تفاً على ذيك الوجيه الذليله=اللي من الشيمه خفاف وعرايا
سود القلوب اهل الكبود الغليله=نقاله الهرجه كبار الحكايا
وكلا على ماقيل يتبع خليله=وانا ما اخاوي من علومه دنايا
فيالله يامعطي العطايا الجزيله=ياواهب الوهبه كريم العطايا
ياللي خلقت الكون في كم ليله=انك تغفر ذنوبنا والخطايا
وانك تعز اهل العلوم الجليله=اللي على الجزله تسوق المطايا
ياحيف مايستاهلون الهزيله=روؤس الرجال مباعدين الهقايا
وختامها صلو على خير جيله=محمد الخاتم شفيع البرايا
من واهجا في الصدر مثل المليله=صالي صلى عوج الضلوع الحنايا
ازريت اطيق الصبر ويش الوسيله=والقلب كن يصلاه حامي الصلايا
من وقتنا اللي ماعرفنا سبيله= والله درى وش مقبلات الخفايا
عز الله اني شفت عدله وميله=عدله على ناساً وميله نحايا
خلا ردي الساس يسوى قبيله=والطيبين جنود وسط السرايا
تلقاه في النوبه صباح ومقيله=ويديرهم (ــــ؟؟؟؟ــــــ)خبيث السجايا
عزالله ان ذا الوقت طوع لصيله =وخلا الحصيني مثل ذيب القرايا
تفاً على ذيك الوجيه الذليله=اللي من الشيمه خفاف وعرايا
سود القلوب اهل الكبود الغليله=نقاله الهرجه كبار الحكايا
وكلا على ماقيل يتبع خليله=وانا ما اخاوي من علومه دنايا
فيالله يامعطي العطايا الجزيله=ياواهب الوهبه كريم العطايا
ياللي خلقت الكون في كم ليله=انك تغفر ذنوبنا والخطايا
وانك تعز اهل العلوم الجليله=اللي على الجزله تسوق المطايا
ياحيف مايستاهلون الهزيله=روؤس الرجال مباعدين الهقايا
وختامها صلو على خير جيله=محمد الخاتم شفيع البرايا