المساعد الشخصي الرقمي

مشاهدة النسخة كاملة : قصايد من اشعاري


ابو راشــد
16-01-2010, 11:46 PM
هذي القصايد المتواضعه اتمنى تعجبكم

(قلبي نساااااك)


يابعيد عن عيوني لي قريب .. يالحبيب اللي سكن قلبي هواك

بنشدك هو لازم الشمس تغيب .. وتذبل الفرحة ويتبخر نداك

هو بعد فرقاك جروحي تطيب .. او جروحي مالها طب سواك

انسني او اعتبرني لك غريب ..نعمت النسيان تنسيني غلاك

خاب ضني يوم ضنيتك حبيب.. واعتبرتك بين خلق الله ملاك

ماحنيت الراس حني الراس عيب.. ماترجيتك ترى قلبي نساك


(جمالك تعلى)

حنا افترقنا من غير جروح واسباب.. ذكراك بداخلي نار تصلى

وحن احترمنا كل مابين الاحباب.. ما واحد (ن) منا صد وتغلى

عزاة ياحب (ن) دفناه وانساب.. بين الضلوع وفوق قلبي تعلى

لك وحشة (ن) يعلم بها رب الارباب ..ولك بسمة (ن) من شافها ماتغلى

اكذب عليك ولو تغليت كذاب.. واخفي هواك ولي جمالك تعلى


(احزان المساء)

من دموع الحزن سطرت القصيد .. من هموم القلب من نار الحشاء

في ليالي (ن) مالها فرح اكيد ..يعلم الله كل ما بان وخفــــــاء

لي عيون (ن) دمعها دايم مديد ..ولي خفوق(ن) صاح من همه شكاء

مع غروب الشمس لي هم (ن) جديد.. وفرحة ايامي يغشاها العناء

لو يكون الصبر من صنع الحديد ..والفرح اقوى من اشواك الشقاء

كان ذاب الصبر في معنى القصيد ..والفرح اصبح من احزان المساء

احب اذكر اني لقيت القصيده الاولى في اكثر من منتدي باسماء اعضاء رجال وبنات كلن ينسبها لنفسه والبعض مسوي شاعر ومعدل في القصيده
وسلامتكم

فهد العلياني
17-01-2010, 01:05 AM
صح لسسسسانك


قصايد رائعه وجميله


تحياتي لك

عبدالله فراج العلياني
17-01-2010, 01:16 AM
الله الله تعبير شاعر من مشاعر جياشه سلمت ودمت

ابو راشــد
17-01-2010, 01:29 AM
صح لسسسسانك


قصايد رائعه وجميله


تحياتي لك


صح بدنك وااسعدني مرورك

ابو راشــد
17-01-2010, 01:30 AM
الله الله تعبير شاعر من مشاعر جياشه سلمت ودمت


ابو فراج اسعدني مرورك