في كل ديره حقّها من رجالها ( أرجوا من المسؤولين في المنتدى الدخول هنااا )

[صبي بللحمر]

القصيده تعبّر عن نفسهاا والحيثيات ستأتي متى ما أردتم إنصااف ضيفكم ( وأنا متأكد من ذلك ) .
طبعا القصيده بدع ورد وهي قصيدة عرضه :


البدع //
يا داعية قحطاان في منتدى قحطاان
ما ظنّتي ترضون زلّه على الضيفااان
ما جيت أدوِّر لا مدايح ولا تشجيع
جينا على بيض النقاء نشتري ونبــــيع
نبني مثايل ونتعرّف على القروم
وإللي يوفّيني فأنا خيرة القسوم
الشعر له باب وجواب وبُعُد رمياات
والله سبحاانه درى وإش في النيّات
الضيف يِعطى واجبه والغلط ممنوع
كُلّن معه لابه وعزوه حِمى ودروع
أنتم وحِنْ ونعم ومقدارنا عند الله
وفي كل ديره حقهااا من رجااالها

الــــــــــــــــــــــــــــــــــرد //

يالله لا ِتلِحق بنا الجور والقحطاان
حااضر بحااضر , كُل سابق وماضي فان
راحت سنين الجوع يامن يفتش جيع
والعدّ بعد إنّه نشف سار فيه نبيع
ماعاد نسمع صوت مدفع وطلق روم
وماعاد به شِرْكه ولا عاد به قسوم
اخواان لو كُنّا ملايين وألا مياات
ياللي كليت الناجحه وإش في النيّات
أنعام ربي جات من كُل شكل ونوع
وإللي يهدِّد ما يجي في التهدّد رُوْع
الضيف يا قحطان وقّف دوال الدلّه
يوم المقهوي قرّب المُرّ جالها

[محمد الحياني]

اخوي الغالي صبي بللحمر



وفقك الله


انا لا أقف هنا محاميا ومدافعاً



فعلىة قول المثل المعنى في بطن الشاعر



من الممكن ان من رد لايقصد ما فكرت فيه فهذا رد على قصيدة




وعفااااااااااااااااااااااااااااك

[سند]

أخي الكريم
صبي باللحمر

لم ارى اي خطأ حصل من أعضاء المنتدى عليك

وإن حصل ذلك فنلتمس العذر لمن بدر منه ذلك

وقحطان وباللحمر أخوان وعلى الدين أعوان

وسند يعتذر لك أخي الكريم عما حصل ان حصل

ونرحب بك تراحيب الحيا في منتداك ومحلك

وكل مشاركة في هذا المنتدى تعبر عن رأي صاحبها فقط

وبالعاده على الشبكة يؤخذ السمين والهزيله لهلها

وتقبل سلامي وتقديري

[محمد الحياني]

مشكووووووووووور



اخوي سند على الايضاح


يكفي انك سند جعلك سالم

[خولان بن عامر]

اررررحب ياصبي بللحمر

والله وستين نعم بك وبربعك وغالي من غاليين وهلابك بين اخوانك وانت تعتبر راعي محل

ولا يتجب في هذا المكان الاالسوالف والقصيد والمراد ولاناسه والبسط وطرح المواضيع الهادفه

والتعارف بين النشامى وغير ذلك لايجب ومثل ماقال الاخ العزيز سند الجميع اخوان وكلها مزوح تجي وتروح

والله يحييك بين احبابك واصحابك واخوانك

على كلن استلم الرد وانس اللي فات




البدع=
انيابة عن لابة مجدها معروف =
للضيف ماتحسب خسارة ولا مصروف=
هل عزوة بين العرب فعلها ما ضاع=
يفرح بها اللي من زمانه عليه اوجاع=
يشهد لها التاريخ من عهد هود وعاد=
اصل العرب قحطان من ماضية الاجداد=
ماتزعل الضيفان والضيف تعطي واجبه=
وان زعل تعطيه الرضاء لين يضحك حاجبه=
المدح في قحطان يتعْب شعاعيرٍ كثير=
وكل القبايل وافيه كم شجاع وكم بصير=
هاذي حقيقه والحقيقه سنعها ماشي=
قحطان كلن عارف مجدها وابطالها=


الرد=

يالاحمري كلن يبا يكسب المعروف=
لاتنصّرف لشفت لك واحد مصروف=
من يلعب الدحداح مايلعب الضع ضاع=
والذيب يعرف صيدته ياولد لجاع=
لا يارجال الحجر ياهل الوفاء ويش عاد=
ياهل القلوب البيض مثل الثياب اجداد=
ان كان عندك علم ثاني يابن للحمر جبه=
والحق مثل النور واضح ولا حدن حاجبه=
واللي جهل يقرا السّير في كتاب ابن كثير=
هني من فكره نظيفٍ وله عقلٍ بصير=
لونحسب الدنيا ونحسب كلامًٍ ماشي=
تبطي الليالي والعرب موتها ما ابطالها=

[عاطف الهرمس]

بيض الله وجهك ياخولان

ماشالله عليك على جميع القنوات

الله لايضرك

[ذيب العبيدي]

اخي صبي باللحمر


ماقصروا الربع وضحو لك المقصود

والقلوب صافيه يابعدي



اما الرائع خولان ابن عامر


فقد كفى ووفى وبيض الله وجهه



تحياتي لك


العبيدي

[صبي بللحمر]

الأخوااان :

فتى الجوه


سند

عاطف الهرمس


ذيب العبيدي لاهنتم على المرور يالقروم .
ويعلم الله ما كتبت القصيده السابقه من فرااغ لا والله لكن .
نزولا عند رغبتكم فجعل الأمور فدى رجولكم وما تعنّيت وجيت لمنتدى قحطاان وعاتبت إلا من غلاتكم ومكانتك يا قحطان في قلبي وللعلم إن أكثر رفاقتي وأخوياي من هذه القبيله العريقه .
وإللي اعتز بمعرفة شيبانهم وشبابهم يعلم الله .

أما بالنسبه لك اخوي الشاعر خولان بن عامر فصح لسانك ولاهنت يالغالي .
وبالنسبه لرسالتك لم استطع قرائتها إلا بعد إكمالي للنصاب المطلوب من المشاركات وهي 30 رساله وحوالت ارد عليك على الخاص إلا وأنت قد رديت هنا

فالله لا يهينك يالقرم وأبشر بالسفر يا خولااان ولو تطلبني ويطلبوني الأخوان في أكبر من ذي ما قلت إلا تمّ .

وعلى خشمي ننسى إللي فات وقد اعلمتكم من البدايه إن الشاعر لا يعبر عن مافي الخااطر .
لكن الكلام إللي خااارج القصيد هو إللي يسبب الزعل والله لا يجيب الزعل مع مثلكم وشرواااكم .

وتقبلوا تحياتي وتقدير أخوكم والمحب لقبيلة قحطان .

سعيد الأحمري ( صبي بللحمر )