المساعد الشخصي الرقمي

مشاهدة النسخة كاملة : لا سلم بن هادي فلاكن حدٍ مـات||قصيدة المشعلي في (الخبت)

ابوناصر العاطفي
14-01-2010, 08:58 AM
هذه القصيده الشاعر جفين بن رويشد المشعلي هذه في الشيخ خليل بن ناصر بن عمر بن قرمله شيخ قحطان ( رحمه الله)
بعد رجوع الاخوان من حرب اليمن (الخبت)عام 1351 هـ ثم مرورهم بتهامه وشربهم من غيل ماء اصيبوا بعده باوبئه فمات اكثرهم ولم يعد الال القليل .
فقال الشاعر جفين المشعلي هذه القصيده في الامير خليل بن ناصر بن عمر يهنئه بالسلامه ويصف ما حصل:



يالله ياللي تبعـث الحـي لامـات
يا كاتـب رزق الفتـى باليسيـري

يا كاتب بآيـات عمـى علامـات
ومقيـد ديـن النبـي بتهجـيـري

افرج لمشحـون جـداه التنهـات
يبرد من الصدر الحشا بالزفيـري

من حر مابه ياخذ الليـل ساعـات
يسهر ودمع العين يحفي النظيـري

يبكي بني عـم مصاطيـر ورمـاة
ماتوا ورا الطور الخضر والعسيري

راحوا لهم بالحرب ملكن ورايـات
لا شـك دورات الليالـي تديـري

ركبوا على اللي تقطع الخد عجلات
شهب الغوارب من بنات البعيـري

جتنـا رحايلهـم عـرون معـرات
ردايد عقـب الشحـم والهديـري

جتنا رحايلهم مصاخيـن واشتـات
افوات ما جا في نحرهـم بشيـري

خلوا وراهم من هل المدح غـلات
لامن غدا البارود مثـل الغثيـري

والموت حق ولا عن الحق صـدات
لو طال حبل الروح فلها مصيـري

هذي ركابه كـل يـوم مشيحـات
والاقدار ما للحي منهـا مطيـري

لا سلم بن هادي فلاكن حدٍ مـات
عسى الوجـود يعمـره بتعميـري

خليل في راسه من الزود ميـلات
ورثن لبوه الزود مالـه خشيـري

خليل لاما جو هـل الخيـل كـدات
ثم سل سيفه ماج عنـه الجفيـري

لا سل سيفه راحت الخيل عجـلات
يرمي العشا للطير رفض المطيري

خيال حرد لا غدا الشوف شوفـات
من بين عجلات الرمك والعثيـري

جزل الصحون من المواحيل نديات
ضاري على ذبح الغنم والفطيـري

غيث الارامـل واليتامـا المقـلات
وسعد الرفيق ومسنـدٍ للقصيـري

يعطي الاصايل دون ربعه مـدارات
ويدرا على هيبات عـزه بصيـري

ماقلت في مدحه على شان ابي ذات
اشهد بخبري والله اللـي خبيـري

حتيش لو زعلوا قـلال المـروات
ما تنطح الثمدان مـوجٍ غزيـري

ما تنطح الثمـدان بحـر الظلمـات
ولا يستوي موج البحر والحفيـري


وقد توفي في الخبت ثلاثة من اخوان الامير خليل ابن عمر والرابع ابن اخوه حمود:
الشيخ خالد بن ناصر بن عمر بن هادي بن قرمله
الشيخ عبدالله بن ناصر بن عمر بن هادي بن قرمله
الشيخ عمر بن ناصر بن عمر بن هادي بن قرمله
الشيخ ناصر بن حمود بن ناصر بن عمر بن هادي بن قرمله
الظور
28-01-2010, 09:15 PM
ارحب يابو ناصر العاطفي



ابيض وجه على القصه الجميله وقحطان هل علم علاء دايم

اود ان اوضح اكثر عن موقع الخبت

هو خبت البقر شمال شرق جيزان وقد غزوها الاخوان اربع غزوات متتاليه كانت وتسمى حروب الريث

لاهنت وجمل حالك
نايف بن جليد
28-01-2010, 09:24 PM
بيض الله وجهك يالعاطفي ع القصيدة الجزله

راااائعه جدآ يالغالي

دمت بود
مرعي بن دواس الحبابي
29-01-2010, 10:02 PM
الاخ ابو ناصر

بيض الله وجهك على القصه والقصيده
والله يرحمهم جميع

تقبل تحياتي
سعد الشواطي
29-01-2010, 10:45 PM
مرحبا مليون يا العاطفي ..

بيض الله وجهك على القصه والقصيده

والله يرحمهم جميع...

تحياتي لك
محمد ال عيانان الخنفري
30-01-2010, 12:47 AM
بيض الله وجهك يا العاطفي
محمدبن عبدالله
03-02-2010, 09:08 PM
لاهنت ورحمهم الله جميعا
مشاري بن نملان الحبابي
03-02-2010, 09:10 PM
بيّض الله وجهك يا بو ناصر ..

ونسأل الله أن يرحم الجميع برحمته ..
عبدالله فراج العلياني
15-02-2010, 10:31 AM
ارحب ولله يابو ناصر العاطفي

عندي خبر إنك من الروات الثقاة ونتطلع منك المزيد

شكرا وباركالله فيك وتقبل مروري
سعد علي العاطفي
10-03-2010, 05:44 PM
مشكووووووووووووووووووووور وما قصرت