المساعد الشخصي الرقمي

مشاهدة النسخة كاملة : أبايعك باسمي وباسم القحاطين للشاعر سيف بن سعيد


ابن جزاع
16-09-2005, 04:39 PM
الشاعر سيف بن سعيد الجروي شاعر يصوغ اعذب الكلمات لتصل الى قلب مستمعها ومنشدها
شاعر يزن ببيت من قصيده بالف قصيد
ضهر فى مجلس الملك عبد الله ليبايع اصالة عن نفسه ونيابةعن قبيلة قحطان باعذب الكلمات الحماسية
فابهج قلب الملك ومن حواليه
واثلج قلوب الاف من ابناء قبيلة قحطان
لايسعنى الا ان اقول لبو سعيد بيض الله وجهك ياابو سعيد
واكثر الله من امثالك من بنى عمومتنا ليضهرو مزيد الفخر لقبيلة قحطان

يقول الشاعر
[/align]
يا خادم البيتين فخر المسلمين=رمز الشجاعة والكرم والحميّه
أبايعك باسمي وباسم القحاطين =على كتاب الله وسنة نبيّه
صاحب مواثيق وصاحب قوانين=واكبر فخر للعزوه الفيصليّه
بالعدل تخضع لك رقاب السلاطين=وبالحب غذيت النفوس الزكيّه
حاكم وابن حاكم وخادم حرمين=أفضل لقب ما بين الألقاب زيّه
وانت الزعيم اللي تصد المعادين=يا ويل من يخطي عليك بخطيّه
مكارمك رحمه وغيظك براكين=وعلمك بحر وسياستك عالميّه
ياما صرفت من الذهب والملايين=توزيعها بين البشر بالسويّه
جودك يغطي الاغنيا والمساكين=والاتقياء عندك الأولويّه
وانته عدو الفقر ومعمر الدين=ومعمر الدوله بيمني سخيّه
وانته عدو الضالين المضلين=ونفسك على لطم المعادي جريّه
ومبادرتك اللي لصالح فلسطين=كل العرب قالوا لها الافضليّه
وفي شهر سته عام سته وعشرين=أهديت للشعب السعودي هديّه
أعطيتهم عهداً يسر المحبين=وتقول لا ظلم ولا عنجهيّه
ودستورك القرآن عدل الموازين=ومنهاجك الإسلام والنار حيّه
اولى عهدك غيث كل المقلين=سلطان أبو خالد جزيل العطيّه
سلطان لا منه غدا العلم علمين=باسلوبه الرايع يحل القضيّه
بالجود والاقدام والمنطق الزين=والفكر والتوجيه والمعنويّه
سلطان معروفٍ على العسر واللين=قصر الحنان ومركز العاطفيّه
نفحات جوده لامطرت بين وقتين=تصبح بها النفس الفقيره غنيّه
ودليلها لامن غدا الليل ليلين=وزيزومها لا جات نار وشظيّه
وصلاة ربي عد ما في الدواوين=على شفيع الخلق سيد البريّه

ابن سابره
16-09-2005, 04:44 PM
لا هنت يابن جزاااع
وصح لسااا الشااعر

دندن
مصيرها تروق وتحلى

محمد الحياني
17-09-2005, 10:41 AM
صحت يمناك ياابن جزاع وفقك ربي



وصح لسان الشاعر اللي ينومس فخر واعتزاز

ابن شرعا
24-09-2005, 11:06 AM
ياخواني وين القاها فيديو صوت وصورة هالقصيدة
ياليت تفيدونا جزاكم الله خير

سعد بن شفلوت
02-10-2005, 01:18 AM
عزالله انه ماقصر ماعليك من الكلام



سعد بن شفلوت

ولـد ام القبـايل
02-10-2005, 03:44 AM
صـــــــــــح لســـــــــــــــانــــــــــ ابـــــــو سعيـــــــــــــد ونا خـــــــــــو سعيــــــــــد صح لسانه من كل قلبي وبيض

الله وجهه ووجهك يالسنـــــــــايدي.

ولــ ام القبـايل ــد