المساعد الشخصي الرقمي

مشاهدة النسخة كاملة : شفتكـ بعد غيبه..حمد البريدي ..........


منيف العاطفي
06-01-2010, 01:52 PM
شفتك بعد غيبه .. وحاولت احاكيـك




مهوب من قلبي ولا مـن جراتـه !!





بغيت اقول / فلان وازريـت اناديـك




وكني سمعت اسمـي معـا لالتفاتـه





فزيت من نومي وانا اقـول لبيييـك




وآثرك رويا .. فـي منامـي وجاتـه





صفقت كف .. وقلت يا حلم يشوويك




جددت لي جرح ٍ هنـى فـي مباتـه




يا اللي شريت البعد .. ما غاب طاريك




حتى لو ان البعد .. سـوى سواتـه





مهوب محزني .. على حاجـةٍ فيـك




إلا إن قلبي شايـف ٍ بـك غناتـه !!




كن الطيوف تقـول وشحـال غاليـك




وآقول راح .. وما بقـى الا غلاتـه





لو ان ما جانـي مـن الهـم ياتيـك




كان المصلي ما حفـظ وش صلاتـه




مريت شارعكم .. وصادفنـي أخيـك




واللي قطع كبدي .. حلاتـك حلاتـه





بغيت الخبط من دعايـاه ,, وادعيـك




واسمك وقف بين اللسان ولهاتـه !!




وبغيت اجيب العيد وآقول : يرضيـك




فاللي وصاتي له .. وضيّـع وصاتـه





البعد شيّـب خافـق ٍ ميـت فيـك !!




والى مشى خطوه عثر فـي عصاتـه




مشكلتي / إن قلبـي يحبـك ويغليـك




ومشكلتك / انك شخص عايش حياته





كثر الجفا .. نار .. وحطبها تغليييـك




خف الحطب .. لا تزيد نار الشماتـه




إن ما احزنك جرح ٍ برجـواه يدعيـك




ما عاد تفرق .. عيشته مـن مماتـه





قلبي وعمري .. كلهـا بيـن اياديـك




العمر فدوه .. لكن القلـب هاتـه !!




وإن ما بغيت ترد قلبي مـا اوصيـك




احسن عزاه .. الـى دريـت بوفاتـه



http://dc06.arabsh.com/i/00961/1p2inh8w771s.jpg



حمد البريدي المري

ناصر.الخبر
06-01-2010, 02:40 PM
مشكلتي / إن قلبـي يحبـك ويغليـك
ومشكلتك / انك شخص عايش حياته



لاهنت يالعاطفي روعه بارك الله فيك والشاعر حمد جزل صراحه واحب اقراء له كثير لاهنت يالغالي بارك الله فيك

فلاح آل راكان
06-01-2010, 03:49 PM
ارحب يا الهواووي تراحيب الحيا ..

صح الله السانك والسان البريدي مدد بلا عدد ..

اختيار موفق يا القرم ..

تقبل مروري نفداك ..:)

منيف العاطفي
09-01-2010, 06:45 PM
مشكلتي / إن قلبـي يحبـك ويغليـك
ومشكلتك / انك شخص عايش حياته



لاهنت يالعاطفي روعه بارك الله فيك والشاعر حمد جزل صراحه واحب اقراء له كثير لاهنت يالغالي بارك الله فيك

مرحبا ومسهلا

ناصر منور يالغالي مشكور على المرور المميز


تحياااااتي

منيف العاطفي
09-01-2010, 06:51 PM
ارحب يا الهواووي تراحيب الحيا ..

صح الله السانك والسان البريدي مدد بلا عدد ..

اختيار موفق يا القرم ..

تقبل مروري نفداك ..:)


مرحبا ومسهلا فلاح

تبيقا صح بدنك ماعليك زود


مشكور على المرور المميز


تحياااااتي