إحدى روائع حمد بن هادي المسردي رحمه الله

[سند]

يالجّ قلبي لجّ سرب من الميراج = لا صدّر الأوامر قايده وأعلن الغاره
مع الفجر الأول عاد ضوح السفر ماأنباج = تحرّك وأعداده ثلاثين طيّاره
وياوالّله اللي غلّق الصبر مايحتاج = ولوكان عيني بأول الوقت صبّاره
هواجيس قلبي بالدقيقه تجيه أفواج = وعيني شقاويه والأفكار محتاره
تخالف همومي مثل ماتختلف الأمواج = على شاطئ(ن)مابين فرصه وعبّاره
توارد وترد القلب من كل فجّ وفاج = وتقبل عليّ أمواج مع ريح صرصاره
ليا اشتد صلف النّو والبحر هاج وفاج = تسوقه على الشاطئ عواصيف جبّاره
غريب(ن)ومشتاق(ن)وشفق(ن)على المنهاج = وسود الليالي تخلف الظن غدّاره
وجودي على شوف المحبّين يافرّاج = وجود الكسير اللي دنو منه بجباره

[فارس قحطان]

السلام عليكم ورحمة الله وبركاته

لاهنت اخوي سند على هذه الرائعه
للشاعر حمد هادي المسردي رحمه الله

وتم نقل موضوع الى مجلس الشعر وسوالف الأولين

[ابن عاصم]

انشهد ان به شاعررررررررررررررر

الله يرحمه ويسكنه الجنه وجميع اموات المسلمين

لاهنت ياسند