المساعد الشخصي الرقمي

مشاهدة النسخة كاملة : صبر الصفا وحرورة وافيه وعلبة آل رشيد شهران


سند
16-09-2005, 12:59 AM
صبر الصفا من عبيده
كان عنده ذود من الإبل ودايما يكون معه بمرافقة ابنته وافيه وفي يوم من الأيام ترك وافيه عند الذود وذهب يقضي له لازم.
في هذه الأثناء مرّ على البنت اثني عشر رجل من آل رشيد شهران وجلسوا يسولفون مع البنت وينشدونها وأمنوا ان ماحولهم أحد فقالوا للبنت سوقي البل!!!!
يالربع تكفون ايش تبغون بياجي بوي ذلحين ماهي بها يالربع .
ولكن لافايده
المهم ساقوا الذود والراعية إلى أن وصلوا تهامه (( الدرب)) وهي السوق والمجمع للتهمان وباعو البنت ((عبده*قينه)) وباعوا الإبل على أحد تجار تهامه وبيعت البنت ايضافي ذلك اليوم أكثر من بيعه في الدرب من تاجر لآخر.

رجع صبر الصفا من مشواره ودوّر للبنت ودور للذود ولا عاد همه إلا البنت ولا حصل منها خبر.

قصّ أثر الإبل إلى أن وصل عند ناس ونشدهم وقالوا : إلزمنا انحن شفنا بنت في ساقة قطع من البل ووراها اما اثناعش والا اثناعشر رجال وحدروا منياه لتهامه.

سأل عن الإثناعشر رجال وعرف انهم من آل رشيد ويبغي يتأكد فأرسل له بلحط من البلاحطة اللي يجلسون في مجالس شهران وعطاه من الدراهم والمكاسي على ان يأتيه بالخبر ويتأكد من الرجاجيل الإثناعشر.
ومعروف ان البلحط mbc زمان لأنه يجلس في اي مكان حتى مجالس الحريم ولا حد يسأل عنه.

المهم عطا البلحط صبر الصفا الخبر وعلمه بالرجاجيل وثارت ثائرة صبر الصفا.

جمع مجموعة من بني عمه ونزلو لتهامه وسوقوا سوق الدرب وشافو البنت وارسل عليها ابوها واحد من الرجال اللي معه على اساس ماتتأثر لوشافت ابوها من أول مره وجلس يكلمها ويسولف معها في السوق وعرفت البنت لغوته وقالت تكفى انت من آل عايذ قال نعم وابوس معنا في السوق وحن جايين ناخذس من ذا المكان.
دخلوا البقية في السوق وقالت البنت انهم قد باعوني على ذاك الرجال وأشارت الى واحد من التهم فراحوا له الرجاجيل وعطوه القصه وقالوا حنا بناخذ بنتنا فلم يعارضهم أبدا فخذوا البنت وراحوا..

لازال هناك حساب للإثناعشر رجال ولكن المشكله في شجرة كبيره من العلب وهي ((( مقيل شهران ))) وكانوا يتفاخرون بها ويجلسون عندها وهي عندهم علم كبير ومن أهم مايملكون في بلاد شهران فهم يظهرون في الشجره ويتابعون الآتي الى بلادهم ويرونه من مكان بعيد دون أن يراهم يعني مثل القصيب اللي في بلاد قحطان تبنى لهذا الغرض.

اجتمع صبر الصفا مع قبيلته( ويذكر ان في هذا الرجل من الدهاء والحكمه الشجاعه والرجوله مايكفي لقبيلة بأسرها) وكان معهم ابن شفلوت وهو أزرقي وقال انا اللي بأمنعكم من العلبه فكلن منهم صاح - بيض الله وجهك بيض الله وجهك لكن كيف بتسوي قال ماعليكم لكن ماني بأمنعها إلا بشرط قالو ابش بعزك والله. ويش شرطك يابن شفلوت قال ابغي انكح فيكم ياقبايل!!!!!!!!

قالو ابشر والله لو تنقطع العلبه ان تنكح في اطيب القبايل قال ابغى قبلا على الكلام هذا وعطوه قبلا شيوخ من قحطان منهم شيخ ضيعت اسمه يوم جوه يقبل قال والله انك لو تقطعها ان اول من يزوجك أنا.

انتهى شرط ابن شفلوت وقال ابغى ثمانية اذناب (( ذنب شاه وألا خروف )) على اساس مايطلع للمنشار صوت اذا قد هو يقطع العلبه.

عطوه أذناب الخرفان وسرى معه مجموعة في الليل وبدو يقطعون العلبه وانتهى آخر ذنب والعلبة على جنبها ورجع ابن شفلوت واللي معه بالبشاير انهم قطعوا علبة شهران (( المقيل )).

شافوا شهران العلبة في الصباح وكان يوم غبر عليهم من جهتين الأوله ان مقيل شهران راح والثانية ان هذا بداية رد صبر الصفا على اللي خذوا ابله وبنته.

تجهز صبر الصفا ومجموعة معه وراحوا لبلاد شهران بعد ما قطعت العلبة بمده وعندما وصلوا المثناه في مكان سمي من ذلك الوقت حتى الآن ب (((((( حرورة وافية )))))) اذا فيه براق ورعود وسيل

جلس صبر الصفا عند نوع من الشجر يسمى الجراع وقام يصيح ويون وفزعوا الفزاعة من شهران وكلما دقل واحد منهم ذبحه صبر الصفا الين اكتمل منهم اثناعشر رجال وقامت الحرورة تحوم قد لون الماء أحمر من دميان الإثناعشر ثم قام على الحرورة وقطعها وراح للي معه يغني ويرقص يذكر انه كان ممن يلبسون العمائم.


نسأل الله سبحانه وتعالى ان يغفر لنا ولهم ويتجاوز عنا وعنهم
انطفأ الظلم في ظل حكومة رشيده نسأل الله ان يديمها ويعزها بكتاب الله وسنة رسوله
اصبح الآن قحطان وشهران إخوان وبني عم وانساب وعواني وكلن يقضي لزومه من الآخر

فالحمد لله على نعمة الإسلام


== سبحانك اللهم وبحمدك اشهد ان لا إله إلا انت استغفرك وأتوب إليك ==

سعد بن سليم
16-09-2005, 03:24 AM
لاهنـت ياسنـد على ايراد هذي القصة المشهورة

والله يديم علينا نعمة الامن

الغايبي
18-09-2005, 01:08 PM
وش دخل الشجرة
لابد من شي يدخل العقل

مروان
18-09-2005, 08:51 PM
وش دخل الشجرة
لابد من شي يدخل العقل


أخوي الغايبي

السلام عليكم والله يسعد مساك

سالفة قطعة شجرة شهران معروفه وسامعها قديم دون المامي بالتفاصيل.
ولا شك تعرف من قديم عدد من القبايل يجتمعون تحت شجرة معمره يتداولون الاشوار في السلم و الحرب
ويكون لها تقدير مثل الرايه في المعركه
وقطعتها لها معنى اذا عرفت ان ال مشيط شيوخ شهران من ال رشيد.

اما بااقي تفاصيل القصه
فلا استطيع التعليق عليها
كذلك لا اعلم ان كان سالفة قطعة الشجره مرتبطه بسالفة غزو شهران او لا.

اخوك مروان

ابو سلمان
09-09-2009, 11:12 AM
:46_asmilies-com: :46_asmilies-com: :46_asmilies-com:

اخي العزيز سند اشكرك على ذكر هذه القصة

وارجو منك توضيح ما يلي فضلا لا أمرا :
1 / هلا ذكرت لنا مصدر القصة ؟
2 / من هو الفارس صبر الصفا ؟

ملاحظة : ارجو من الاخوة الاعضاء الإدلاء بأي معلومة حول الموضوع مهما كانت .

تحياتي للجميع

عايض الفهري ابوبندر
09-09-2009, 12:58 PM
لاهنت


بيض الله وجهك


يعطيك العافيه


تحياتي

الظور
10-09-2009, 04:38 AM
القصه غير كذا

ولو انها مشابهه

وصبر الصفا اسمه سعيد جد ال شفلوت ال جلده

راعي مغدى سعيد ذبح 60 خروف في مجمع لعبيده في الخضره مع تشديد الرا في هضب ال الشواط

يقول الشاعر

هو مايصبرني مصبر سعيدي --------------------- صبر الصفا ماذكر لي مرتن طاح

ساعود واكتب القصه اذا طلبتوا ذلك
عاش في القرن الثالث عشر الهجري

ابو سلمان
12-09-2009, 08:09 PM
القصه غير كذا

ولو انها مشابهه

وصبر الصفا اسمه سعيد جد ال شفلوت ال جلده

راعي مغدى سعيد ذبح 60 خروف في مجمع لعبيده في الخضره مع تشديد الرا في هضب ال الشواط

يقول الشاعر

هو مايصبرني مصبر سعيدي --------------------- صبر الصفا ماذكر لي مرتن طاح

ساعود واكتب القصه اذا طلبتوا ذلك
عاش في القرن الثالث عشر الهجري


اررررحب يا " الظور "

اشكرك على التفاعل مع الموضوع ونأمل منك أن تورد القصة مع القصائد إن استطعت . مع توضيح المصدر .

اخوي العزيز لي ملاحظة بسيطة على ردك فذكرت ان صبر الصفا جد آل شفلوت والصحيح انه جد آل سعيد فخذ من آل جلده بينماآل شفلوت عائلة من عوائل آل سعيد .

تحياتي للجميع

ابن دغيّم
17-09-2009, 06:51 AM
الغايبي سبب قطع الشجره كانوا آل رشيد لا جاء الليل يطلعون الشجره وكل من يمر من تحتها في الليل يصيحون اللي فوقها وهذولا يحسبونهم جن وهذول الاثناعشر هم من ضمن اللي يطلعون فوقها في الليل فا اصبح هذا المكان مملوك بالكامل لآل رشيد ويتحكمون في هذا الطريق وخصوصاً ان اغلب رواده من قبيلة قحطان المجاوره لآل رشيد مثل آل الجحل وآل الشواط وعبيده هذا فقط لسبب قطع الشجره وتقبل مروري

الظور
17-09-2009, 04:53 PM
مالك لوى ياعبدالله بن دغيم

الجن ماتخوف الا صعافيق الرجال خفاف الشمايل ولاتنطلي على الباديه ولوا ابن مشيط يبغى ديره احتلها بخشم البندق بدون حيله لاكن والحق نقول ابن مشيط مامون جانب لجيرانه

الشجره الي قطعها صبر الصفا سدره كبيره يسمونها ( المنيه) مع تشديد اليا تنويه == يعقدون تحت ظلها اجتماعات قبيله ال رشيد وهي تحت حمايه شيخ شهران العريضه ابن مشيط ماتقيل تحتها السوارح ولايحل عليها البدوي ولايقطع منها عود

لاكن قطعها صبر الصفا نكايه لشهران

القصه ليست كما كتبها سند

ابن عيفة الحبابي
18-09-2009, 03:04 AM
ياحى علومك يالظور على هالعلوم ولايهون الاخ سند على الموضوع

ابن دغيّم
18-09-2009, 06:25 AM
انا ما راح اخالف كلامك يا الظور بس انا هالكلام ماجبته من رأسي انا سمعته من شيبان من اشهران انفسهم وللأسف كل ما سألت احد اعرفه من يقول العلم عند الشيبان الأولين اما حن والله ما ندري بس هذا اللي سمعته من شايب من كود والا انا اعرف ان الرجال ما تخاف من الرخوم نفدا خشمك ودمت اخوك
ابن دغيم

ابو سلمان
29-09-2009, 04:44 PM
بسم الله الرحمن الرحيم

كل عام والجميع بخير

وينكم يا عيال الشايب معقوله مافيه أحد عنده قصة هذا الفارس .

تحياتي

الظور
29-09-2009, 07:21 PM
الا والله عندي لاكن لازلت مشغول شوي