المساعد الشخصي الرقمي

مشاهدة النسخة كاملة : هل القصيده لحمد بن هادي المسردي؟


مروان
15-09-2005, 11:39 PM
السلام عليكم و رحمة الله و بركاته

القصيده الاتيه منقوله من احد المنتديات منسوبه لشاعر المسارده الاشهر حمد بن هادي المسردي. ارجوا ممن اطلع على تراث حمد الافاده بصحة النسبه او عدمها، ودمتم بخير.



قامـت الدنيـا تحدانـي تـحـدي=غير أنا با قـوم أعاندهـا عنـادي
وأتحداها ولـو مـا هـي بقـدي=فان مصير الكون والكـل النفـادي
أزمـة ٍ تقبـل وأزمـاتٍ تـعـدي=وكل شي ٍ بيـد خـلاق العبـادي
إنمـا الدنيـا متـاع ٍ والـمـردي=بالثرى والقبر مكفـوف اللحـادي
كل ما قام الزمان يجـور ضـدي=من نشدني كيف حالك قلـت زادي
آتظاهـر للتـحـدي بالتـصـدي= لاجل ما تكثر شماتـات الاعـادي
فإن ما قد كتب لي ما منـه بـدي=والمصير يصير والواقـع وكـادي
لو حاولت بكل جهد وكـل جـدي= ماعن المقسوم رغـم الاجتهـادي
لازم ارضا به ولو ما هـوب ودي=ذلك امر اللـي عليـه الاعتمـادي
لو شكيت ولو بكيت وبـاح سـدي=ما سوى الخالق يحقق لي مـرادي
وان مدحت الحظ وان قلت متردي=كل من لافـاده الله مـا استفـادي
بأجتهـد وآكـد واستمتـع بكـدي=والله يكتب كـل مافيـه السـدادي
لازم أنسى أمس وأعمل لأجل غدي=وهكـذا الدنيـا كفـاح ٍ وجهـادي
والاجل محتـوم وقتـه لا يمـدي=لن اموت إلا إذا حـان المعـادي
دام لي حد ٍ مشيـت اليـن حـدي=والله القـادر ويفعـل مــا ارادي
مهما عديت الليالي السـود عـدي=فالأجل ينقص وهي تبقى جـدادي
كم وكم بقعا تجيـب وكـم تـودي=والمنايـا كـل يـوم تمـدّ ايـادي
ودي أسلك درب أبوي ودرب جدي=وأترك الأنذال وآماشـي العـوادي
يكفي اللي فات من جهل ٍ وصـدي=عن طريق العدل جـد ٍ واعتمـادي
رفقة الطيب كمـا عـود ٍ ونـدي=والزباد وعنبـر ومسـك ٍ وكـادي
ورفقـة الانـذال لابـد ان تـودي=للندم مهما يطـول بهـا التمـادي
هكذا الدنيا بهـا استرخـاًً وشـدي=ما تعاش الا بصبـر ٍ واجتـلادي
دام ما حد ٍ راح لي فيهـا بعـدي=سـوف أقاومهـا وبالله اعتقـادي
والعدو ماني بطالـب منـه مـدي=والصديق أغليه لو كان اقتصـادي
و صح لسان الشاعر كائناً من كان فهي قصيده طيبه

مروان

سند
16-09-2005, 12:04 AM
الأخ مروان بالفعل القصيدة للشاعر حمد هادي المسردي
رحمه الله وأسكنه فسيح جناته

فارس قحطان
16-09-2005, 12:41 AM
السلام عليكم ورحمة الله وبركاته

نعم اخوي مروان
كما قال لك اخي سند
فهذه القصيده للشاعر حمد هادي المسردي رحمه الله

وموجوده في ديوان المسردي

مروان
16-09-2005, 02:19 AM
السلام عليكم ورحمة الله وبركاته

الاخوان سند و فارس قحطان اشكر لكما تجاوبكما.

السؤال هل ديوان حمد مطبوع وموجود في الاسواق؟

اخوكم مروان

ابن سابره
16-09-2005, 03:14 AM
لا هنت علي هالمشاااركه وبيض الله وجهك


بالنسبه للشااعر والله وانا خووك ماااقدر افتيك لا ني مو متاااكد
ولك خاالص تحياااتي


دندن
مصيرهااا ترووق وتحلىىى