المساعد الشخصي الرقمي

مشاهدة النسخة كاملة : رائعة سعد بن جدلان


عبدالله آل عباد
05-01-2010, 01:12 AM
أنا وين ابلقا يالاجاويد فاعل خير

حريصٍ على سر المحبين لرسلته

أمنول لو أصبر عام ما بان بي تأثير

وهالحين حتى صبر يومين ما حتلته

أنا مثل صقار تولع بحب الطير

ولف قلبه أفروخ الصواريم وهبلته

تولعت في فرخٍ قضيبٍ يتل السير

أبي لمحةٍ من نضرة الحر وإسبلته

صغير بسنه غير عندي ما هو بصغير

يا مغلاه في قلبي ويا كبر منزلته

أجمع له أسمان الهرج خوفٍ من التقصير

ولا جيت بشرح له كلامي تهيزلته

يجيني منه هيبة.. معزه.. سحا.. تقدير

أقابله عندي علم وأروح ما قلته

علي بن شبله
05-01-2010, 01:38 AM
صح لسانك ولسانه ولاهنت على النقل الرائع وبيض الله وجهك

وتقبل مروري فديتك

ناصر.الخبر
05-01-2010, 09:00 AM
ابو جابر لبى قلبك صح للسسسان الكبير المخضرم ابن جدلاااان وصح للسسسانك لبى قلبك لاهنت فديتك

سعد الشواطي
05-01-2010, 10:17 AM
يجيني منه هيبة.. معزه.. سحا.. تقدير

أقابله عندي علم وأروح ما قلته


صح لسان بن جدلان ..

شكرا لك يابو جابر على هذا الاختيار ..

تحياتي لك

فلاح آل راكان
05-01-2010, 10:29 AM
ارحب يابو جابر ولاهنت يا الذيب على النقل ..

صح الله السانك والسان سعد بن جدلان ..

تقبل مروري نفداك ..

سفر بن مبارك
05-01-2010, 11:04 AM
أخوي ابو جابر الله يحييك وصح لسانك ولسان الشاعر..............

خادم والديه العبدي
05-01-2010, 02:31 PM
أنا وين ابلقا يالاجاويد فاعل خير

حريصٍ على سر المحبين لرسلته

الله الله

مجنون يا ابن جدلان

الله لا يهينك ويرحم والديك على الابداع في الاختيار

تحياتي000000000اخوك