المساعد الشخصي الرقمي

مشاهدة النسخة كاملة : !!! من كان له عينان فليقرأ !!!


ولـد ام القبـايل
15-09-2005, 01:28 PM
][®][^][®][!!! من كان له عينان فليقرأ !!!][®][^][®][




آل الجحل يا منايا=شبه الذياب السرايا
لاهدلقت عالرعايا=كل(ن)خذاله شليه



|؛¤ّ,¸¸,ّ¤؛|ســلام عليـكم ورحمـة الله وبركاتـه|؛¤ّ,¸¸,ّ¤؛|

انشــد عن كل من يقرى ذا الموضوع ويشحـاله جعلكم في حال طيب ياوجيه اقحطـان ياعصابة راسي يالابة المبتلي.

يقول بن حمري جعلني فداه:


هيضك ياقلبي على الشطات مسموم الخطاب=الي يبي تقصيرة الي مايقصر طولها

ياإداره ويامشرفين ويا اعضاء مساكم الله بكل خير وبقاكم :-

القبايل وانسابها ورجالها ماهيب لعبة.. وجمل الله حال القائمين على ذا المنتدى ما اتعبوا لجل نجي نتسلى بالقبايل وانسابها.

قريت احد المواضيع وكان الكاتب شخص اسمه الرفيدي تكلم عن رفيدة ومثل ماقال نبذه مختصره ونا اشهد انه اختصرها غير مره . من كثر ما اختصر نبذته ماذكر آل الجحل ولا بين حدود رفيده ولا بيض الله وجه عدوه.
صحنا من سعيد فجانا سعيّد وقال علومك ياسعيد مهيب صحيحه وجابله ذيك الجداول ضعت ونا ادور لكبر قبيلة في رفيده بينها ويوم اعاين الا وهو حاطنها من ضمن لحاف وقشه. الله واكبر ولا اله الا الله

يالربع آل الجحل سميت بجدهم جحل الي كان عنده سبعة عيال الي بهم سميت لحام القبيله والي هم ساس آل الجحل ومن غارم والمغارمين كثير والي يغارم يختار له قبيلة جيده ما بيختار قبيلة فيها ردى ولا لها صيت الا لهم الفخر لا قيل له اجحلي ولا يدخلون في السبعة اللحام الا واحدن من آل مستنير.وهم نقالة عمود وبقعتهم الواسعه ماورثوها خذوها بخشم االبندق قبل نعيش في ظل حكومتنا الرشيده يوم كانت القبايل بين ذابح ومذبوح. والله يرحم من ورث لنا بقعتن قام راعي البلاد يهدي على جاره من كبرها ولاني براعي تقاويل ومن طلب اثباتي عطيته ورفيده وعبيده والحباب مايجهلون فعولنا دونهم وكلن بيمنع عمره ولكن حن سد اقحطان من المشرق حدينا قبايل عسير المجاورين على بيوتهم ايام كانت عسير في حكم آل عايض ومن اكبر قبايل شهران قبيلتين حاربوهم الي ينمشى ممشاهم والقبيلتين مجتمعه واحتمينا حدنا وغنمنا من اعدانا الشي الكثير والله ماغر الاول ولا التالي منهم آلآلجايل سموهم الجواله في بدايتهم لن حدهم مرتمي وكان حلالهم وعيالهم في قصور بنوها بعد ما حلوا والجحلي حل من ينزّحه عن محله حكاا يارجال ماتزاح الجبال الزحّلي وكان المسافر من جميع قحطان لا بغى يقضّي له شغلة صوب أبها لأنها كانت المدينة الرسمية في ذاك الحين ما كان يرتاح من عناء السفر وينوخ ركابه إلا عند آل الجحل وذكرها كبير آل بو داهش من عبيدة والي يعرفه ينشده.
وعندي علومن واجد منها واكتفي بذكر هذه الحادثه حالياً أن جيش من آل عايض جاء يستاذن آل الجحل من هيبتهم وسطوتهم على حدهم انهم يروحون لآل عامر يحربونهم وجوا في صوت اذكر ابياته في موضوع خاص عن آل الجحل في ذا المنتدى وكانوا بصوتهم يستاذنون بسخريه ويهددون بشده ورفض شيخنا ذاك الوقت الي هو عبدالله ابن شويل جد محمد ابن ناصر ابن شويل شيخنا حاليا
الله يقدي روابعه ويدلها على الخير والعلم الغانم ويذكره بالخير وكان جيش آل عايض مهاب جيش منظم مسلح تحت امر الدوله العثمانيه وبعد ماسمعوا الرفض قالوا تجيكم الثانية وجمع شيخنا الله يرحمه ويسكنه ويسكن شيبانا واموات المسلمين الجنه جميع اجحلي الي ليا جات هده عينهم اطوع له من عياله شانهم شان كل اقحطان والله يرحم المهادي طراه بيته المعروف الي يقول فيه :-

لي لابتن لا قلت للخيل رده=ترايعوا للهوش مثل الجمالي
ولاهوب يخفاكم ولكن جيش آل عايض تنشدوا قبايلهم الي حولنا وقالوا يمكن اتعدونهم بس لا وصلتوا هذولاك مع انهم قليل بيهزمونكم ولا لآل الجحل من ذي القصة الا دوارة العلم الغانم عند بني عمهم الي وراهم.
حنا ماحاربنا بني عمنا ولا حدونا بني عمنا مع كل جال اكثر حدنا مع الاجناب واشوف رفيدة اجحدتنا ماكنا حميناها ماكان واحد يقدر ياخذ شوكة من ارض آل الجحل ويهابون بني عمنا الي حولنا من هيبتنا ذرينا القمر واثره شمس حارقه.
افااا ياوجيه اقحطان ماهيب ذي سلومنا ولا عاداتنا يااقحطان نعترف لراعي الجميل بجميله ونغدي اطيب منه ولا زلينا بركنا للحق قبل مايطلب راعي الحق حقه حن آل الجحل ماحن هلايم يالربع ضمتوني والله اني منضام ولا حدن يجيني يقول شيخنا يرجع لبن عامر شيخنا شيخ وراه جمع مايضام وانشدوا بن عامر الله يصلحه لربعه ويسخره لهم والله يرحمه كانه مات.
وماطال سمج ولا ودي اسكت ولكن ابا اجيب اثباتاتي ورسوم حدنا وشعارنا شيب وشباب واحطه بموضوع وابطلب تثبيته في هذا الصرح الموثق الي مايقبل الا كلام عليه اثباته وتكفوووووون يا إدارين ويامشرفين ان حد تكلم عن القبايل بنبذات مختصره لا تعرضونه تكفوووووون .آل الجحل رفيده واذا عيت رفيده فآل الجحل من اقحطان والي يزعل يشرب ماا.
لا هذا اسلوبي يالربع ولا احب المهايط الي ماهوب صامل ولكن عرضتوا هذيك المواضيع يالمشرفين اصبروا على عرض ذا الموضوع وان ما عرض فطلابة الحق ضاعوا عند الي عقلوا اعمارهم للحق. ويجب ان يكون هناك مصداقيه من قبل كاتب الموضوع وتقصي لما في بطن هذا الموضوع من قبل المشرفين ولا يترك الحبل على الغارب لكل من اراد ان يتسلى بالكتابه على حساب القبايل الي وقعها بين آل الجحل حدهااا ماينشاف للي ايعرفها ((ويل حالي يالجويلي للي ايعرفها؟!)) وموقعها ماملكته قبيله اقحطانية من ناحية قربها من المدن الحيوية كافة نبعد عن خميس مشيط 20كيلومتر وعن ابها 23كيلومتر والمتنزهات على حدودنا الي هي القرعا ودلغان وتبعد عنا الحبله 18كيلو متر ويبعد عنا المطار من حدنا الشرقي حوالي 28كيلو متر يالربع ماخذيناها وامواتنا رخوم يكرمون ويعتلون بسابق فعلهم عن مثل ذا القول وحناا شيبان وشباب حالنا حال جميع اقحطان الدين زينة الرجال وصلابة الرجال فينا علومه ولا صار في عرضه الجنبية ونعيب العيب لو انه مثل خرم الابره ونمدح المقدي ونحث صغارنا على الشجاعه والشعر وعلوم الرجال وصغارنا يشوفون ربعهم وما قد خبر الورد ينبت بتنباك الله يرحم ابركات .
واعذرووووني على الاطالة وانا ملزوم بتوثيق كلشن عن آل الجحل من فعل وقصص وشعر في هذا الصرح الشامخ الذي بيرقه وهيبته وسلمه وعلمه وإداريه ومشرفيه وأعضائه من ((قحطـــــــــــــــــــــان)) كبار الجموع بعاد النجوع كل اقحطاني اشوفه اخوي ونحب انعرف علوم بني عمنا في كل ديرة من نجران للعراق وافتخر بهم والطم الثلاب لا اخطى على اي قبيله اقحطانية ولا شخص اقحطاني وذا سلم كل آل الجحل شيب وشباب اوقف للي يقول في يام والعجمان شي لنهم حلفانا ونسابتنا فما بالك لا صار الكلام على واحدن اقحطاني واليا تغربنا دريت اني اجحلي قحطاني وراي ربع وراي علم الله يخيب رجاي كان خيبتهم وانا اسمي الجحلي القحطاني.....وسلامتكم ولاهنت يامن قرى الموضوع والله لا يرزقني كاني ادافع عن اقحطان وعن رفيده في كل مجلس واحول دون الكلام عنها ويوم اجيهم الا وانا قدري عندهم اقل من الي اشوفه بعيون الاجناب والله لا يرزقني كان ما وقفت دون ذيك المواضيع الي همشت قبيلتي .
واسمحولي بذا القصيدة للي ما يعرف آل الجحل:


ياذا الرساله وجهي يم الأحرار=الي لهم بالجود علم(ن)مسطر
الي ليا عجت ودار الرحى دار=رجالهم من سطوة ايده تغبر
حيل(ن)حلاحيل(ن)صناديد واشرار=شر(ن)على الي بالخيانه نوى الشر
ومن عزهم ينعز وللجار مقدار=ابن الجويلي ونعم الفين واكثر
مير اسعدي يارفيدة الجايلي جار=جار(ن) يضك الي يبي منك يظفر
حنا ذراكم يوم ذاك الزمن جار=البدر لولا الشمس ياكيف يظهر
آل الجحل كبش الفحل سيف بتار=والي جهلنا عان شهران تذكر
وايضا عسير تهاب لو جندب(ن) طار=من صوبنا ويقول يالله تستر
كل القبايل فعلها بالسما طار=واردى قبيله حصلة فعل يذكر
وماني بخبل(ن)مسكوه العرب طار=اقول واحمي كلمتي لاتودر
والهرج لامن طال خوان الافكار=وماخانت الكلمه لبيب(ن)تفكر
حبيت ابين كامن(ن)وافضح اسرار=والأجنبي بين الأجانيب يحذر
ونا اقحطاني بين ربعي هل الكار=وكل اقحطاني زير والضد جحدر

<<<<<<<<< اخلص علينا يارجال :030104_em
وفديتكم وفديت طولة بالكم

اخوكم

ولــ أم القبايل ــــد

أبومسفر القحطاني
16-09-2005, 05:38 PM
أرحب يالجحلي والنعم و سبعة انعام والله بكم وانا معجب بآل الجحل(رغم وقوع دم بيننا وبينكم) الا ان بينا وبينكم علوم غانمه وروابط نسب وأعجبني بصراحه تحمسك وياليت تتحفنا عن قبيلتكم الموقره

أما بالنسبه لآل الجحل فهم وآل حلامي وآل جليحه وآل القرن وآل علي يطلق عليهم بني بره استدلالا على ماسمعت من كبار السن وياليت تبين أكثر وتبحث لي في الموضوع لاهنت[line]
وعندي ملاحظتين:
الأوله قائل البيت هذا:

لي لابتن لا قلت للخيل = رده ترايعوا للهوش مثل الجمالي
فهذا البيت للفارس محمد بن هادي بن قرمله السحيمي أمير قحطان في الماضي وليس المهادي (جل من لا يسهو)

الثانيه:
ان هناك فئه قليله ولله الحمد يشككون في نسب قبائل رفيده وانها ليست من قحطان(فأرجوا ان لا تستغرب اذا طمر عليك واحد من هؤلاء المساكين والجاهلين في الأنساب وحاول التشكيك وأنت ذئب وتفهمها فعليك بالرد مع الأثبات)

وأنا في خدمتك انى شئت وتقبل تحياتي يابن العم وعصابة الرأس وانا في انتظارك




أخوك:
أبومسفر القحطــــــــــاني

عزيز قوم
17-09-2005, 12:27 PM
صح لسانك والله انك ماظلمت نفسك فيما قلت عن بني عمنا بل قد تكون لم توفي اقولها والله ماني من قبيلة رفيدة عامة مع احترامي لهم .ولي تحفظ عن مراجع الشيخة

داهم بن نجيم
18-09-2005, 03:40 AM
والنعم بهم
ويقولون الاولين " اللي ما يفازر ماهو بجحلي"

محمد الحياني
18-09-2005, 06:13 AM
والله وسبعين الف مليون ونعم



ارحب عدد ماهلت مزون السحابة

ولـد ام القبـايل
22-09-2005, 08:41 AM
ابقــــاكم الله ودام عـــزكم وحســـكم يالسنـــــــايديــه ولاهنتـــوا جعـلني معـــدمكـــم.

ابو مســفر: يشرفني مرورك ومشكور جعلني فداك غير الدم وما دم يارجال كلٍ يلحس دمه ومحاها من دحاها.

عـزيز قـوم: يدوم عــزك يامسـندي ولاهنت ولا اتحفظ ولا شي يارجال وش الله حادك بن عامر
ماتحفظ جعلني فداك.

نجـم بن دهيـم:لاهــنت ولا شـــنت وصدقــت بالي قلت ((الي مايفازر ماهوب اجحلي)) ونا اجحلي ولا على القبايل زود.

فـتى الجــوة:ونــــــــــعم فيــــك وفي ربـــــــعك حي ذا العيـــن ياراعي التراحــيب جعل عين من جابـك ماتبكيــك ياكحيــلان .

ونــــــــــعم فيكم كلن بسمه وبسم قبيلتــه ونعم بكل اقحطان وكل القبايل وودي اقول لبو مســفر جعلني فداه شي ((لا تكشـف راســك لكل حيدٍ معترضـه )) خذ وخل نافداك ومشكـــــــورين على مـــروركم الكــريم .

ولكم كل التقدير من اخوكم

ولــ ام القبــايل ــد

عاشق الجنوب
03-10-2005, 10:32 PM
ونعم يارفيده قد هو غصب نقوله فالمثل يقول اذبح الرفيدي ولا تحاجه

المنار
04-10-2005, 01:30 AM
السلام عليكم ورحمة الله وبركاته :
اخي العزيز ولد ام القبائل
والله ومليون نعم في قبيلة ال جحل معروفين ولافيهم شك وانا اخوك ومن اطيب القبائل ولهم تاريخ عريق
والنعم في الشيخ محمد ابن شويل شيخ ولد شيخ وال شويل شيوخ ال الجحل .

أبومسفر القحطاني
16-10-2005, 02:54 PM
ونعم يارفيده قد هو غصب نقوله فالمثل يقول اذبح الرفيدي ولا تحاجهوانت صادق




أخوك:
أبومسفر القحطــــــــــاني

ولـد ام القبـايل
23-10-2005, 08:09 AM
ســــديت الجـــواب يابو مســــفر جعلني فـــــداك


انا شايفـــها من اول بس ابيه هو كل مامر على الموضوع يقرى الي كتبه ويـتأكد من كلامه لأنه ماقال الى الصدق


((وكم واحـدن ينفخ وترجع على راســه))


تحياتي وتقديري لك ياابومسفر

ولــ ام القبــايل ـــد

محمد الكدادي
09-11-2005, 12:48 AM
ولد ام القبايل الله لايهيييينك عزالله كفييت ووفيييت



قلت ونلت ياولد الاجاويد

وبيض الله وجهك في التوضيح .

عزالله ان مردوودك وافي وكافي

بين الصح من الغلط

الله لايهييينك


اخووووك : محمد الكدادي .

سنحان بن عامر
30-09-2006, 12:16 AM
ونعم بآل الجحل طارفة حد قحطان وافين وعلومهم ترفع الراس

سفير بني بشر
30-09-2006, 04:46 AM
وونعم با ال جحل أول وتالي

احمد ع القحطاني
05-10-2006, 12:46 AM
السلام عليكم ورحمة الله وبركاته
اخي كاتب الموضوع والنعم في الا الجحل ولا اعتراض على ما اوردته في موضوعك وان كان هناك بعض التهميش لبعض القريبين منكم !! ولكن ما لفت انتباهي هي لغه ولهجه الكتابه فأن كنت منهم فهذه ليست لهجتهم !! ولماذا لاتكتب الموضوع اما باللغه العربيه الفصحى قدر المستطاع او ان يكون بالعاميه الدارجه عند من تناولهم الموضوع؟ . حتى يكون الموضوع مقبول ...
تحياتي للجميع... والله من وراء القصد

الصقر الجنوبي
07-10-2006, 02:52 AM
السلام عليكم ورحمة الله وبركاته :
أرحب يا جحلي ......
ابغى اقول لك مهو انتم وبس حتى بني وهب وال حلامي وناس غيرنا كثير مااااا ذكروا فيها بس ويش نسوي ياليت يعيدونها وينتبهون للن لمثل هذة الاشياااء
وسلم على كل من كان في الوديين والله مشتاق لكم واجد لاني ادرس بالرياض ومافيه علووووووووووووم رجال هنا زي الجنوب
والسلاااااااااااااااام مسك الختام

قحطاني متغرب
07-10-2006, 01:45 PM
والنعم يا جحلي ونعم في رفيده ..... بس لازم تتاكد من صحة المعلومات فانت ذكرت انكم حد قحطان من المشرق ؟؟؟؟
وانت الصادق من الغرب اذا صح التعبير وترى معروفين منهم حد قحطان من المشرق ومرسمين حده .... ولاهنت على المشاركه الطيبه

عبدالله آل عباد
14-10-2006, 10:57 PM
والنعم يا جحلي ونعم في رفيده ..... بس لازم تتاكد من صحة المعلومات فانت ذكرت انكم حد قحطان من المشرق ؟؟؟؟
وانت الصادق من الغرب اذا صح التعبير وترى معروفين منهم حد قحطان من المشرق ومرسمين حده .... ولاهنت على المشاركه الطيبه



ونا أعيد الأستفسار




ووالله وسبع أنعم


وفيه ناس منكم يالجحل

نازلين عند بني بشر وهم يعدون منهم الأن

عطيب الضرايب
14-10-2006, 11:27 PM
السلام عليكم ورحمة الله وبركاته
الصقر الجنوبي : سامحك الله يا وجه قحطان ؛ لااجل عين تكرم مدينه!!!

ابوسليمان
29-05-2007, 12:48 AM
بيض الله وجهك يبن الجويلي والله لايهينك ويسدد خطاك على هذالمشاركه

سعود الجنوبي
02-06-2007, 09:38 PM
أرحب أرحب
ونعم برفيدة

شريف بن قحطان
03-06-2007, 02:39 AM
والله ونعم بصبيان ال الجحل وعموم رفيده....


بس حبيت اصحح معلومه الاخ كاتب الموضوع...


حيث ذكر ان ال الجحل على حد قحطان الشرقي..؟؟



وهذا خطأ ربما كان يقصد الشمال الغربي من جهه عسير وشهران...


اما الحد الشرقي فحماته ابطال قبيله الحباب الشهيره من جهه يام ووادعه..

محمد السلطان
06-11-2007, 12:42 AM
بسم الله الرحمن الرحيم
اولاً مساء وصباح الخير للعموم واسعد الله جميع اوقاتكم بكل خير
الحقيقه ليس موضوع تهميش قبيلة ال الجحل فقط هو مالفت انتباهي في المنتدي فقد لفت انتباهي اشياء كثيره قيلت اما بالخطاء او بالقصد تضر بسمعة قبائل سواء من رفيده او من غيرهم وكذلك مواقع حددت بالغلط وانا شخصياً لا اعتب على كاتب الموضوع فقد اصبح كل من هب ودب يمتلك جهاز حاسب ان يكتب وقد يكتب اناس لاينتمون لقبيلة قحطان من باب السخريه او من هذا القبيل ويقيمون قبائل وهم اصلاً لو دخلوا مجلس ما قام لهم احد ولكن عتبي الكبير على الناس الواعيين القائمين على هذا المنتدى فكان عليهم تمحيص المواضيع قبل ان تنزل في المنتدى وقد لفت انتباهي انهم ولا واحد منهم قد قام بالرد على هذا الموضوع ولم ارى اي اعتذار
اما بالنسبه لما كتبه الاخ ولد ام القبائل ففي ما اورده نقص شديد واشكره على ما اورد الا انه لم ينصف القبيله بشكل جيد ولم يتطرق لمواضيع ووقائع كثره اشتهرت بها القبيله وقبيلة ال الجحل فبيله كبيره وعريقه وعروفه وهي من اكبر قبائل رفيده خاصه وقحطان عامه وفي رايي المتواضع ان بعض صغار السن الذين الذين يكتبون في المنتدى وتحت اسم مستعار ليس همه المعلومه وانما همه المشاركه فقط ولاظهار نفسه انه يعرف القبائل وهو مايعرف الا ماتعرف جدته ففي رايي ان لايشارك الا في مواضيع على قده سواء رد على مواضيع او في باب الخواطر ونكت ويبقى بعيداً عن تهميش القبائل او سبهم
دمتم سالمين

سعيد بن سلطان
06-11-2007, 09:22 PM
والله سبعين مليار بالجحل ورفيده كافة
حكام من يوم خلقة الدنيا
والجحل من روس رفيده وعلومهم ترفع الراس مع رفيده وقحطان عامة

تحياتي