المساعد الشخصي الرقمي

مشاهدة النسخة كاملة : غاب إبن مانع وأبى شاعرٍ غيره سنافي


عبدالله العبيدي
14-09-2005, 10:07 PM
السلام عليكم ورحمة الله وبركاته

مساكم الله بالخير

غاب إبن مانع وأبى شاعرٍ غيره سنافي .. مايمد من القوافي سوى عذب القوافي .. وإن سرينا فيه فالخرمسية مايخافي .. ولعوها نار والنار من شبابها .


اللي يجي مرحبا به من بعيد وقريب = مافاله إلا دلالٍ صفر ومبهرة
بنت الهوى وصلها ياأهل المعرفة صعيب = ماتقبل إلا قرومٍ حازوا المفخرة

الهاوى
16-09-2005, 07:55 PM
غاب ابن مانع وانا انوب عنه يالعبيدي..بس قبل تولع النارقلي وش تريدي..وانت شاعر مبتدي لاقريب ولابعيدي..ولعواها ناروالنارمن شبابها



ابك البقـا والله يـقـودالرجـا والنصـيـب = والصامل ينوب عن خمسة عشر وعشره
بنت الهوى شرطها ياطيرشلوىعجيب = تـشرط عـلى من بغـاها ثـور والابقـره

عبدالله العبيدي
16-09-2005, 10:29 PM
العبيدي شاعر مبتدي والشك زايل .. مير لا ثار الدخن يشهر بطيب الفعايل .. ولايريد إلا الشحم واللحم من جنب حايل .. ولعوها نار والنار من شبابها


المذن أذن وأخذ يومين ماله مجيب = وكلٍ من المسلمين يعاين المنضرة
أنا تزوجتها والحفل تم بطريب = والهاوي أقفى يشيل الشرط فوق ضهره

الهاوى
17-09-2005, 06:02 PM
يالعبيدي طيع شوري وخلك مع عبيده..واحمدوا الله واخشروافي اللتيحه والعصيده..وانتم اهل الطيب واهل المواقف والعقيده..ولوعوها نار والنار من شبابها


لاتحسبن الملاعب زبد شاه وحليب=جنب وخل الملاعب ياوليد المره

ترى النجاره بها مكسب ولاهيب عيب=وان طعتني يابوعابدشوف لك منجره

عبدالله العبيدي
17-09-2005, 08:14 PM
مع عبيدة نرفع الراس ونحوش الغنايم .. وانت بفراشك سواة المرة لاشك نايم ..لا أنت لا بايع ولا أنته مع العربان سايم .. ولعوها نار والنار من شبابها

لا ترفع الصوت يالهاوي وخلك حبيب = وأنته ليا ألحين ماندري من أي شجرة
ما بالنجارة ترى من عيب من دون وريب = وأنت اخذ لك موس واحلق للزبون شعره

سعيد بن مانع
18-09-2005, 12:45 AM
عبدالله العبيدي صح لسانك يالغالي واشكرك على اطرائي


الهاوي صح لسانك


لاهنتووووووووا وواصلووووا متابعين لكم لكن على هونكم ياكرام اللحى علشاني

الهاوى
18-09-2005, 12:05 PM
والله ونعمين لوانك ماخنت الجحادر..في نهارن وصلت به القلوب ليا الحناجر..قد نصحتك وش تبي بالجنايز والمقابر,ولعواها نار والنار من شبابها


ابرفع الصوت واقنب فوق راسك قنيب=والهاوي اليا احتمى الميقاف ماتقدره

انا نصحتك لوجه الله واحسبك ذيب=اثر النصايح مع مثلك بدون اثمره

عبدالله العبيدي
18-09-2005, 03:02 PM
من دون وريب = من دون ريب .. ( خطأ مطبعي )

عبدالله العبيدي
18-09-2005, 03:05 PM
الجحادر والله ونعم فيهم كلبوهم .. كيف خنّاهم وابونا ولد عمٍ لأبوهم .. من فداهم في وجيه العدا لو حاربوهم .. ولعوها نار والنار من شبابها


سبحان رب السماء وأثره دقاق السبيب = وإن شبة النار تاكل يابسه واخضره
اذهن ترى لا كبرت شوي راسك يشيب = والخيل فالدرب لا من شاف جرف اطمره

عبدالله العبيدي
18-09-2005, 03:09 PM
بن مانع
أرررررررررحب تراحيب المطر

صح بدنك ولاهنت

والحمد لله على السلامة

وألف مبروك تعيينك مشرف

واستعد للمقبلات يابن مانع

الهاوى
19-09-2005, 07:22 PM
ابن عم(ن)في الرخا يالعبيدي وانت صادق..بس في وقت القسا مانت صادق يالمنافق..اقفل الموضوع ماودي تثور البنادق. ولعوها نار والنار من شبابها


احسن لك اتقفل البيبان وتصير اديب=والسرمن بيننا مدفون في المقبره
الخوف لو ان معنا يالعبيدي غريب=تر الغريب ان لقى له علم شين انشره

عبدالله العبيدي
19-09-2005, 09:07 PM
لا إنشاء الله ياخوك ماني منافق !!

على العموم أخي الهاوي

صح لسانك ولاهنت وتسلم على الطاروق الممتع

وسامحنا على القصور فلاشك إنّي استفدت من اللعب معك

وكم يسعدني أن نتقابل في طاروق آخر


وشكراً

عبدالله العبيدي