من فرسان قحطان

[علي بن شداد القحطاني]

عثفر العماج
وهو الشيخ الفارس عثفر(هادي) بن مسفر بن فيصل بن حسن السحمة ـ الجحادر ـ قحطان .


تذكر المصادر إنه تزعم قحطان في بداية نزولهم لنجد ،
ثم جاء بعده في الزعامة الشيخ هادي بن قرمله ثم أبنه محمد بن هادي .
ويقال إن عثفر العماج هو القائل القصيدة التالية بعد المواجهة مع الدويش على صبحا
:



جانا من الدويش جيش ومراسيل
يطلب علينا من دبشنـا خيـاره
وعقبه جرى يوماً عسامة مظاليل
بين الهضاب النائفـه والزبـاره
على بيوت معلقيـن المواحيـل
منا عليهم طلعة الشمـس غـاره
والخيل بين بيوتهم تذرع الخيـل
فيها ذبح وطبان وسط المعـاره
عيناك ياشول نسوقـه مهازيـل
يبغى الحيا في ديرة غيـر داره
يرعى بخلان الايـدي المغاليـل
جحادر كنهم ضواري النمـاره


والله كفو ياوجيه عبداله

ويمكن الرجوع لسيرة هذا البطل وغيره في كتابنا السيف والسنان عند فرسان قبائل قحطان


وتقبلوا تحياتي

[نايف القحطاني]

ومليوووووووووووووون نعم بالجحادر والله يرحمه ويبيح منه

مشكوووووووور

[شامانـ العاطفي]

ارحب يابو إبراهيم

ويعطيك العافية والله يرحم عثفر العماج وغيره من الشيوخ فقد سطروا لقحطان تاريخ لا ينسى

[مشاري بن نملان الحبابي]

أرحب يا بو إبراهيم ..

وبيّض الله وجهك على الطرح المميز ..

[الضويري]

رحمه الله رحمة واسعه

يرعى بخطلان الايـدي المغاليـل
جحادر كنهم ضواري النمـاره


لاهنت يابو إبراهيم

[مقدم الشفقان]

ارحب يا بو ابراهيم والله لا يهينك على مجهودك الطيب في خدمة قبيلتنا العزيزة.

تحياتي لك

[علي بن شداد القحطاني]

نائف القحطاني
شامان العاطفي
مشاري بن نملان
الضويري
مقدم الشفقان

سعدنا بمروركم لاهنتوا جميعا

[فهد حمد الحبابي]

الله لايهينك يابو ابراهيم وانت خدمة هذه القبيله من جميع النواحي

خدموك العيال الصالحين ان شاءالله

تقبل تحياتي الخالصه

اخوك : فهد حمد الحبابي

[محمدبن بدر الشواطي]

ارحب يابو إبراهيم

ويعطيك العافية والله يرحم عثفر العماج وغيره من الشيوخ فقد سطروا لقحطان تاريخ لا ينسى

[علي بن شداد القحطاني]

فهد حمد الحبابي

الله لايهينك على المرور الجزل

[علي بن شداد القحطاني]

محمد بدر الشواطي
تبقى يابو بدر وافي من وافين

[علي بن شداد القحطاني]

أشكر الجميع كل الشكر